الموضوع: كل ما يخص البنزين واستهلاكه فى الالنترا الجديده md

بسم الله
الموضوع وما فيه ان انا قلت افتح معاكوا الحوار ده
وكل واحد معاه نفس العربيه يدخل ويقول المعدل بالظبط
انا بفضل الله عامل لحد دلوقتى 800 كيلو فقط يعنى لسه
العربيه زيرو ومينفعش الحكم عليها واللى سمعته انها
فى الاول البنزين بيبقي سحبه عالى لحد ما اعمل
صيانه ال 1000
وتبدا العربيه تتظبط واستهلاكها بيكون افضل باذن الله
المهم العربيه بخلى الراجل يفولها لحد اخر حاجه فى
التانك مش بتاخد
اكتر من 40 لتر خاالص يعنى تقريبا بدفع
من 70 الى 75 فى التفويله
ده بالنسبه للفلوس وكمان العداد مكتوب فيه كل
حاجه ومن الحاجات الجميله
ان فيها عدد الكيلو متر المسموح لحد الذهاب للبنزينه
وكمان بيقول المعدل الاستهلاكى
عدد الكيلو متر بعد التفويله بيكون تقريبا 550 كيلو للتفويله
والمعدل بيكون تقريبا 9.7 لكل 100 كيلو مع الوضع
فى الاعتبار اني
طول الفتره دى مش بمشى لوحدى خاالص اقل حاجه
انا وقريبىومعظم الوقت تلاته او اربعه فى العربيه
عايز اعرف ايه رايكوا فى المعدل ده وكل واحد
يكتب المعدل بتاعه
وكمان هل المعدل هيتظبط بعد اول 1000 والا لا
واسف على الاطاله

المشاركة الأصلية كتبت بواسطة hossam_elwani

والله ياعزيزى الجديد كله لايتعدى من 200 الى 250 كيلو فى الصفيحه حسب طريقة سواقتك للعربيه والحمواه ونقاء البنزين والتكييف وغيره من العوامل يعنى ماتشغلش بالك كتير مابقتش تفرق كتير

200 قليل جدا جدا والله اعلم اقل حاجه فى
العربيه بتاعتى او فى الالنترا الجديده ميقلش عن
500 مع التكييف غير كده يبقى فى عيب فى العربيه

المشاركة الأصلية كتبت بواسطة samir elshahawy

حضرتك ممكن تشوف الموضوع ده :

http://www.nilemotors.net/nile/298630-md-2012-a-4.html


كمان هنا فيه فهرس لكل مايخص الالنترا md من موضوعات
http://www.nilemotors.net/nile/277467-md.html

الف شكر ليك ياغالى وفعلا شفت موضوع
الاستهلاك واستفدت كتير اوى وعايز اتكلم شويه
عن موضوع لمبه الايكو دى وايه فايدتها لانى شفت
اختلافات كتيره اوى عليها وكمان عايز اعرف
موضوع معدل الاستهلاك فى العداد عندى ثابت
هل بيتغير لوحده والا لازم اصفره بايدى؟؟

المشاركة الأصلية كتبت بواسطة devilrider

انا لموضوع دا بالزات مشكلتى فى العربية قبل الالف كان الاستهلاك ٨.٥ من بعد الالف و انا داخل فى ال ٥٠٠٠ كم اهو المتوس مش بيقل عن ١٢ او ١٣ فا ايه الحل !!!!!!!

12 او 13 ده معدل فوق الفظيع انت اكيد عندك حاجه غلط
لازم تروح تكشف فى التوكيل لان ده مش طبيعى
انت كده هيتخرب بيتك من البنزين

المشاركة الأصلية كتبت بواسطة john55

عملت زي في الاكسنت كان معدلي 6او 6.5دلوقتي مع الزحمه والتراب بقي 12 او13 لتر لكن بصراحه لما كنت بنظف الفلتر في التوكيل وهو فلتر الهوا قلت الله يكون في عون العربيه الفلتر مطلع تراب زي مايكون عندك سجاده بقلها 10سنين محدش لمسها دي كلها اعتقد عوامل تخلي الاستهلاك يزيد وشكرا

ربنا يستر عليا بقى انا باذن الله
متفائل خير بعد صيانه الالف المعدل هيقل معايا جدا