عرض للطباعة
حد عنده معلومة عن الفولفو s40 ,s80 موديلات 2000
من حيث قطع الغيار
ومراكز الصيانه خارج التوكيل
وهل لازم بنزين 95 ولا 92 ماشي ؟؟؟
وهل لو عربيه عامله 120 الف كم تعتبر كتير في الفولفو؟؟
والشكل دا اخره موديل كام؟؟
انا شايف اسعار العربيه دي متفاوته جدا في المستعمل
من 60 -110 الف جنيه!!!
في انتظار اراء الخبراء
كل اللى أعرفه عن الs40 انها بدأت من 1995 الى أول 2004 وده الجيل الاول وبعد كده من نص 2004 الى 2012 واتوقفت على كده واستبدلت بالv40...اما الاسعار كنت متابع للجيل الاول وأعتقد الحالة الممتازة اخرها 85 والله اعلم
شاكر مرورك الكريم
في انتظار اراء الخبراء
معلوماتي المتواضعة من واقع امتلاك صديقين للفولفو واتخاذهم هواية اقتناء الفولفو فإن الفولفو s40 عربية محترمة وليها موتورين 1600 & 2000
واللي عارفه عنهم كقطع غيار (استيراد) موجودة في مكانين بورسعيد و الوكالة، بس للموديلات 2001 وما قبلها. ليه معرفش.
والعربية دي طبعا محترمة وقوية وبيغيرولها موتور 2000 ويركبو 1600 وبرضه كفائته عالية واوفر في البنزين
طبعا عملية إعادة البيع صعبة ومش الكل عاوز يركب عربيات زي دي رغم إنها محترمة جدا جدا من قوة وثبات واتزان وفخامة
والصيانات لازم تتم عند مختص فولفو ومش شرط التوكيل بتاتا
إنما البنزين فبداية من 90 شغال ومحدش بيحط لمواتير الفولفو قبل 2006- 2007 95، يعني ممكن تحط أي بنزين والاستهلاك مش مهول زي ناس كتير ما فاكرة.
أهم نقطة إنك تنتقي لما تشتري عربية منهم ماتكونش متغير فيها حاجات جوهرية، ويكون اساسها سليم تماما (اقصد الشاسيه) وبلاحظ إنهم بيهتموا بإن الصالون يكون نظيف، غير كده من صاج خارجي وفوانيس وميكانايكا وعفشة فموجود.
ونسيت اقول لحضرتك إنه مواتير s60 و s80 وكافة المواتير 5 سلندر للفئات دي ملهاش قطع غيار كتير والصيانات اصعب فمتزودش عن s40، ولو عاجبك شكل 740 والحاجات دي فقطع غيارها منتشرة ورخيصة ومش ببالغ إنك تلاقي حاجات فيها استيراد بحالة الزيرو وارخص من الكوري زي ما شفت قبل كده واسعارها من الثلاثينات وحتى الاربعينات حسب الموديل لأن 740 من انتاج اوائل الثمانينات وحتى التسعينات وعلى فكرة اغلبها اوتو جميع الكماليات
ربنا يبارك فيك وجزاك الله كل الخير