-
الأخ nobody انا فى المانوال لما ببقه جايب 140 الRPM بيبقى على 4 و لو كلامكم بالتجربه العمليه ده مزبوط يبقه ال CVT مش بس زى المانوال و لكن متفوق عليه كمان و هبيتدى اندم انى جبتها مانوال لان السبب فى انى جبتها مانوال مش قله فلوس ولكن عشان انا بحب العربيه تبقه فايقه معايا لما احب اجرى؟؟؟!!!! وعلى فكره انا فعلا شديت مع لانسر CVT و كنا متساويين تقريبا بس انا كان موتورى جايب اخره و هو موتوره كان مرتاح اكتر منى و كفايه ان معندوش فواصل بيحتاج ينقل فيها.....
بصراحه انا بحترم الفتيس الCVT ده جدا بس للأسف و انا بجيب العربيه مكنتش اعرف انه CVT و حتى لو كنت عرفت مكنتش لسه بحثت و فهمت نظريه عمله و بعيب على الانسر الشارك ان رغم انها المفروض متطوره عن البومه و احسن منها فى كذا حاجه و متورها اكثر تطورا و لكن فتيسها عادى 4 نقلات اتوماتك زى فتيس البومه 1300 سىسى بس فى حاجه مهمه عاوز اعرفها من اللى معاهم الفتيس ده من زمان.......ايه اخبار عمره الافتراضى و تكاليف صيانته و ايه اللى بيبوظ فيه لو باظ لانى اعرف ان مفيهوش تروس و عباره عن سير حديد على شكل حرفV و ينزلق باستمرار للداخل و الخارج على الطنبوره بتاعته لكى يصل لنسبه النقل المطلوبه و يا ريت الشمهندس طارق يرد على النقطه ده بالذات لانها هتفرق معايا انى أخد فعلا قرار بتغيير عربيتى لأختها اتوماتك...........
-
هو حضرتك السير كاوتش بتاع الفتيس بس مش عارف بيتغير امتى
على فكرة عيب الاتوماتيك فقط من 0 لحد 40 كم بعد كده يبقى كويس
التسارع من0 الى 100 في 11 ثانية و نص
المانيوال في كام؟
-
فعلا اللانسر على 140كم بيبقى rbm
على 3
160 rbm
على 4
-
يا جماعه انا بحثت فى الموضوع ده جامد و راجعت نسب تروس المانوال بالنسبه لبدايه و نهايه نسب الفتيس الCVT و فتحت موضوع للمهندس طارق عن العمر الافتراضى و الصيانه لهذا الفتيس ده غير انى حسبت عملى انطلاق السياره CVT من 0-100 كم و كمان حسبتها للمانوال و هقولكم على خلاصه المقارنه بين الاتوماتك CVT و المانوال.
أولا: من الأخر كده رغم انه فتيس اتوماتك ولكن اداؤه افضل من المانوال مش زيه كمان لكن فعلا افضل بس المانوال فعلا استهلاكها افضل فى البنزين.
ثانيا: الCVT من صفر ل 100 كم/س على وضع الDs فى 11 ثانيه بالضبط أما المانوال فى 12 ثانيه بالضبط و اعتقد الثانيه الزياده ده ضايعه فى وقت النقل من الأول للتانى لانها فعلا بتاخد ثانيه و طبعا الCVT ما بينقلش.
ثالثا: فعلا وانت جايب سرعه عاليه على طريق الCVT بيقدر يعمل OVER DRIVE اكتر من المانوال ويخلى الRPM ينزل عن المانوال و كأنه فتيس مانوال فيه سرعه سادسه بعد الخامسه بتاعت المانوال.(ولما راجعت النسب بتاعته وفى الكتالوج اتأكد من كده كمان).
رابعا: عمره الإفتراضى اقل من الأتوماتك العادى و لو حصل فيه اى حاجه ما بيتصلحش و بيتغير كله ده حتى لو اتحطلو زيت فتيس عادى غير بتاعه الاصلى من التوكيل بيبوظ علطول و لو باظ لازم تجيب واحد جديد ب27500 جنيه معرفش بالضريبه ولا لأ بس انا سألت المهندس طارق و قالى الرقم ده تقريبا.
(الخلاصه: واضح انه تكنولوجيا عاليه و جميله جدا بس ليها عمر افتراضى يلزم تغييره بالكامل بعدها و ليس له اصلاح او اى حاجه تتغير فيه و تمنه غالى جدا).
-انا عن نفسى كنت بفكر اغير المانوال ب CVT بس مش هاعمل كده الا لما ابقه مستعد ماديا انى اقدر أغيره لما يبوظ خصوصا انى عارف سواقتى كويس و انى هطلع عينه حرق و جرى و طبعا هيخلص معايا اسرع من اى حد تانى.
رابعا: عيبه ان عمره
-
فيه تصحيح معلومه للأخ nobody وهى ان السير مش كاوتش و لكن حديد (حاجه كده زى الجنزير بس اسبشيال شويه)
-
http://www.nilemotors.net/Nile/showthread.php?t=35740
ده لينك الموضوع اللى فتحته مع البشمهندس طارق عن الCVT
-
حضرتك مستحيل ان فتيس اوتوماتيك يسبق فتيس مانيوال مهما حدث ومن خلال تجربتى الشخصيه اللانسر المانيوال اسرع من الاوتوماتيك Cvt بثانيه مش العكس ودا فرق مش وحش خصوصا ان دائما الفرق بين الاوتو والمانيوال فى معظم السيارات فى حدود ثانتين
-
انا عربيتى 1600 مانوال 2006 مصرى و بتجيب من 0 الى 100 فى 12 ثانيه بالضبط بتجارب عديده و على فكره انا باعرف اجيب اخر الموتور فعلا وجبت حوالى 55كم/س على الاول و 100كم/س على التانى وكان الrpm خلاص دخل فى الاحمر سنه و ممكن تجيب 140 على التالت و 180 على الرابع و الخامس Over drive عشان يريح الRPM شويه وممكن على الخامس تزيد بظروفها لغايه 220كم/س بس معتمده على الظروف انما فى الكتالوج اقصى سرعه 180 كم/س للمانوال و170كم/للاتوماتك بس فى الواقع بقه الاتوماتك الcVT تجميعه من 0-100 فى 11 ثانيه و الثانيه ده هى الوقت اللى انت نقلت فيه من الاول للتانى و ده مش موجود فى الCVT و كمان بيقدر يعمل Over drive اكتر من المانوال يعنى المانوال و انت ماشى على 140 كم/س الRPM بيبقه على 4 و انت جايب الخامس انما فى الCVT على 3 فقط وعلى فكره كلامى عن تجربه.
-
بس حضرتك ماتزعلش قوى كده انا عن نفسى من مشجعى المانوال و بحب المانوال جدا و باستمتع بيه بس كلامى عن اداء الcvt عباره عن كلمه حق بقولها لانه فعلا اداؤه ممتاز بس ما زال فيه عيب خطير بالنسبالى و هو عمره الافتراضى و انه بيتغير ما بيتصلحش و تمنه 27500 جنيه فبصراحه طظ فى الاداء قصاد كده ولو فتيس اتوماتك عادى و المحرك قوى بجد هتطلع من الانسر الcvt
Content Relevant URLs by
vBSEO 3.6.0 PL2