محتار عايز اجيب ديب فريزر كويس ومش عارف , عملت بحث كدا فى جوجل لقيت يا اما ماركة فيها عيوب يا اما ماركة ملهاش صيانة كويسة
فياريت اللي شاري ديب فريزر من فترة قريبة ومريحة يقلي ويفدني
عرض للطباعة
محتار عايز اجيب ديب فريزر كويس ومش عارف , عملت بحث كدا فى جوجل لقيت يا اما ماركة فيها عيوب يا اما ماركة ملهاش صيانة كويسة
فياريت اللي شاري ديب فريزر من فترة قريبة ومريحة يقلي ويفدني
, و الله كان نفسى ارد عليك
بس انا شارى منذ حوالى 5 سنوات
كريازى رأسى 6 درج , و الحمد لله شغال من ساعه ما جبته و مبطلتوش خالص
و الحمد لله مفيش معاه مشاكل
حتى اعرف اصدقاء جابوا بعدى بكام سنه و برضه جابوا نفس الماركه و لم تحدث لهم مشاكل معها
-------
بس ممكن تلاقى ماركات تانيه زى توشيبا مثلا , هتلاقيها عامله شغل دلع و درجات ديجيتال و الوان بره و جوه
زى العربيات بالضبط
---------
كان نفسى افيدك
انا لسة شارى واحد من 6شهور توشيبا 5 درج ..اللون سيرفر ..شيك بصراحة وممتاز توشيبا ماركة حلوة
انا ما جربتش انوع تانية علشان اقول دة احسن ودة اوحش بس اللى عاندى ممتاز انا جاربت كريازى فقط فى التلاجة 18 قدم مش حلوة خالص ورحت اشتريت واحدة تانية وايت ويل
انا عملت بحث كدا فى جوجل عن انواع الماركات
للاسف لم اصل لنتيجة
كريازي كله بيقول كان زمان دلوقت فيها عيوب والصيانة زفت
توشيبا ادراجة صغيرة
وايت ويل خدمة صيانة زفت
الاسكا مفيش حد اساسا بيرد علي تلفونات عندهم ولا خط ساخن ولا خط بارد
دي يعتبر اشهر الماركات فى الديب فريزر , والحل ؟؟؟ :(
كريازى ... عن تجربة
عن تجربة شراء 4 ديب فريزر اللاسكا باستخدمة فى مطعم ممتاز و سعرة معتدل و صيانتهم ممتازة فى الصعيد
اوعي تجيب توشيبا
نيله نيله
الكريازي برقبته 1000 مره
والتى عندها الكتروستار 5 درج عادى تقريبا دى فروست مش نو فروست بسم الله ماشاء الله شغال منذ اكتر من 12 سنة بكفاءة تامة
اخويا معاه الكترو ستار 7 درج توفروست من حوالى 5 سنين وبسم الله ماشاء الله زى الفل
عندى انا كمان الكترو ستار 7 درج نوفروست من حوالى أكثر 3 سنين وبسم الله الله اكبر محصلش فيه اى مشكلة .. الا مؤخرا التريموستات علق والديب فريزر فصل ومشتغلش ... لعبت فى التريموستات اشتغل فوراً ومعلقش تانى
سألت على سعر التريموستات بـ 27 جنيه لما يبوظ هبقى اغيره
http://cairosales.com/174-394-thickbox/7-wf-300-nk.jpg
وايت بوينت العبد ديب فريزر 6 درج نوفروست