حالة الامنطق فى اسعار السيارات

**mokhtar** · 24-08-2008 04:06 PM

حرام عليكم يا جماعه قلبتوا علينا المواجع انا بقالى فتره كبيره عمال بعمل بحث على مواقع المستعمل فى الخليج ووقع فى ايدى شويه مواقع شفت بلاوى من هنا للصبح ايه ده مش ممكن دحنا فعلا واخدين على دماغنا واليكم الاتى:
شيفروليه كابريس 5.7 موديل 2001 ماشيه 58000كم بكااااام 22000ريال قطرى .......اوبل اوميجا 2001 اللى احنا عمرنا ماتشرفنا بيها 19500 ريال
نيسان صنى 2004 - لانسر2005 -فورد فوكاس 2005 كل دول فى رينج 20000الى25000 ريال
شفروليه كابريس 85 اللى عامله زى الدبابه 12000 ريال وانت نازل
شفروليه ابيكا 2005 -65000كم عامله 25000 ريال
كيا ريو2003 او فيرنا اللى هى هناك اسمها اكسنت 15000 وانت نازل
فورد مونديو2005 حاجه خرافه ب25000 ريال
BMW 740L موديل 2001 ب35000 ريال فى حد مستوعب فئه سابعه يا عالم..مرسيدس شبح 500 SL موديل 96 فى حدود 50000 ريال
مرسيدس زلمكه موديل85 ب12000 ريال
مازدا 6 موديل 2003 ب25000ريال
هوندا سيفيك موديل 2003 عامله 85000 كم ب24000 ريال
باسات 99 ب22000
بيجو 307 موديل2003 ب22000 ريال
نيسان ماكسيما 99 ب19000 تويوتا كامرى98 ب18000 ريال
معلش يا جماعه انا والله مش قصدى اعقدكم بس اهو نتعقد كلنا
ودى شويه مواقع خليجيه
ده موقع قطرى http://www.qatarsale.com/ArMain.aspx
ده موقع سعودى

**mokhtar** · 24-08-2008 04:08 PM

ده موقع سعودى
http://www.carsdir.com/carsforsale.a...10&order=Price
ده موقع كويتى مع العلم ان الدينار الكويتى حوالى 20 جنيه مصرى فى الحدود دى
http://www.q8car.com/newsite/cars/ar...tails&id=62111
اتفرجوا على الاسعار وادعولى اوعى حد يدعى عليا

..mokhtar..

**wawoo** · 24-08-2008 05:45 PM

المشاركة الأصلية كتبت بواسطة tutankhamoun

و شكرا لكل من شاركني هذا الحوار الجميل البناء المحترم
الأستاذ واو

[i

شكرا ليك يا توت عنخ امون باشا
:)

]

**Chicco** · 25-08-2008 02:07 AM

المشاركة الأصلية كتبت بواسطة tutankhamoun

تمام ........... متفق معاك مليون 100 % يا دكتور شيكو
أنا بتكلم عن المبدأ فقط
و لا أدافع عن أحد ..........
.......المواصلات العامة هي الحل و ليس تقليل الجمارك
مواصلات عامة و طرق محترمة هي الحل لنا جميعا و هذا ما آراه و شكرا لكل من شاركني هذا الحوار الجميل البناء المحترم
الأستاذ واو
و الدكتور شيكو

العفو يا صديقي الفاضل ...شكرا ليك أنت على الرقي في الحوار و أدبك الجم و .........السمايليز الجامدة ......وحشني التلج

**D . a .\ AYMAN** · 25-08-2008 03:42 AM

انا مش هارد ولا أعلق على أي حاجة من اللى جت في كلام توت أو شيكو أو واو لأن كل كلامهم صح في الإجمال

لكن ليا ملحوظة صغير لعدة نقاط في مصر أحبكوا تاخدوا بالكوا منها

أولا : مصر فعلا مش فقيرة ... مصر بتتسرق -تفتكروا الناس اللى زي اللى ماسكين الحزب الـ ........ دول جايبين المليارات اللى عندهم منين ولا تفتكروا أخينا جاب منين 15 مليار دولار ثروة خاصة به وحده غير بقيت أفراد العائلة المقدسة

تفتكروا الناس دي جابت فلوسها وبقت في الغنى الفاحش ده من دولة تانية غير مصر !!!!!!!!!؟؟؟؟؟؟؟؟؟؟؟

مصر ليست فقيرة ولكن توزيع الدخول فيها خاطئ حتى اللى بصورة شرعية منها

ليه مدير أمن القاهرة دخله بيوصل لثلاثة أرباع المليون جنيه بصورة شرعية شهريا عبارة عن نسب من كل المخالفات المرورية والغرامات التي توقع بمعرفة الشرطة وتراخيص السيارات الأجرة وبلاوي كتير جدا لا يتسع المجال لذكرها وكذا مدير الأمن العام ده بلاش أكلم عنه لأنه معدي قوي

ولا المحافظ -أي محافظ- دخله بيوصل لمئات الآلاف من الجنيهات وده بقى زعيم كل الوزارات في محافظته يعني مش الداخلية بس

ولا رئيس هيئة النقل العام ياخدله في الشهر بتاع 50000 في حين ان الموظفين اللى شايلين الهيئة أصلا أكترهم مكانه بيقبض الفين تلاتة بالكتير ومعظمهم مابيعدوش الـ 500 واديهم في نفس الجهة هيئة النقل العام... ليه الفرق الرهيب ده !!!؟؟؟

والمشكلة ان الناس هية اللى مابتدفعش لا جمارك ولا فواتير تلفون ولا كهرباء ولا غاز ولا بنزين ولا مواصلات ولا مدارس ولا ... ولا ... ولا

حاجة تانية أقولها للأستاذ توت حبيبي
انا لو روحت أشتغل برة وليكن في انجلترا ولا فرنسا سنتين تلاتة ياترى لو رحعت مصر تاني مستواى المادي أكيد هيعيشني هنا كويس جدا بعد ماقدرت هناك أعمل شوية فلوس كويسة وانا أعرف ناس كتير فعلا كده وفي انجلترا بالذات معرفة شخصية ... ودا معناه أن حتى في الدول اللى زي مصر (انجلترا زي مانت بتقول ) اللى بيشتغل هناك بياخد حقه وبيعيش زي الفل مش هوة يشتغل وغيره ياخد حقه

آسف للإطالة

وجزاكم الله خيرا وربنا يصلح الحال

**Noha.M** · 25-08-2008 05:47 AM

المشاركة الأصلية كتبت بواسطة MOHAMED ABD EL SHAFY

اثناء تصفحى على النت دخلت على موقع لبيع السيارات المستعملة ويظهر انه سعودى
http://www.arabicmotors.com/Research.aspx

وقد فوجئت بصدمات كبيرة

1- سعر الباجيرو 65 الف ريال موديل 2004 عاملة 180كيلو متر فقط
يعنى بالمصرى ممكن تقول تبقى ب 95 الف جنية فقط!!!!!!!

2- سعر الدايو ليجانزا 13 الف ريال !!!!! يعنى 19 الف جنية مصرى !!!! يعنى بسعر عربية 127 ؟!؟!؟!؟!

3- عربيات مش موجود منها فى مصر (مش منتشرة ) مثل جراند موركرى ب 26 الف جنية يعنى ب 40 الف جنية مصرى !!!!
الجراند موركوى دى شرفت بركوبها اثناء زيارتى للسعودية وكانت ( تاكسى ) دى بقى سيارة اختراع بجد وتحفة

السواق كان ماشى على سرعة 280 عدى يعنى ومسافرين من جدة للمدينة وبيتكلم فى الموبيل قام الموبيل وقع منه على الارض قام ساب الدنيا ونزل يدور علية يجيبة والعربية على سرعة 280 وماشية عادى ولا حصل اى حاجة
تقفيل الطابلوة والابواب خشب ابانوس
الكراسى تتحكم فيها بالكهرباء - الكرسى يلف 90 درجة اثناء انزول جنب السائق ممكن يجلس 2 مستريحين وورا 4 عادى

المهم كل دا ب 40 الف جنية مصرى
طب ازاى!!!!!!!!!!!!!!!!

مستوى دخل الفرد فى الخليج اضعاف دخلة فى مصر
وبالغرم من دا يقدروا يركبوا احسن عربيات بثمن مرتب 4 او 5 شهور فقط من دخلهم
دى بقى مش حاجة تحرق الدم!!!!!
يعنى لو موظف ب 5000 الاف ريال ودا عادى ممكن بمرتب 5 شهور يركب الجراند موركورى عادى

انا دمى اتحرق!!!!!!!!!!!!!!!!!!!!!!!!!!!!!!

و انا كمااااان :cuss:

**MOHAMED ABD EL SHAFY** · 25-08-2008 01:02 PM

يعنى ببساطة باقل دخل مقارنة بالدخل فى مصر ممكن تركب احسن سيارة متقدرش تركبها فى بلدك
وكمان البنزين بيرخص هناك
وطبعا مش هتلاقى حاجة اسمها راشة جوة وبرة والافلام دى
مفيش هناك وقت للكلام دا يعنى بتشترى عربية من الاخر استعمال سنتين ثلاثة وبسعر 127 فى مصر بالضافة ان حالتها كويسة ان السعر دا هناك ممكن تحوشة من مرتب 3 او اربع شهور
عمااااااااااااااااااااااا ااااار يا مصر