الموضوع: الصيف دخل!.....الكهرباء هتقطع!!....منين أجيب إستبلايزر؟!

السلام عليكم ورحمه الله ...!!

زى ما مكتوب فى العنوان كده.......بما إن الصيف هيبدأ يشد حيله و التكييفات إبتدت توررر!!...يبقى زى ما اتعودنا الكهرباء هترجع تقطع يوميا إن شاء الله...!!

طب أنا إشتريت دسته فانلات قطونيل..واشتريت كشاف ليدات عشان لما الكهرباء تطول الكشاف شحنه ما يخلصش بسرعه زى الكشاف العادى.....!

لكن المشكله بقى إن الكهرباء بتعللى وبتوطى ولما بتلعب وترجع بترجع عندى بمشكله....مره تلفزيون......مره سخانات التلاجه......أما اللمبات والترانسات بقى فحدث ولا حرج...!!

وبناء على نصيحه بتاع التلاجات قللى لو الكهرباء قطعت افصل التلاجه فورا ومتركبش الفيشه غير بعد ما ترجع ب ربع ساعه على ما التيار يكون ثبت وتتطمن انها مش هتقطع تانى.....!!

لكن الحل الأفضل بقى...إنك تشترى إستبلايزر...!!

إيه يعم البتاع ده؟ دى نزلت بعد الفيفا؟ أصل انا مبلعبش بلاى ستيشن...!!

ياباشا ده مثبت تياااااااااااااار.......!!

يا راجل؟؟ومالو ربنا يسهل...!!

بس بعد كده فكرت...الراجل كلامو سليم.....!!

حد يفهمنى بقى مثبت التيار ده....
هجيبه منين؟
ونوعه ايه؟
وبكام ؟
وهوصله على العمومى قبل ولا بعد العداد ..وإزاى؟!!


سبحان الله...!!!

اشرف باشا واحشنى