الموضوع: حالة الامنطق فى اسعار السيارات

مين دول ...........
و مين مع مين ...............
أحنا بتوعك يا عم الحااااااااااااج ...................

المشاركة الأصلية كتبت بواسطة Chicco

توت باشا .....في نقطة مهمة بس .....بره الناس بتدفع ضرايب جامدة اه بس بياخدوا قدامها خدمات ياما و على أعلي مستوى .....أمن و صحة و تعليم و طرق و مواصلات و بنية اساسيه يعتد بها ..إلخ .....المشكلة عندنا ما فيش شفافية و ما حدش عارف فلوس الضرايب و الخصخصة و الموارد الأخري بتروح فين و كمان ما فيش خدمات..... لا مواصلات و لا طرق و لا صحة و لا تعليم ......

تمام ........... متفق معاك مليون 100 % يا دكتور شيكو
أنا بتكلم عن المبدأ فقط
و لا أدافع عن أحد ..........

المشاركة الأصلية كتبت بواسطة wawoo

سعر اللانسر شارك الجديدة موتور 2400 سىسى و ناقل حركة ستيب ترونيك فى الولايات المتحدة الامريكية 19.900 دولار
اى 105 الف جنية مصرى

سعر الانسر اوت لاندر و الموديل الاوتوماتيك دفع رباعى فى الولايات المتحدة الامريكية 21,000 دولار
اى 111 الف جنية مصرى

و ادى الرابط اهة
http://www.mitsubishicars.com/MMNA/j...d.do?loc=en-us

قولى بقى يا توت دى الاسعار اللانسر يابانية الصنع فى قلعة صناعة السيارات فى العالم الولايات المتحدة الامريكية , يعنى اظن مافيش دول مستعدة تحمى صناعتها اكتر من الولايات المتحدة , و شوف الاسعار عملة ازى , طبعا حتقولى ان اسعار البنزين والضرائب والمصروفات و كيت و كيت .

طيب احسب كدة يا توت هذة المودلات بنفس التجهيزات بالضبط ثمنها يكون كام فى مصر , اللى منعدهاش صناعة سيارات ولا عندها اى خدمات زى الى بتقدمها الولايات المتحدة الامريكية ولا حتى مستوى الدخل يوصل لربع الدخل الامريكى .

انا مش حتكلم انا حسيبك انت او احد الاعضاء يحسبلى الجمارك والضرائب على المودلات دى كام , و يقولى الفرق دة لية و لمصلحة مين ,و مين المستفيد منة فى النهاية .

يبقى المحصلة اللى مش حيختلف عليها اتنين ان احنا هنا بنتسرق بشكل رسمى و علنى من الحكومة .

و برضو ارجع و اقولك ان انا مش عاوز الجمارك تتلغى , الدول ليها حق و شيافة ان المواطن لازم يسهام على عينى و على راسى , انما بلاش افترى و بلاش ضغط على الناس , وتكون الجمارك نسبة معقولة و نسبة عادلة , مش 60 و 80 و 100 % لية

أولا
بالنسبة لبعض للموديلات اليابانية و فروق الأسعار
ده ناتج عن كذا عامل مش عامل واحد

الجمارك في مصر
جشع الوكلاء ......... و ده بيبان في العربيات اللي سوقها واقف أو بيعها ضعيف

أمريكا و اليابان دول حالة مختلفة
لأن أمريكا فاتحة الأسواق الأمريكية أمام البضائع اليابانية على مصراعيها لأسباب سياسية كان المهندس فادي خاض فيها من قبل
ثانيا فيه موديلات كتيرة ........... تجميع أمريكي

بُص بقى على أسعار السيارات الأوربية في أمريكا
هي هاتلاقيها غالية علشان عليها ضرائب و جمارك حتى لو كانت بسيطة

و أنا معاكم إن مفيش شفافية نهائي في مصر و عن مصادر الأموال و عن أماكن صرفها

إنما المبدأ موجود و هو أن الجمارك و الضرائب وسيلة من وسائل تحصيل دخل للدولة

و فعلا يا جماعة أحنا ما ينفعش نستمر في شراء سيارات
يجب أن نقلد الدول النظيفة التي تعتمد على المواصلات العامة المحترمة مثل سويسرا و السويد و النرويج ......... الخ
منها توفير بترول
تقليل إنبعاثات ضارة بالبيئة
تقليل الإعتماد على استيراد قطع غيار أجنبية للسيارات الكثيرة مما يوفر العملة الصعبة

المواصلات العامة هي الحل و ليس تقليل الجمارك
مواصلات عامة و طرق محترمة هي الحل لنا جميعا و هذا ما آراه و شكرا لكل من شاركني هذا الحوار الجميل البناء المحترم
الأستاذ واو

و الدكتور شيكو