بسم الله الرحمن الرحيم


علشان الكاوتش الماكسس ده فضيحة , ومعمول علشان يعوض نعومة وهدوء صوت المحرك في الصني الجديدة , علشان اللي سايق ماينامش !! واهو يتسلى طول السكة ويحاول يفسر الكلام اللي الكاوتش بينطقه طول السكة !!

المهم ... علشان مشواري طويل وشبيه بالسفر , باكشف على ضغط الكاوتش كل أسبوع (ماهياش فارقة نايتروجين ولا هواء عادي ...الفرق مش كبير في تغير الضغط والفترة الدورية للكشف عليه) ... الواد بتاع الكاوتش آخر مرة قاللي البلوف عندك كاوتش ... وكل ما الفردة تسخن ضغطها هايتغير وتضطر تيجي كل شوية علشان تظبط الضغط زي مانت بتعمل


طبعاً انا عمال افكر ...دي اشتغالة ولا إيه , خصوصاً ان مافيش واحد هايقطع عيشه بإيده , بالذات وانا زبون دائم عند الجدع ده , والأربع بلوف هايتغيروا ويكونوا معدن ... التكلفة الإجمالية 100 جنيه , لكن مش قصدي على التكلفة هنا

محتاج رأيكم في حكاية تغيير البلوف دي أصلاً ... هل حد مجربها ,وهل ده مش هايتسبب في ضرر للكاوتش على المدى الطويل؟ وهل الصنايعي فعلاً مش بيفتي وعايز ياخد قرشين وخلاص؟ يعني المعدن أفضل من البلف الكاوتش؟؟