السلام عليكم ورحمة الله وبركاته،،،

طبعاً كلنا بنسمع عن حوادث الغش التجاري اللي بتؤدي في بعض الأحيان إلى موت ناس أو ضرر شديد ليهم، سواء كان غش تجاري في المواد الغذائيه أو الأدويه أو حاجات تانيه زي قطع غيار العربيات مثلاً.

إحنا نقدر نساهم في تقليل الغش التجاري ده عن طريق إن إحنتا دايماً ندمر أو نبوظ الحاجه اللي كان فيها المنتج اللي إستعملناه وكمان نبوظ المنتج نفسه بعد أما نستعمله مثلاً لو كان ينفع.

مثلاً لما تفتح علبة الدواء إبقى قطع الكرتونه اللي كان فيها الدواء، وبعد ما اللإزازه تخلص حاول مثلاً إنك تشيل اللزقه اللي عليها أو تكسر الإزازه لو تقدر.

وبرضه لما تشتري مثلاً علبة زيت للسياره برضه شيل اللزق اللي على العلبه وإرمي الغطاء لوحده .... الأمثله كتير وكل واحد يقدر يفكر في الطريقه اللي ممكن تقلل بيها من الغش.

عاوز أقولكم مثلاً إن في ناس بيغشوا أمبولات الحقن وبيحطوا بدالها سوائل تانيه وده ممكن يكون مميت، وفي ناس بيحطوا مبه بنشا في قزايز الدواء.


فا يا ريت نعمل اللي نقدر عليه لتقليل الغش وربنا يسترها معانا إن شاء الله