ازاى امنع سرقه غطا العربية ....

**sherif_m72** · 17-08-2008 03:05 AM

ادامك حلين
تبات في العربيه
او ترجع الغطاء وتكتب على الازاز (متغطيه)

**ابوشريف** · 17-08-2008 03:18 AM

المشاركة الأصلية كتبت بواسطة دموع الثلج

الغطاء الوتر بروف فيه حزام بمشبك قفل بيقفل من جوه صالون العربيه تدخل اطرافه من البابين اللى قدام وتقفل بس

الغطاء بيغطى الاكصدام الامامى والخلفى تماما ومش بيبان اى حاجه الا العجل

كلام سليم جدا بشكرك عليه لانى كنت فاكر ان الحزام لربط الغطاء بعد تطبيقه

لكن مش حل لانى اعتقد ان المشبك معمول علشان لو فى رياح والاستك ضعيف الغطا ميطيرش من على العربيه

وطبعا الحرامى مش حيغلب لما يقطع الحزام بموس مثلا والغطا يفضل سليم

لكن موضوع الطوبه فى الغطا داخل الباب حيخلى الحرامى يضطر يقطع الغطا نفسه وده حيضيع الاستفاده منه

**ابوشريف** · 17-08-2008 03:19 AM

المشاركة الأصلية كتبت بواسطة hazem_khidr

هات دوكو اسود او ديلوكس وفرشاه

اكتب علي الغطا رقم العربيه من كل الجوانب
علشان حتي لو حد سرقه ما يعرفش يستفيد بيه

فكره جديره بالاحترام

**Dr. Elsaadani** · 17-08-2008 10:55 AM

انتى فى مصر مهما عملت حيتاقلموا معاك وبرضه حيسرقوه فى رايى ان احسن حل للغطاء هو بلاش منه اذا امكن ولو لازم يبقى عين بودى جارد

بهزر

هو مفيش جراج قريب منك احسن من كل ده تبقى ضربت ثلاثين عصفورة بزلطة واحدة حماية من السرقة والخدوش ونظافى للسيارة كل يوم

وربنا يحفظك

**sab3aawy** · 17-08-2008 11:00 AM

هقول لكم على تجاربى مع الغطاء:

1- مبشتريش غطاء غالى، لأن الغطاء الهدف منه حماية السيارة وليس المنظرة، بشترى غطاء فى حدود 60-70 جنيه

2- الغطاء اول ما بييجى بيتظبط زيت موتور قديم على الكبوت والشنطة، وده يبيمنع العيال من الجلوس على العربية وفى نفس الوقت بيمنع سرقة الغطاء لأنه لا يصلح للبيع

3- بحشر فيه فوطة صفراء(وليس طوبة لأنها ممكن تبهدل الباب لو اتقفل عليها) وادخلة بالفوطة بين الباب الامامى والسقف واقفل عليه

**MoToRiZeR** · 17-08-2008 11:25 AM

استاذ سبعاوي .. هوا الزيت ده مش بينزل علي الكبوت و يخلي شكله مزيت شوية ولا بيبقي عالغطا بس مبينزلش ؟

**sab3aawy** · 17-08-2008 11:34 AM

الزيت يبنزل على الكبوت اول يومين او 3 ، وبالتالى ممكن تزيت الغطاء وتسيبه ينشف يومن الاول قبل الأستعمال ، بعد كدة مش هيوسخ الكبوت، وحتى لو فرض ووسخ الكبوت مش قضية لأن زيت الموتور مش بيتفاعل مع بوية العربية، بعد 3 او 4 ايام ابقى نضفه مرة وخلاص

**wawoo** · 17-08-2008 11:57 AM

حتى غطى العربية بيتسرق , هوة اية محدش بيسيب حاجة ا لايام دى

**MoToRiZeR** · 17-08-2008 12:00 PM

شكرا علي الرد السريع .. انا هعمل الموضوع ده بس في جناب العربية عشان فيه ناس بتجيب كراسي من المحلات اللي تحت البيت و تقعد جنب العربية و تسند الكراسي عالعربية و بتعلم في الصاج