انا هقابل رئيس مجلس ادارة هيونداى العالمية كمان يومين

**el diesel** · 28-04-2013 11:17 PM

المشاركة الأصلية كتبت بواسطة ashturbo

قبل أي حاجة السلام أمانة للغالي أبن الغالي وخد ياسيدي عندك حبة أفكار :

- عوامل الأمان دي في وش الشركة مش في وش البلد عندك غبور في أعلى فئة هما 2 أيرباج و abs ودمتم وهي برة بتنزل ب 10 أيرباج و abs- ebd - esp وأيموبليزير .

- السعر مساوي لسعر الأوروربي والياباني ويمكن أغلى مع أنخفاض جودة الخامات وعوامل الأمان ( كله بلاستيك بلاستيك مفيش جلد ) .

- مستوى خدمة الصيانة الدورية ضعيف والفنيين محتاجيين تدريب وحزم في الأشراف عليهم .

- المعلم منزل أنذار وكاتب أن الأنذار ده لا يمنع السيارة من السرقة لحد مابقت عربيات هيونداي وكيا أكتر عربيات بتتسرق في البلد .

يعني لو ينفع تقوله ينزل العربية دي بملتي لينك تبقى عملت جميلة كبيرة وياسلام لو يهتموا شوية بالستييرينج يبقى فلة بصراحة مش هتقل عليك أكتر من كدة والسلام أمانة متنساش .

+111111111111

**esam_ayad** · 28-04-2013 11:47 PM

-ممكن حضرتك تقوله علي الخامات الرديئه الموجوده في الفئات الأولي علي الرغم من ارتفاع سعر الفئات دي.

**ahmedrb** · 29-04-2013 12:13 AM

او سمحت خضرتك اقوله السلام عليكم و رحمة الله و بركاته ده أولا:
1- ان اى عربية متقلش عن عوامل الامان الاساسية ( 2 airbag + abs)
2- ان يقلولوا عدد الفئات بدل النترا الى 14 فئة و اكسنت ال12 يبقى ثلاثة مش الفرق واحدة ايرباج وابى اس لا واحدة جنط وفتحة سقف لا شيل دول خالص و حطلى سينسور لالا ده شوي شوى يقولى شيل المتور ة حط حمار انا أسف
3-ان يكون واحد من كوريا يكون فى مصر يراقب عمل الشركة
4- الكماليات تكون زى الى فى كتالوج بالظبط مش يجى يعمل الانذار فى مصر
5-ان الفئة الهاى لاين تكون كل كماليات الكتالوج و ميشلش منها حاجة
6- ان يطلب ينزلو سوناتا و أى 40 تربو 1600 سى سى 180 حصان بتاع الفليوستر
وشكرا جزيلا لو حضرتك ناقلتله وجهتنظر الاعضاء علشان بجد احنا بنحب هيونداى جدا

**Kareem.ElAraby** · 29-04-2013 12:39 AM

عوامل الامان يا ولاد ال تيييييييييييييييييييييييي يييييييييت
abs
ebd
esp

**monamize4** · 29-04-2013 01:22 AM

حضرتك هتقابل Chung Mong Koo ذات نفسيته ؟
انا مش هقولك اتكلم معاه عن معاملة التوكيل و لا عن سعر الهيونداى ف مصر بقى عامل ازاى و لا عن تقفيل العربيات الهيونداى اللى ف مصر و لا عن الانذار و السرقات اللى بتحصل لان ببساطة هو اكيد عارف حصة هيونداى من السوق المصرى اد ايه , فا كل كلامك هيبقى مش منطقى بالنسباله

انا عايز بس تقوله عيب يا عم شونج مونج ان شركة بحجم هيونداى مايكونش ليها مواصفات امان ستاندرد ف كل مصانعها ف كل انحاء العالم

**mazagngi2010** · 29-04-2013 01:39 AM

كلمه ابرك من 10
ركبه فيرنا وخليه يجرى بيها فى الدايرى او المحور ويفرمل مره واحده وابقى قولنا روحتوا اى مستشفى علشان نييجى نزوركم

**ahmedhossam86** · 29-04-2013 03:00 AM

بص يا باشا قوللو احمد حسام بيقولك:

due to the unrest, and lack of security in Egypt many cars made by Hyundai and Kia are being stolen.. 150,000 pounds is a huge sum of money for the Egyptian Consumer, he needs to make use of all available options in the car he owns.. the most important thing is its means of safety and security.. safety while he's driving (ESP, ABS, EBD,..) and safety when the car is parked (an anti-theft system), they need to standardize the immobilizer option in all cars. It is not an expensive part in its manufacturing.

و يا ريت لو يكون عندك علي الموبايل او التاب فيديو سرقة الالترا قدام كوك دور و قوللو دي عينة من السرقات اليومية

**Walid_M** · 29-04-2013 03:27 AM

طيب يا جماعة الراجل بيقول إنه حيقابل المعلم ده وإنه يتكلم معاه في الحكاوي دي ..... حاجه بظروفها !!!

احنا ممكن ننسق فيما بيننا ملاحظاتنا مع مجموعة هيونداي تيم ونراسل بها الشركة الأم في كوريا !!!

حاجة كده زي تجميع توقيعات أو ما شابه !!!

نقول ببساطة احنا محبين وملاك هيونداي عايزين كيت وكيت .....
ونسرد كل ما طلبه الأعضاء في المشاركات السابقة ...

حاجة كده جت في بالي وأنا بقرأ الموضوع !!!

تحياتي