تقرير رقم 1 عن السيارة الالتو

**y_omran** · 16-08-2008 08:30 AM

تقرير بعد اول يوم مع الالتو
1- العربية ناعمة جدا يعنى مش حتحس انك دوست على البنزين
2- نور الصالون لا يعمل فى اغلب السيارات و قالوا فى التوكيل بيتعمل فى صيانة الالف كيلو و مكتوب كدة فى الكاتالوج نتيجة عمل الاختبارات عليها
3- السحب بتعها حلو اوى و مش ممكن تصدق انها 800 سى سى
4- الانوار بتاعتها قوية و يوجد زرار جانبى لزيادة شدة الاستضائة هوة على صفر و الانوار عالية ممكن تزود كمان
5- يوجد زرار فى الابواب الخلفية لمنع فتح الابواب من الداخل (لحماية الاطفال ) دة اكتشفته من كتالوج السيارة
6- امكانية تحريك الكراسى الامامية بطريقة سهلة جدا و امكانية تحريك المساند للامام و للخلف بسهولة
7- انذار من السيارة بمغادرتك لها دون طفى الانوار بصفارة عند اخراج المفتاح بدون غلق الانوار
8- التكييف لم يختبر حتى الان بعد الالف الاولى ان شاء الله
9- امكانية مسح الزجاج الامامى و الخلفى بالماء مع المساحات الامامية و الخلفية
10- شنطة العدة المسلمة مع السيارة متواضعة تقتصر على مفتاح فك العجل و الكوريك شكله كدة ضعيف
انتظروا التقرير الثانى ان شاء الله

**zalpany2000** · 16-08-2008 09:21 AM

جميل يا استاذ ياسر
ربنا يبارك لحضرتك فيها ان شاء الله
يا ريت تركز علي استهلاك البنزين و تقولنا ايه اخباره
و لو جيبت أي كماليت زي الدواسات - اي اكسسوار تقولنا منين و بكام
كمان مرة مصاريف الترخيص علشان انا سمعت اكتر من رقم لحد دلوقتي و مش عارف انهو الصح
و كان فيه اخوة بيقولو ان حضرتك بتدفع عند الاستلام مبلغ تمن تغيير زيت هل ده صحيح ؟

تحياتي

**fahd_628** · 16-08-2008 10:20 AM

الف شكر و ربنا يباركلك فيها

**YoussefMostafa** · 17-08-2008 01:35 AM

- الانوار بتاعتها قوية و يوجد زرار جانبى لزيادة شدة الاستضائة هوة على صفر و الانوار عالية ممكن تزود كمان

اعتقد ان الزرار ده لضبط درجة ميل الكشافات الامامية (مجرد اعتقاد)

**y_omran** · 17-08-2008 12:56 PM

انا اشتريت طقم دواسات مقعرة ب 75 جنية من شارع التوفيقية بوسط البلد و كمان اشتريت غطاء قماش ب 65 جنية بس واضح انه مش بتاعها لانه كبير عليها اوى
و اشتريت شماستين جانبيتين ب 10 جنية