ايه احسن نوادي الأسكندريه ؟
السلام عليكم
طبعا عارفين البلطجه اللي بقت في كل حته ومبقاش في مكان عدل الواحد ممكن يخرج فيه
والصيف جي وعايز اشترك في نادي للعيال يلعبو فيه ويمارسو هوايه لان ابني الكبير عنده حاله نفسيه بسبب قلة الخروج والكلام والطاقه اللي عنده مش عارف يطلعها
النوادي اللي اعرفها هي :
1- سبورتنج وده مش بيقبل اصلا عضويات
2- سموحه : سمعت ان العضويه ب 100 الف (ياحلاوه) بس الصراحه هو جميل بس ياما اشتري شقه او اشترك فيه ههههههههه
3- rcr وده بره البلد تقريبا علي الدولي وبعيد ومش مرخص ومبني علي ارض زراعيه وعليه مشاكل ومش عارف بكام اصلا
4- الجونه
5- اكاسيا وفي ناس بتشتم فيه كتيير
عايز بقي اعرف اسعارهم وايه احسن واحد ولو فيه حاجه تانيه ياريت تقولولي
ولو ميش هنيفع اي حاجه فيهم فانا عايز اي مكان اودي ابني فيه يمارس سباحه او كاراتيه
شكرا مقدما