اقتباس:
المشاركة الأصلية كتبت بواسطة mmamdouh
معلش الكلام دة غلط... دة لا مكتوب فى كتالوج ولا على اى سايت رسمى او غير رسمى لشركة gm فا انا مش عارف انت جايب الكلام دة منين
ثبات من انهى ناحية بالضبط؟
انت شكلك بتتكلم على المشى فى خط مستقيم... دا اساسا مش اختبار ثبات... اى عربية فى الدنيا هتمشى فى خط مستقيم بدون مشاكل حتى لو فيها كاوتش 135
جرب خد بالعربية دى ملف قاسى على سرعة و اتفرج هيحصل ايه... انصحك لو انت مش متمكن فى السواقة متجربش الحركة دى... و ادعى ربنا محصلش اى موقف طارىء على الطريق يجبرك تعمل مناورة بالخطورة دى
ابسط مثال و انت ماشى بسرعة قليلة (80 مثلا) جرب حود الدركسيون 45 درجة شمال فى 45 درجة يمين براحة و بهدوء و شوف كدة ضهر العربية حاسس بية بيلعب لوحدة اكنك بتجرة ورا منك ولا العربية بتحود اكنها حتة واحدة؟؟؟
لا خلاف على النقطة دى لان قوة الفرملة مرتبطة بشكل مباشر بعرض الكاوتش... بس قوللى اخبار رد فعل الدركسيون ايه؟... مش حاسس ان الدركسيون فى ايدك بقت حساسيتة اقل؟... يعنى الحركة اللى بتعملها على الدركسيون مش بتترجم بالكامل الى تغيير اتجاة من العربية؟؟؟؟؟؟
علو العربية يعنى رفع مركز ثقلها عن الارض يعنى تمايل اكتر و انت بتعمل مناورة يعنى ثبات اقل
هى فين المكاسب؟
انت كسبت قوة فرملة زيادة فقط لاغير
العربية بقت اعلى يعنى هتطوح فى الملفات
بروفايل العجل اكبر من اللازم يعنى استجابة الدركسيون بقت اقل
حجم العجل بقى اكبر بالتالى استهلاك البنزين بقى زيادة
قطر العجل بقى اكبر بالتالى عداد السرعة بقت قرايتة مش صح
ميزة واحدة مقابل 4 عيوب... فين المكاسب اللى اكتر بكتير؟
فية حاجتين....
اول حاجة التجربة العملية هى انك تركب عربية بكاوتش مقاساتة صح و تجربها فى ملفات قاسية و قوية و تشوف اخرها ايه و بعدها تركب عربيتك و تجربها على نفس الملفات و تشوف هل عربيتك هتقدر تدخل الملفات دى بفس سرعة العربية التانية ولا اكتر ولا اقل.... لو دخلت بسرعة اكبر يبقى انت صح و انا غلط... و لو دخلت بسرعة اقل يبقى انت غلط و انا صح
تانى حاجة قصة "امامى و راكبها بالفعل" مش مقياس لحاجة... دى زى كدة ما واحد يقولك "على فكرة انت ممكن تصلى الضهر من غير ما تتوضى... انا جربتها و نفعت"
ممكن تشرفنا مقابلة الدايو اللى جاية (بشرط تكون فى المقطم) و انا يا سيدى متبرع اعملك الاختبار دة على منزل المقطم بنفسى عشان تبقى "تجربة عملية" بجد بس تجمد قلبك و تخافش
و بعد ما نجرب نبقى نقارن اداء عربيتك بعربية عمرو مثلا (بعد اذنة طبعا) لان هى احدث عربية موجودة تحت ايدينا و تعتبر اقرب عربية لحالة العربية الزيرو
mmamdouh
تحية اعزاز وتقديرررر و احترام لحضرتك جداااا
يا ممدوح باشااااااااااااا
شكرااا و علم و ماشي الحال يا باشا ........ من فضله تعالى ... انا عندي نيسان 2009 و انا عارف امكانات و استخدامات ال لانوس تماما ... و كانت معي في ايطاليا من اكثر من 7 سنين .... لهذا كلامك صح جدااا و اشكركم ... و تنفيذي انا لحاجاتي انا صح كمان !!!!!