تعمل ايه لو كنت مكاني

**youssef_u** · 29-04-2013 05:20 PM

مش لازم تدخل في خناقة بسبب ٢ جنيه او ٣ جنيه زياده ، واللي انتا عملته برده صح

**Sehsss** · 29-04-2013 06:45 PM

المشاركة الأصلية كتبت بواسطة monamize4

ما شاء الله كل الردود كلها ف منتهى الحكمة و هو دا فعلا اللى المفروض تعمله

ماعدا الرد الاخير لان مش دلوقتى وقته بالنسبة لسنك و اعتبارات تانية كتير بس وقته جاى جاى

كل واحد ليه وجهة نظر ورأي وهو حر فيها، ويقدر الوقت والظروف كما يتراءى له

**alexaway** · 29-04-2013 09:24 PM

المشاركة الأصلية كتبت بواسطة sehsss

لو مكانك كنت جيبته من الشباك.. وعلمتها مع واحد قبل كده شتمني برضه

متزعلش مني بس شفت بعيني واحد زي حضرتك كدا وشبط مع سواق والسواق نشه بمطوه في وشه فلقه نصين ,وكان الشاب اللي واقف ادام السواق جته مش قليل يعني ومع ذلك السواق شوه وشه بالسلاح .

وقريت قبل كدا فى اليوم السابع حادثة سواق ميكروباص قتل زبون علشان اختلاف علي ربع جنية .

احمد ربنا ان السواق اللي انت مسكت فيه دا غلبان مش بلطجي زي اغلب السواقين .

**ehabpopo** · 29-04-2013 10:06 PM

كويس انك عملت كده ... الاشكال اللى بتدور على الخناق دى احسنلك تسيبهم وتمشى ... وماتزعلش من نفسك انك سيبتة ...

**S O P H O S** · 29-04-2013 10:18 PM

انت عملت التصرف السليم لان مش مجال انك تتخانق معاه
حاليا يوم ما يكون ليك حق مش هتلاقي حد حواليك
ومفيش شرطة او قانون تجيب بيهم حق ليك
مجرد رأي

**YahiaAshraf** · 26-06-2013 12:54 AM

نفس الموقف حصل معايا بس مقاليش غور

وكونت هعمل خناقة لولا انه لقانى ممكن ارتكب مصيبه فى اليوم اللى مكن هيعدى ده

فمن ساعتها قبل ما بركب اى تاكسيات بقوله انا هدفع كذا يقولى اه بركب يقولى لا بسيبه

لغاية لما اصلا مرضيتش اركب تاكسيات لان معظمهم ناس شاربين - بلطجيه ............الخ باين جدا على منظرهم

**SaSa.FireBlade** · 26-06-2013 05:06 PM

نفس الموقف دة حصل معايا من 3سنين ولسة فاكرو والله العظيم بس كان معايا واد صحبى مجنون شوية السواق شتمنا كدة لسا هوا هيشتم وكان عايز يدى المرايا بلرجل فنا لحقتوا المهم قام فالت منى وجاب قالب طوب وساب السواق لسا هيطلع بلعربية مشيلو بتاع 2 متر وقام جارى وارة السواق وقف بيطلع دماغو من الشباك وبيشتم قام مديلو بيها فى دماغوا الطوبة اتقسمت نصين على دماغو وهاتك يا جرى جرينا من اول شارع ولى العهد من ناحية السراى مول لحد شارع مصروالسودان

**tota_ys** · 27-06-2013 04:46 AM

المشاركة الأصلية كتبت بواسطة amr011111

انت ابقى اركب التاكسى الابيض اللى فيه عداد احسن
ومتزعلش نفسك الناس البيئه بقوا كتير الا من رحم ربى

طب وحياتك كمان التاكسى الابيض ما بيرضى ياخد الاجرة اللى فى العداد
عن تجربه
بص هى البلد خربت خلاص وعليه العوض
اما بالنسه للاخ اللى كاتب الموضوع اوعى تدخل مع سواق ميكروباص او تاكسى فى نقاش علشان اكترهم ضربين برشام وبلطجيه ومش نازلين علشان يشتغلو
وممكن فى ثانيه يطلع حاجة يضربك بيها ويجرى
نصيحه من اخ يعنى