ايه الحل مع الخرابيش اللى بتظهر فى العربيه و كيفيه معالجتها
عرض للطباعة
ايه الحل مع الخرابيش اللى بتظهر فى العربيه و كيفيه معالجتها
فيه بعض انواع العربيات يا معتصم بيه بتنزل معاها قلم بنفس لزن العربية
بس القل دا لعلاج الشخوط البسيطة اللى مفيهاش كدمات يعنى يكون السطح المجروح ناعم ومستوى مش داخل لجوة
بس للاسف مش كل العربيات بتنزل معاها القلم دا
يوجد معجون او كريم ملمع للسيارات بيتباع عند بتوع البويات و مش غالي و بيخلص الخرابيش البسيطة بواسطة فوطة عادية و نظيفة
و ممكن تروح لبتاع دوكو يعملهالك بالكريم برضه و حياخد في حدود 30 ج
و الله انا مش عارف اشكركم ازاى يا جماعه ....انا عربيتى لانسر 2007 كحلى مبقالهاش شهر معايا فانا الصراحه اتجنيت بسبب الخرابيش ديه فانا عايز اعالجها على طول
في كريم بيتباع في البنزيمات بيتحط جنب الخربشه و تمشيه بحته سفنجه بياخد اللون من المكان السليم و يعوض في الجرح بس بالراحه في الاستخدام عشان ما يبوظش الحته السليمه
لو سمحتم و انا بركن النهاردة كان فى طوبة على الرصيف فخبطت فى العتب فجرحتة و طبقتة فمن فضلكم عايز اعرف اصلح الكلام دة ازاى و يتكلف كام
عتب فيبر و للا العتب العادى
كده كده هتروح للسمكرى
الفيبر طبعا اسهل
ها يتفك و يتعدل و لو محتاج دهان يترش و بعد كده يركب
اما لو مش مركب عتب فيب فالسمكرى ها يدق على الجزء التطبق زى أى خبطه و طبعا البهيجى يدهن لو محتاجه
لا هو عتب عادى و امبارح رحت للسمكرى قالى ان الموضوع دة هيكلفك 120 جنية برغم ان الخبطة ضغيرة جدا فهل السعر دة مبالغ فية ولا عادى
هي مش بتتقاس بحجم الخبطة ممكن تبقي خبطة صغيرة وتاخد شغل كتير او متتعملش غير بحموات وممكن خبطة كبيرة تترد بدقتين علي البارد بس لو المبلغ ده مقابل انة يردها علي السخن وهيرشها يبقي كده كويس لاكن لو الموضوع مش مستاهل حموات او اعادة رش يبقي كتير اوي و 30 - 50 جنية كفاية
بص العربية جديدة
و الصنايعية دايما يحطوا السعر حسب العربية مش حسب الشغل
من الآخر لو السمكرى ده نضيف قوى و انت مجربه يبقى تفاصله حبه و اعملها
ربنا يسترها معك ومع الجميع