كده خلاص

**lidosasa** · 29-04-2013 03:01 PM

الدعم حيترشد مش حيتلغى
وأنا قريت واحد كاتب إنه بيستهلك بنزين ب 500 جنيه فى الشهر يعنى الحكومة بتدعمه بأكثر من 2000 جنيه وفى نفس الوقت أعرف أرملة زوجها توفى بدون ما يترك ليها معاش بتاخد معاش من التضامن 300 جنيه وعندها عيلين فى دراسة بالذمة مين أولى بالرعاية وبالفلوس دى .
كفاية بقى ولازم نبص للمصلحة العامة مش مصالحنا الشخصية ونظام أنا ومن بعدى الطوفان

**horas3000** · 29-04-2013 03:35 PM

المشاركة الأصلية كتبت بواسطة lidosasa

الدعم حيترشد مش حيتلغى
وأنا قريت واحد كاتب إنه بيستهلك بنزين ب 500 جنيه فى الشهر يعنى الحكومة بتدعمه بأكثر من 2000 جنيه وفى نفس الوقت أعرف أرملة زوجها توفى بدون ما يترك ليها معاش بتاخد معاش من التضامن 300 جنيه وعندها عيلين فى دراسة بالذمة مين أولى بالرعاية وبالفلوس دى .
كفاية بقى ولازم نبص للمصلحة العامة مش مصالحنا الشخصية ونظام أنا ومن بعدى الطوفان

طب خد عندك الحسبه دي

الراجل اللي بيستمتع بدعم البنزين اكيد عنده عربية هي اللي بتستخدم البنزين ده صح

طب مش 40% علي الاقل من سعر العربية ده راح للحكومة كجمارك

مش بيدفع كل سنه مبلغ ما بين ترخيص و ضرايب و خلافه
و طلع الوقت اللي بيخسره و ممكن يعمل فيه فلوس في تخليص الاجراءات دي

طب مش بيدفع كل كام شهر مبلغ حلو عباره عن ضريبه مبيعات و جمرك عن قطع الغيار اللي بيستهلكها في عربيته دي
و اللي في منها جزء كبير بيستهلك لان الحكومة سايبه الطريق يضرب يقلب و العربية بتبوظ بسببه

طب مش كل ما بيسافر بيدفع كارته علي البوابات في الطرق اللي بيستخدمها

طب هو بيستهلك البنزين ده في ايه
اكيد في شغله الا لو صايع و ده قصه تانيه
طب الحكومة مش بتاخد منه تامينات و ضرايب علي دخله اللي بيعمله ده ؟؟؟

احسبها كده و شوف هو بيستفيد بقد ايه بالظبط بالدعم و هل يتساوي مع الارمله دي و لا لا

و هستاذنك تعمل بنصيحتك و تراعي ظروف غيرك برضه

المشاركة الأصلية كتبت بواسطة mhf_77

قبضنى بالسعر العالمى وادينى خدمات العالمى وحاسبنى بالسعر العالمى
مش تقبضنى بسعر الصومال وتحاسبنى على انى عايش فى سويسرا
مش ده العدل ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

+111111111

**Ahmed_Adham** · 29-04-2013 04:07 PM

متهيألي يبقى الحال كما هو عليه لبعد انتخابات مجلس النواب وبعدها يبقى يحلها الكريم من عنده.

**Imhotep** · 29-04-2013 04:15 PM

طب خدو دى..... الزيارة مش هتبقى للمرور للى زعلان انه هيروح المرور..... طبقا للخبر اللى هحط اللينك بتاعه ده الزيارة هتبقى لمكتب التموين!!!!!!!!!!!!!!1
عاجل - بدء توزيع كروت البنزين منتصف مايو وأسعار البنزين خارج الدعم

**المنسي** · 29-04-2013 04:16 PM

يعني عايزين يرشدوا الدعم يبقى يلغو الجمارك عن العربيات ولا هما فى دى عاملين فيها ودن من طين وودن من عجين

**SAMEH_FOUAD** · 29-04-2013 04:23 PM

المشكلة ياجماعة مش فى العربيات , المشكلة ان مجرد لو البنزين غلى قرش واحد بس كل حاجة بتزيد بالجنية مرة واحدة وحاجات ازيد من كدة حتى لو مالوش فية , بيزودة وخلاص يعنى لو البنزين غلى ومازودش السولار هتلاقى كل السلع غليت والمواصلات غليت , ماتعرفش لية , مع انهم بيمونوا سولار بس هية كدة لان مافيش ولا ظابط ولا رابط فى البلد دية , وكل واحد ماشى بمزاجة , ولا فية توحيد للاسعار , الحاجة هنا تلاقيها مثلا 3 جنية فى المحل اللى جنبة ونفس الحاجة تلاقيها ب2.5( طيب ازاى ) والله حرام اللى بيتعمل فينا دة , احنا بشر ياجماعة والله , مش كفاية قطع غيار اغلى من اى مكان تانى واردىء من اى مكان تانى , شوارع منيلة بستين نيلة مهما تركب عفشة لازم على الاقل تغير حاجات فيها كل فترة , شوارع ظلمة - نور بيقطع كل شوية - وفواتير عالية ( مياة - كهرباء ) - وكل دة والمرتب زى ماهو ههههههههههههه , والله انا حاسس ان الشعب دة كلة اذنب واحنا بنكفر سيائتنا باللى بيحصل فينا دة

تخيلوااااااااااا بقى لو زاد من 1.85 قرش واصبح ب3.75 مثلا يعنى زاد 2.9 جنية هيوصل فين

-

-

الموضوع: كده خلاص

LinkBack

أدوات الموضوع

عرض

-

-

-

-

المواضيع المتشابهه

أنا خلاص خلاص بجد بقيت نيساناوى بجد

البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

المصري .... لسه... ولا خلاص ؟ طب لو خلاص ولا لسه ليه؟

خلاص .. خلاص بجد .. دي مش عيشة بني أدمين

الظاهر كده انى دمرت النوبيرا خلاص!!!!

الكلمات الدلالية لهذا الموضوع

المفضلات

المفضلات

ضوابط المشاركة