-
حكايتى مع النصاب
فى الاول هحكى ليكم على لى حصل معايا علشان كله يخلى بالو
كان معايا عربية 28 كنت عرضها للبيع وفى ناس كتير شفتها وبعد كدا واحد اتفق معايا هيشتريها وبعد الاتفاق على الثمن وكمان كذا مره يروح ويجيب حد معاه وفى الاخر قال خلاص هشترى المهم
قال هدفع كذا والباقى عند التسجيل قلت ماشى مع ان العربون قليل بس انا نيتى خير مفيش مشكلة وقال كمان هنسجل بعد اسبوع علشان يكون فاضى قلت ماشى واخد العربية وكتبنا عقد ابتدائى طبعا علشان انا نيتى خير سبتها معاه كل الفترة دى وكمان علشان ضامن ان العربية سليمة لو حد تانى كان قال استلم العربية وادفع كله او عند التسجيل المهم بعد اسبوع روحنا على الشهر العقارى كنت اعرف واحد قال ليا مش تمضى قبل ما تاخد فلوسك وعلى الرغم من كدا عملت له كل حاجة من غير ما اطلب الفلوس بس سبحان الله قبل ما اوقع بثوانى قلت له فين الفلوس راح قال اصلى صرفت على العربية كذا ونسيت كذا قلت له يا راجل يعنى كنت ناوى تنصب عليا امضى وبعد كدا سلام صح انتا راجل معندكش دم وقلت له فلوسى كلها قبل اى حاجة وكمان المخلفات بعدين عجبك ولا مش عجبك وزى الباشا دفع وبعد فترة روحت جبت له الخلفات مكنش عليها حاجة اصلا
اسف انى طولت عليكم بس حبيت ان كل واحد ياخد باله الناس مفيش عندها ضمير ولا اخلاق
-
الحمد لله جت سليمة
ربنا يستر
-
-
الحمدلله
بس متزعلش منى انت غلطان ولكنك افترضت حسن النيه
علشان انت لو هتديه العربيه تاخد فلوسك بالكامل وعلى ما اسمع ان العقد الابتدائى لا يعفى من المسؤوليه والله اعلم
-
الحمد لله جت سليمة
ربنا يستر
-
الحمد لله جات سليمة
والحرص واجب
-
الحمد لله ان ربنا سترها معاك
-
ياباشا مش كل الناس وحشة ،،أنا أشتريت عربيتى الفورد بمبلغ ابتدائى 8 الاف جنيه والعربية معايا وكمان التسجيل بعد شهرين ،، وكمان أنا من محافظة وصاحبها من محافظة تانية خالص ،،يعنى الموضوع موضوع ضمير ليس إلا ،،وربنا يسترها مع الجميع .
-
أنا مش عارف الناس دي بتقبل على نفسها ازاي.. لا حول ولا قوة إلا بالله.. الحمد لله جت سليمة
-
انعدام ضمير وكويس انها جت علي كده
Content Relevant URLs by
vBSEO 3.6.0 PL2