انا هقابل رئيس مجلس ادارة هيونداى العالمية كمان يومين

**aatif** · 28-04-2013 06:28 PM

انا ان شاء الله هقابل رئيس مجلس ادراة شركية هيونداى العالمية وتلاتة من المجلس التنفيذى كمان يومين طبعا الموضوع لايمس مصر من قريب او من بعيد ولكن اكيد هيبقى فيه وقت للدردشة فى اخر الأجتماع وكنت بفكر اكلمه عن مصر وغبور وكده بس الصراحه بعد تفكير انا مش لاقى اى حاجه ااقولها عن غبور وعاوز الناس تساعدنى بس انا هشرحلكم اللى جه فى بالى:

1- العربيات غالية: دى مشكلة الجمارك و كمان هيونداى محققة مبيعات وهمية فى مصر -- يبقى انا لو قولتله كده يبقى مبفهمش حاجه ( غاليه والناس بتشترى يبقى مش غالية وفى حدود القوة الشرائية بتاع المستهلك)

2- الأمان: هيونداى واخده ترتيب عالى هنا فى امريكا فى معدلات الأمان وطالما التوكيل بيطلب وبيبع من غير معدلات الأمان اللى تضمن الحد الأدنى للسلامة يبقى مشكلة الدولة وبعدين المستهلك لأن التوكيل بيطلب من الشركه الأم العربيات اللى عليها حجوزات او طلب

3- المشاكل الفنية داخل التوكيل وخدمة العملاء ونسبة رضاء المستهلك: الصراحة انا لم اشهد اى حاجه يبقى ليها تأثير مدوى تخلينى افتح معاهم النقطة دى -- حتى موضوع الأنذار والعربية اللى اتسرقت دى خدمات بره نطاق الصيانة يعنى ممكن تحصل فى اى ورشة

انا مش بدافع عن غبور على فكره انا فعلا عاوز افكار ااقولها للناس دى وحاسس انى لو قولت حاجه هيبقى فيه مبالغه منى وخصوصا ان حصة السوق المصرى قليلة جدا فى المبيعات العالمية

حد عنده افكار؟

**AshTurbo** · 28-04-2013 06:59 PM

قبل أي حاجة السلام أمانة للغالي أبن الغالي وخد ياسيدي عندك حبة أفكار :

- عوامل الأمان دي في وش الشركة مش في وش البلد عندك غبور في أعلى فئة هما 2 أيرباج و abs ودمتم وهي برة بتنزل ب 10 أيرباج و abs- ebd - esp وأيموبليزير .

- السعر مساوي لسعر الأوروربي والياباني ويمكن أغلى مع أنخفاض جودة الخامات وعوامل الأمان ( كله بلاستيك بلاستيك مفيش جلد ) .

- مستوى خدمة الصيانة الدورية ضعيف والفنيين محتاجيين تدريب وحزم في الأشراف عليهم .

- المعلم منزل أنذار وكاتب أن الأنذار ده لا يمنع السيارة من السرقة لحد مابقت عربيات هيونداي وكيا أكتر عربيات بتتسرق في البلد .

يعني لو ينفع تقوله ينزل العربية دي بملتي لينك تبقى عملت جميلة كبيرة وياسلام لو يهتموا شوية بالستييرينج يبقى فلة بصراحة مش هتقل عليك أكتر من كدة والسلام أمانة متنساش .

**hamaka** · 28-04-2013 07:19 PM

المشاركة الأصلية كتبت بواسطة ashturbo

قبل أي حاجة السلام أمانة للغالي أبن الغالي وخد ياسيدي عندك حبة أفكار :

- عوامل الأمان دي في وش الشركة مش في وش البلد عندك غبور في أعلى فئة هما 2 أيرباج و abs ودمتم وهي برة بتنزل ب 10 أيرباج و abs- ebd - esp وأيموبليزير .

- السعر مساوي لسعر الأوروربي والياباني ويمكن أغلى مع أنخفاض جودة الخامات وعوامل الأمان ( كله بلاستيك بلاستيك مفيش جلد ) .

- مستوى خدمة الصيانة الدورية ضعيف والفنيين محتاجيين تدريب وحزم في الأشراف عليهم .

- المعلم منزل أنذار وكاتب أن الأنذار ده لا يمنع السيارة من السرقة لحد مابقت عربيات هيونداي وكيا أكتر عربيات بتتسرق في البلد .

يعني لو ينفع تقوله ينزل العربية دي بملتي لينك تبقى عملت جميلة كبيرة وياسلام لو يهتموا شوية بالستييرينج يبقى فلة بصراحة مش هتقل عليك أكتر من كدة والسلام أمانة متنساش .

+11111111111111

**matantawy** · 28-04-2013 07:36 PM

مش معنى ان فى مبيعات يبقى كده كويس، مفروض يتقال ان اسعار هيونداى بتقرب من عربيات تانية غير كورية و بتنزل بعوامل الامان كاملة او على الاقل اكتر من هيونداى و لو ملحقوش نفسهم الناس هتتجه لعربيات تانية لأن اذا تساوى السعر يبقى الامان اهم و بالذات فى بلد فيها حرامية و فيها طرق غير ممهدة يعنى عناصر الامان دى مش رفاهية

و دليل على كده اى حد بيقارن بين الاكسنت rb و النيسان تيدا بيلاقى كفة تيدا تكسب عشان عوامل امان، مع ان شكلها استغفر الله العظيم :d

انا لسه جايب rb و كنت بقارن بينها و بين تيدا برضه، و كنت بقول لأى حد يسألنى ان التيدا عندى كويسة بس عشان فيها اير باج و abs و بنفس سعر الاكسنت، بس فى الاخر دفعت 4 الاف زيادة عن التيدا و جبت اكسنت فيها اير باج واحدة يتيمة و abs حتى امان اللى راكب معايا مش قادر احققه !! و انا جبت اكسنت مش تيدا لأن انا عاجبنى شكلها و حاسس انى مرتاح فيها اكتر بس هيجي يوم اما يبقى عندى عائلة هختار الامان و لو كان فى لادا !

ده غير طبعا صيانة غبور و كوارث صيانة غبور اللى الواحد بيقرأ عنها و بيدعي ربنا ينجيه منها !!

**mhf_77** · 28-04-2013 07:54 PM

الموضوع مش محتاج كلام كتير
ممكن تخليه يشرف فى يوم فى مصر وياخد عربيه من انتاج شركته يسوقها فى شوارع مصر وهو من خلال التجربه ومعرفة سعرها محول للدولار هيولع فى العربيه وفى الوكيل وفى نفسه

**ELBOB EL GAMD** · 28-04-2013 09:30 PM

قله نصيحة بلاش تركب كورى وخليك فى الاوربى هههههههههههع

**محمد يوسف** · 28-04-2013 09:36 PM

بلغه تحياتى

وقل له يجيب الحاج تويوتا ف ايده وييجوا يشرفونا يومين

**Samir Elshahawy** · 28-04-2013 10:44 PM

شركة هيونداي النهاردة من الكبار في مجال صناعة السيارات و يجب أن لا تتنازل عن الحد الادني من وسائل الامان و السلامة في سياراتها أرضاء لأطماع أحد الوكلاء
و هأقول لك بعض الحقائق تبلغ بها رئيس الشركة عما يفعله غبور اللي مش أمور و لكن ... علي الخاص أو تكلمني في التليفون أفضل علشان المعلومات اللي عندي ماينفعش أقولها علي الهوا كده

**koj@k** · 28-04-2013 11:04 PM

المشاركة الأصلية كتبت بواسطة samir elshahawy

شركة هيونداي النهاردة من الكبار في مجال صناعة السيارات و يجب أن لا تتنازل عن الحد الادني من وسائل الامان و السلامة في سياراتها أرضاء لأطماع أحد الوكلاء
و هأقول لك بعض الحقائق تبلغ بها رئيس الشركة عما يفعله غبور اللي مش أمور و لكن ... علي الخاص أو تكلمني في التليفون أفضل علشان المعلومات اللي عندي ماينفعش أقولها علي الهوا كده

الواجب إن حضرتك تفيد الاعضاء :)