يا جماعه ضروري وبسرعه عربيه ب 95 الف جديده

ايه رايكو يا جماعه اشتري لوجان اوتوماتك 2013 ولا افيو 2013
علما بان سعرهم دلوقت 95 الف ؟؟

ياريت استفيد من اراءكم علما اني هنزل اخلص في العربيه بكره فياريت اللي عندو نصيحه ما يبخلش علينا وشكرا مقدما

افضل الأفيو عن اللوجان ومبروك مقدما !!

شكرا يا فندم
بس ليه حضرتك بتفضل الافيو ؟

لا دى ولا دى ال ٩٥٠٠٠ جم يجيبوا حاجات كتير كسر زيرو ... بومه .. صنى .. أوبترا

مع رأي كسر الزيرو

الزيرو له طعم تاني يا جماعة صدقوني - الكسر الزيرو مش كله بيبقى تمام

لو كده يبقى هنختار الافيو رغم توكيلها السئ للغاية جداً جداً جداً يعني اعتبر عربيتك من غير ضمان من سوء الخدمة

زود 10 و حيبقى قدامك خيارات احسن بكتيررررررر زى الصنى و الاوبترا و البروتون الخ

بصراحه سواء اللوجان او الافيو كتير قوى عليهم السعر ده

ال 2 بصراحة ميستهلوش السعر دة الافيو فيها مشاكل في العفشة و المحرك تكنولوجيا قديمة وهورس باور قليل ومعا خالي في الصيف بيشغل التكييف علي الاوتوماتيك بيخلي العربية ميتة و اللوجان شكل وحش قطع غيار ناااااار وحرام فيها السعر دة انت تزود كمان 5 الاف وتجيب صني او تزود 9 وتجيب اوبترا الي برقبة الوجان و الافيو وربنا يوفقك في الشراء

بصراحه فى الوقت الحالى فئة اللوجان بالسعر ده حرام الواحد يشتريها رغم انها سياره كويسه
لانك زود شويه او قسط الفرق وادخل فى فئة الصنى او التيدا اول فئه 120 الف
او الاوبترا او البروتون
وطبعا ديه كلها فئات اعلى من اللوجان