طرمبة بنزين 128 جديده للبيع ارجو الرد

يا جماعه انا معايا 3 طرمبات 128 جداد وعاوز ابيعهم لان كان عندي مشكله والميكانيكي الله يسمحه قالي الطرمبه وجبت طرمبتين واحده تركي والتانيه ايطالي واحده ركبتها يوم والعربيه عطلت تاني رحت جايب الايطالي جربتها وانا واقف ممشيتش بيها خالص وبرده العربيه مدارتش رحت في الاخر جبت واحده كهربا ماليزي اشتغلت زي الفل ومشيت بيها يوم واحد


بعدين رحت لميكانيكي تاني قالي يا باشا الطرمبات كلها سليمه والعيب كان في خرطوم مقطوع بيدخل هوا للطرمبه فمبتسحبش بنزين


المهم الله يباركله ركبلي القديمه خالص وشغاله زي الفل والحمد لله

دلوقتي انا معايا 3 طرمبات 2 عاديين وواحده كهربا وعاوز ابيعهم للي يحتاج اي حاجه منهم

بالنسبه للاسعار انا سايبلكو الموضوع ده تقيموه براحتكو لاني حاسس اني ضيعت فلوس في الهوا فعاوز اجيب حتي اجيب جزء منهم