خلاص كده يعني موضوع البنزين هايطبق دا خراب بيوت يا جماعه واسامه كمال دا راجل مستفز جدا لو الموضوع دا حصل البلد هاتولع ناااااااااااااااااااااااا ار ربنا يسترها من الحكومه الفاشله دي رايكم ايه هايطبق ولا كلام وخلاص
عرض للطباعة
خلاص كده يعني موضوع البنزين هايطبق دا خراب بيوت يا جماعه واسامه كمال دا راجل مستفز جدا لو الموضوع دا حصل البلد هاتولع ناااااااااااااااااااااااا ار ربنا يسترها من الحكومه الفاشله دي رايكم ايه هايطبق ولا كلام وخلاص
طب لو هو راجل خلية يعمل اللى بيقول علية
وشوف الناس هتعمل ايه
ياباشا خلاص ما هما كل يوم ينزلوا الخبر في الجرايد ياريت ايدي كانت اتقطعت قبل الانتخابات
ربنا يستر
ياريت الناس اللي تابعين للاخوان يبلغوهم ان البلد هاتولع بجد لو دا حصل لان كل حاجه هاتغلي جااااامد والمضرور في الاخر الموظف الغلبان انا اللي استاهل انا اللي استاهل انا اللي استاهل
و لا هايحصل حاجة - - و لا آى اندهاش !!!!!!!!
و الدليل زيادة أسعار الكهرباء و غاز المنازل - و لا حس و لا خبر - و كله بيكع من اللحم الحى - غير الارتفاع الجنونى بدون ضابط فى اسعار الخضار و الفاكهة و الاسماك و اللحوم البيضاء و و منتجات الالبان و و و ........
كل ما هنالك الناس كلها هاتطلع جرى تدور على الكوبونات و يبقى المواضيع كلها بعناوين :
" شوفتوا اللى حصل و أنا بستلم كوبونى "
" فساد و رشاوى و محسوبيات توزيع كوبونات البنزين "
" طوابيييييييييير طوابييييييييييير كوبونات كوبونات ..... "
" المعاملة الغير آدمية فى مرور ..... كذا و كذا .........."
آى خدمة - و تعالوا نفتكر الكلام ده من شهر يونيو و لا يوليو اللى جاى !!!
ماشي يا جماعة أنا كمان متضرر بس سعر لتر البنزين لا يتناسب مع السعر العالمي ليه فعلاً، لو قسمنا سعر لتر بنزين 92 مثلاً 1,85 / 7 جنيه يبقى حوالي ربع دولار و هو تمنى أسمع داخل في دولار برة و احنا لا السعودية ولا ليبيا... بالعكس احنا بنستورد المنتجات البترولية و مديونين جامد! يعني من الآخر احنا إلي هنلبس في الهم ده بمعنى الدولة بتدعم سعر المنتجات البترولية بالديون. طيب هتسدد الديون دي ازاي؟ يا هتستلف تاني يا هتحط ضرايب زيادة! طيب انتو شايفين إيه الحل؟ أنا أظن كان الافضل الدولة تزبط جهاز النقل العام و تحسنه الاول و دة يشمل باصات و قطرات و منيبصات و كلها تكون جديدة و مكيفة و صالحة للاستهلاك الآدمي! و باعد كدة يغلي البنزين مش قبل!
يا لهول مأساة الصاعقة
مازعلنيش فى الخبر قد حكاية مرواحنا المرور لإستلام الكوبونات .
يعنى يا ربى الواحد ما بيصدق يخلص ترخيص من المرور المنيل إلا ويلاقى كمان مشوار أنيل منه لإستلام الكوبونات .
وطبعا لكم أن تتخيلوا بقى مقدار الزحام اللى حيكون على استلام البونات .
أنا مقيل شوية لحد ما الدنيا تروق
انا عاوز اعرف لما الدعم هايتشال من علي كل الخدمات امال كلمه مصري اللي في البطاقه دي لزمتها ايه نغيرها بقي ونخليها اي حاجه تانيه ربنا يحرقهم بجااااااااااااااااااااااا ااااااااااااااااااااااااا اااااااااااز وعلي حسابي والله بس يتحرقوا الفشله ولاد الفشله
الدعم حيترشد مش حيتلغى
وأنا قريت واحد كاتب إنه بيستهلك بنزين ب 500 جنيه فى الشهر يعنى الحكومة بتدعمه بأكثر من 2000 جنيه وفى نفس الوقت أعرف أرملة زوجها توفى بدون ما يترك ليها معاش بتاخد معاش من التضامن 300 جنيه وعندها عيلين فى دراسة بالذمة مين أولى بالرعاية وبالفلوس دى .
كفاية بقى ولازم نبص للمصلحة العامة مش مصالحنا الشخصية ونظام أنا ومن بعدى الطوفان
طب خد عندك الحسبه دي
الراجل اللي بيستمتع بدعم البنزين اكيد عنده عربية هي اللي بتستخدم البنزين ده صح
طب مش 40% علي الاقل من سعر العربية ده راح للحكومة كجمارك
مش بيدفع كل سنه مبلغ ما بين ترخيص و ضرايب و خلافه
و طلع الوقت اللي بيخسره و ممكن يعمل فيه فلوس في تخليص الاجراءات دي
طب مش بيدفع كل كام شهر مبلغ حلو عباره عن ضريبه مبيعات و جمرك عن قطع الغيار اللي بيستهلكها في عربيته دي
و اللي في منها جزء كبير بيستهلك لان الحكومة سايبه الطريق يضرب يقلب و العربية بتبوظ بسببه
طب مش كل ما بيسافر بيدفع كارته علي البوابات في الطرق اللي بيستخدمها
طب هو بيستهلك البنزين ده في ايه
اكيد في شغله الا لو صايع و ده قصه تانيه
طب الحكومة مش بتاخد منه تامينات و ضرايب علي دخله اللي بيعمله ده ؟؟؟
احسبها كده و شوف هو بيستفيد بقد ايه بالظبط بالدعم و هل يتساوي مع الارمله دي و لا لا
و هستاذنك تعمل بنصيحتك و تراعي ظروف غيرك برضه
+111111111
والحكومه الفاشله مش عارفه ان في عربيات 1600 سي سي تمنها معدي ال 400 الف جنيه وواحد تاني راكب عربيه 2000 او اكتر لا تتعدي ال 70000 دا العدل حكومه غبيه
متهيألي يبقى الحال كما هو عليه لبعد انتخابات مجلس النواب وبعدها يبقى يحلها الكريم من عنده.
طب خدو دى..... الزيارة مش هتبقى للمرور للى زعلان انه هيروح المرور..... طبقا للخبر اللى هحط اللينك بتاعه ده الزيارة هتبقى لمكتب التموين!!!!!!!!!!!!!!1
عاجل - بدء توزيع كروت البنزين منتصف مايو وأسعار البنزين خارج الدعم
يعني عايزين يرشدوا الدعم يبقى يلغو الجمارك عن العربيات ولا هما فى دى عاملين فيها ودن من طين وودن من عجين
المشكلة ياجماعة مش فى العربيات , المشكلة ان مجرد لو البنزين غلى قرش واحد بس كل حاجة بتزيد بالجنية مرة واحدة وحاجات ازيد من كدة حتى لو مالوش فية , بيزودة وخلاص يعنى لو البنزين غلى ومازودش السولار هتلاقى كل السلع غليت والمواصلات غليت , ماتعرفش لية , مع انهم بيمونوا سولار بس هية كدة لان مافيش ولا ظابط ولا رابط فى البلد دية , وكل واحد ماشى بمزاجة , ولا فية توحيد للاسعار , الحاجة هنا تلاقيها مثلا 3 جنية فى المحل اللى جنبة ونفس الحاجة تلاقيها ب2.5( طيب ازاى ) والله حرام اللى بيتعمل فينا دة , احنا بشر ياجماعة والله , مش كفاية قطع غيار اغلى من اى مكان تانى واردىء من اى مكان تانى , شوارع منيلة بستين نيلة مهما تركب عفشة لازم على الاقل تغير حاجات فيها كل فترة , شوارع ظلمة - نور بيقطع كل شوية - وفواتير عالية ( مياة - كهرباء ) - وكل دة والمرتب زى ماهو ههههههههههههه , والله انا حاسس ان الشعب دة كلة اذنب واحنا بنكفر سيائتنا باللى بيحصل فينا دة
تخيلوااااااااااا بقى لو زاد من 1.85 قرش واصبح ب3.75 مثلا يعنى زاد 2.9 جنية هيوصل فين
بنسبة للاخ إلي بيقول على السعر العالمي و مرتباتنا و الاسعار فهو عند حق الصراحة لكن دي بلدنا و دي ظروفنا و هو بالحركة دي هيقللو الدعم مش هيلغوه، يعني الواحد ياخد 150 لتر بسعر 1,85 قرش و بعد كدة لو عوز يزود يخدو بسعر أغلى (بس بردو أقل من تكلفتو) - لي ناس معرفي عايشين في اليمن و بيقولولي البنزين في مصر رخيص مع إن اليمن من أفقر 10 دول في العالم، و أنا راضي ادفع زيادة بس الدعم ده فعلاً يتوجه للتعليم و الصحة، و ربنا يحسن الاحوال لينا جميعاً، قولو آمين.
رجاله الاخوان فين مايردوا علينا المرشد قالهم يقولوا ايه لو حد سالهم
مكن إلي بيمشي كيلومترات كتير يحول غاز بتقسيط على سنة مثلاً بدون فوايد و ربنا يرحمنا
الله يلعنهم كلهم واحد واحد ضيعوا البلد وحتي الفلوس اللي هاتتوفر من الدعم هاتدخل جيوبهم مش هايعملوا بيها اي حاجه ياريت بجد ايدي كانت اتقطعت قبل ماتعلم عليه في الانتخابات
حسبنا الله ونعم الوكيل فيك يامرسي انت وجماعتك ضيعتوا البلد
سياسية الغلاء مرة واحدة بتعمل مشاكل
انما دلوقتي غلاء بشكل تدريجي علشان يمتص غضب كل فئة علي حدي
وفالنهاية يحقق هدفه
مجرد رأي ..