حد هنا جرّب Borderlinx.com ؟

**LegendJo** · 30-04-2013 12:06 AM

المشاركة الأصلية كتبت بواسطة matrix_it

جرب تطلع فيزا انترنت تبع بنك كريدى اجريكول

عندي فيزا nsgb , بس مجربتهاش, مافيهاش فلوس دلوقتي, فبأستخدم واحده تانيه.

**Amr_MO** · 30-04-2013 06:22 AM

المشاركة الأصلية كتبت بواسطة LegendJo

تمام, الفكرة دلوقتي إن الحاجة وصلت اصلًا بس الكارت مش بيتقبل هناك " مش بيقبلوا الكروت الي معموله خارج مصر (بلد الأكونت).

تمام, هُما خلصوا كل اوراق الجمارك والحاجة وصلت على طول؟ بالنسبه للآيباد طلبوا منك تعمل تصريح من ntra ؟

انا كنت هشتري الايباد فعلا من امازون ولكن لما لاقيت نفسي هدفع المبلغ ده فوق تمنه لاقيت في الاخر انه هيكون نفس تمن الايباد في مصر فقولت يبقى الموضوع كدة مش مجزي خالص
هما فعلا بيخلصو كل ما يخص الجمارك وخلافه والشحنة بتوصل لحد اقرب مكتب DHL تابع ليك ويتصلوا ببيك علشان تروح تستلمها

في نقطة عاوز اوضحهالك بخصوص استفسارك عن كروت الفيزا
كل موقع لما بتشتري منه حاجة وتيجي تدفع بالفيزا زي امازون مثلا بيبقى في حاجة اسمها billiing address وده معناه الدولة الي صادر منها كارت الفيزا بتاعك علشان تشتري منها المنتج وفي حاجة اسمها shipping address وده المكان الي انت هتشحن ليه السلعة وده الي هتكتب ففيه عنوان البوردر لينكس الي انت اشترركت فيه

**aliabutaleb** · 30-04-2013 02:35 PM

الخلاصة في كلمتين ابعد عن بوردرلينكس
خدمة عملاء في منتهى السوء ناهيك عن المغالاة الشديدة في اسعار الشحن والضرائب والمصيبة الأكبر طريقة حسابهم للجمارك.
اتعاملت معاهم مرتين وكانت المرة الأخيرة فعلاً الأخيرة.
شاحن آيفون تمنه 7 دولار دفعت عليه 90 دولار (شامل الجمارك والضرايب والشحن والتخليص)
كل ده مش مشكلة، المشكلة إني لما اشتكيت لدي إتش إل اللي هما المفروض البارتنر بتاعهم في مصر قالولي ملناش دعوة اتفاهم معاهم. وبعد ما عملت شكوى قعدت تتنظر وأبعت عليها تذكير لمدة 3 شهور كاملين بوردرلينكس قالولي هي كدة ودي طريقة حسابنا!
بانصح بأراميكس شوب آند شيب. هما أقل منهم احترافية بس أرخص بكتير.
ده في حالة إنك لو عاوز تشتري الحاجة بنفسك
لو عاوز تشتري عن طريق ادفعلي هما كويسين بس مواعيدهم مش مظبوطة. زميل اشترى عن طريقهم حاجة قالوله أسبوعين دخلت في شهر تقريباً لغاية ما وصلته

**Dr_Mido** · 30-04-2013 02:39 PM

اراميكس كويسه جدا من تعاملي معاهم سوا شحن شخصي او للشرةه عيوبهم ممكن التجاوز عنها لو مشكله بجد بيحلوها وبيتابعوها
معندهمش ارضيات للشحنات اللي بتخلص اجرائتها