نتيجه مقابله أغسطس 2008

**aif** · 16-08-2008 12:17 PM

المشاركة الأصلية كتبت بواسطة hazem_khidr

حمد الله علي السلامه يا رجاله
فين الصور
انا اعتذر عن عدم الحضور
رغم ان انهارده قابلت انسان عظيم جدا و الكل بيحبه
و كان يوم سعيد لاقصي درجه:)

غريبة ..... انا كمان كنت نفسي احضر المقابلة .... بس برضه ربنا عوضني خير اني قابلت زميل عزيز علينا كلنا ........ده كان يوم المقابلات العالمي بقى .... حذرو فزرو هو ميييييييييين ؟؟؟؟؟؟؟؟؟؟؟؟؟

**SHNORY** · 16-08-2008 05:12 PM

المشاركة الأصلية كتبت بواسطة Nile_Storm

الزمان : الجمعه 15 / 8 / 2008 الساعه العاشره و النصف
المكان : فيلا العضو الفاضل محمد الطويل mido777
الحضور ابجديا :

AhmedSamir79
Emam
GoodWave
Hamdy
Karim_Monir
Mohamed_Ibiza
Nile_Storm
SAbuhashem
Shnory

ناس كتير كسلت تيجي :( :(
الجو كان حر بس لم يأثر علي جو الود و الالفه و الصحبه الجميله
الاستقبال مفيش احلي من كده
و مش هقولكو بأه علي وليمه كريم و اللحمه و اييييييييييييييه شنوري كان هيموت من الاكل هههههههههههههههههه
و اتضررنا لشرب 5 ليتر بيبسي علشان نهضم الاكل
وحوش بأه

يوم جميل مع ناس اجمل و يارب يتكرر تاني
و بانتظار كريم باشا يرفع الصور
و بانتظار المقابله القادمه و غالبا هتبقي افطار في رمضان باذن الله " الله اعلم "
بس عقابا لكل اللي مجاش فهم محرومين من حضور الفطار

كان معكم مراسلكم نايل ستورم من الاسكنندريه

صباح الفل نايل باشا ستورم
طبعا انا مهما حكيت مش حقدر اوصلكم احساسي بالمقابله الجميله دي وانا كنت ناوي اروح من بدري اوي
بس العربيه من فرحتها بالمقابله قلبها مستحملش وجتلها جلطه في الكربراتير وبدل ما اوصل الساعه 11 وصلت الساعه 2
وبصراحه انا قبل ما اروح كنت برضه متردد اني رايح اقابل ناس مشفتهمش قبل كده
بس من اول ما دخلت حسيت اني وسط ناس اعرفهم من زمان
محمد الطويل طبعا الراجل اللي فتحلنا بيته بكرمه وروحه المرحه
كريم منير عرفته اول ما شوفته من غير ما حد يقولي
وطبعا اتعرفت جوه الفيلا علي احسن واطيب صحبه ممكن الواحد يكون معاهم بس فعلا انا مش لاقي كلام اقوله يوفي اليوم ده حقه
وبخصوص اللحمه مقولكوش كريم منير ضحك علينا وقال ان معاه تلاجه في العربيه تشيل 10 كيلوا طلعت التلاجه بتشيل 25 كيلوا مش 10 بس
وقعدنا ناكل ونشرب ال 5 لتر البيبسي بتوع كل واحد فينا وتقريبا ان مقابله رمضان حيكون فيها باقي اللحمه لانها كتير جدا
وفعلا اسكندريه كانت منوره بكل الناس اللي شرفوها
وبرضه عملنا معاهم الواجب اننا قفلنا الصحراوي بالحراسات الخاصه لاعضاء نايل موتورز وضحكنا علي الشعب وقولنا انها زياره رئاسيه في البلد ومرضيناش نقولهم الحقيقه
وانا فعلا مش قادر اوصف كل واحد فيهم لانهم مهما الواحد قال مش ممكن يوصل الصوره للناس اللي محضرتش
بقول للناس اللي مجاتش فاتكم فعلا يوم جميل واتمني نشوفكم يوم تاني
وبقول لكل الناس اللي شوفتها (كريم منير -محمد الطويل -محمد ابيزا - نايل ستورم -شريف شاكر -احمد سمير ) الف شكر علي اليوم الجميل ده
وبقول للناس اللي مقدرتش اقعد معاهم كتير (استاذ امام _ استاذ حمدي ) لانهم مشيوا بدري وانا كنت لسه جاي اتشرفت بيكم وكان نفسي اقعد معاكم اكتر وإن شاء الله نتقابل في شهر رمضان
واشوفكم كلكم علي خير
ملحوظه
(الغدا كان في كارفور علشان من كتر اكل اللحمه جوعنا اكتر )

**aif** · 16-08-2008 09:47 PM

المشاركة الأصلية كتبت بواسطة Hassan Khalil

حاسس ان حازم قابل الحاج احمد ابراهيم ...
و الاتنين بيضحكوا علينا

تكسب معانا 75 قرش .......

فعلا انا كان ليا شرف مقابلة سنيور زيمو فارس الياريس الأول اثناء زيارة سريعة للمحلة ........ ان شاء الله المقابلة اللي جاية ح تكون في رمضان .... ونتقابل كلنا بإذن الله
هو ممنوع التصوير في مريوط والا ايه ؟؟؟؟؟؟
فين التصاوير يا رجالة

**Karim_Monir** · 17-08-2008 01:16 AM

نيييييييييييييييييييييههه هههههههههههههه
طالما فيها نيييهههههههه يبقي كريم منير وصل
اجيب لحمة مين يا عم
انا نزلت من مارينا الفجر عملت صيانة العربية وعلى المغرب كنت شادد الرحال انا والعيلة على اسكندري
طب اجيبلك لحمة منين في مارينا
لاء ومارينا 5 مش اي مارينا
حد يكون ماريناوي يقولوة يا رجالة البلد دي شكلها ايه
تتعوض بقى في مقلبلة رمضان
الصور على الكاميرا وانا في احقر نت كافية في العجمي
معمي من الاضائة الزفت والسجاير والكي بورد اللي من كتر التكتكة علية سمعتة الازاريطة من هنا
اوووووووووووووووووووووووو وف
كل ده عشان خاطر عيون نايل موتورز
ىن فودافون الله يكرمهم حصلت مشكلة وقفلو خط ال VMC بتاعي امبارح وبقيت معزوووول
الصور يوم الخميس ان شاء الله لما انزل مصر بقي
----------------
صحيح تنوية بسيط عن مقابلة رمضان ان شاء الله
رمضان فلكيا تقريب يوم 2 سبتمبر واول جمعة فيه يوم 4-9
تاني جمعة هاتكون هيا المقابلة ان شاء الله
بدون اي تاجيلات او ترحيلات لاي ايام تانية وهاتكون في الربوة ان شاء الله زي السنة اللي فات
وهتكون برضه فطار جماعي وهايكون تكلفتة للفرد بين 40 الى 50 جنية تقريبا
حبيتكم تعرفوا لان اللي هايحضر لازم يبلغني وياكد الحضور بدفع الفلوس عشان مايحصلش زي امبارح
واللي يقول انا جاي كتير والتنفييذ اقعد انا وشنوري ناكل الوجبات
ها ها ها
كا سنة وانتم طيبين