الموضوع: رد فعلك ايه تجاه رفع الدعم من علي البنزين ، ياريت كله يشارك برأيه

المشاركة الأصلية كتبت بواسطة benmatar

حاسبونا على البنزين بالدولار بس ميخلوش قبلها أي إشارة توقفنا أكتر من 30 ثانية.

و دي طبعا استحاله تحصل ، مع انه في حالة ان سعر البنزين هيبقي خرافي كده غالبا هتقف في الاشاره لوحدك

المشاركة الأصلية كتبت بواسطة أحمد جاد

لو المواطن المصرى بيأخذ حقه من الحكومة فى كل المجالات يعنى تعليم محترم و رعايه صحيه جيده و الشوارع ممهده و العيش متوافر و اى مصلحه تقدر تنجزها بدون دفع اى اتوات او اكراميات أو رشاوى
أذا انا اقبل تن ادفع فى لتر البنزين السعر العالمى 4 جنيه

و مع كل ده مرتب اقدر ادفع منه و الاقي اكل بعد كده و كمان جوده مش انت عايز تحاسبني بسعر عالمي يبقي جوده مقبوله عالميا يعني اخد البنزين ده احطه بره في الولايات المتحده ملاقيش البنزينه اتقفلت تاني يوم و صاحبها مسجون مش كده ؟

المشاركة الأصلية كتبت بواسطة samirsaid1

طالما يوزع البنزين بكوبونات اكيد ناس كتيييييييييييير مش هاتركب عربياتها الا للضرورة
وبكدة لازم تتوفر مواصلات مريحة عشان الناس تركبها وتعوضها عن رفاهية ركوب السيارة وطبعا مفيش غير اتوبيس الهيئة الاحمر

تانى حاجة السولار والميكروباصات كل سواق هايعمل اجرة لنفسة يعنى لما يخلص حصتة يعلى الاجرة
عشان يعوض الفرق بين المدعم والغير مدعم وطبعا انتو عارفين اية التوابع من المشاجرات وغيرة ؟؟؟؟؟

حاجة اخيرة

الدعم دة ممكن يخلص فى الاشارات والزحمة يبقى استفدنا ايه

و دي نقطه مهمه قوووووي و مش كتير واخد باله منها ده من غير اي حاجه في يوم عادي اضطرنتي الظروف المهببه اني انزل مشوار في عين شمس بميكروباصات ... المشكله مش في انك تركب الميكروباص المشكله اصلا انك تركب الميكروباص يا فندم الناس بتتخانق و بتزق بعض وكأنهم بيوعوا لحمه بلدي جوه كان يوم غريب وصلت فه متأخر بتاع ٤ او ٥ ساعات !!! مابالك بقي لما دول تزود عليهم المجتمع كله لما ميلاقيش يدفع بنزينه و يتزنق مواصلات .... الحكومه بقي عندها قد قوة اوتوبيساتها ٥ او ٦ مرات كمان علشان الزياده دي ؟!

و المشكله التانيه بقي انت غليت عليا فركبت مواصلات فهو كمان غلا عليا يعني انا شايل رفع دعمي و رفع دعم سواقين الميكروباصات ههههههههههههههههه في رفع اكتر من كده .... طب في رقابه علي الكلام ده تمنعه يغلي التعريفه او تحل ازمه المواطن بشكل او باخر ؟

ولسه ياما هتحدف علينا الثوره .. وماحدش يقولي الثوره مالها .. انا كرهت ام الثوره دي ع اللي عملها .. مؤامره ضيعت البلد ووصلتنا لإنعادام الأمن والإقتصاد وأدينا داخلين على حرب أهليه
الثوره المهببه دي هيا السبب .. الكوره إجوان .. إحنا لعبنا ماتش حلو ف الثوره .. بس ماجبناش جون .. نبقى خسرنا.

والله يا جماعه الناس دي ولا بتعرف تفكر في اي حاجه واتفرج بقي عربيات المحافظين وعربيات الوزراء وعربيات الرئاسه كلها بتبدا من 3000 سي سي واحنا اللي هانشيل عشان خاطر البهوات يركبوا وانا بتمني تقوم ثوره تاني نشيل شويه الرعاع دول ونجيب واحد بيفهم ومش قصجي علي حسني ولا شفيق ولا اي حد من النظام السابق البلد مليانه ناس بتفهم ونظيفه ولو علي ال 2 مليون اخوان ياخدوا فوق دماغهم عادي جدا

المشاركة الأصلية كتبت بواسطة Samir Elshahawy

انا موافق علي كلامك جدا , و لكن السعر العالمي ليس 4 جنيه
في أوروبا سعر لتر البنزين (مايعادل 95 عندنا) = 2 يورو = حوالي 16 جنيه

اللي انا اعرفه ان المحروقات دي من انتاجنا احنا يعني مش بنشتريها يا جماعه من بره بمعني اصح ان تكلفة كل بلد مختلفه و مش معقول يعني هعلقها بالدولار ، يعني انهادره البنزين ب ١٦ بكره الدولار يعلي الاقي البنزين ب ٢٠ خلاص يعني بقينا كده !!!!!

المشاركة الأصلية كتبت بواسطة rompo10

حضرتك احنا مالنا ومال العمله بتاعتهم اليورو عندهم زي الجنيه وبعدين ناخد مرتبات الاول زي اوربا وبعدين يتكلموا اوربا مافهاش جمارك للعربيات احنا طالع عين اهالينا في كل حاجه لو حبيت تشرب بتدفع فلوس اقول تاين ولا كفايه

+١١١١١١١١

المشاركة الأصلية كتبت بواسطة Sehsss

لما يشيل الجمارك على العربيات، والطرق تبقى محترمة زي البني آدمين، ويبقى فيه مرور منظم، واستقرار أمني، وتعليم وصحة.. يبقى يشيلوا الدعم من على البنزين، غير كده ما فيش كلام

:) انا مستني حد هيجي يقول لحضرتك ما هما مش هيعملوا كده غير لما تشيل الدعم علشان يلاقوا فلوس يعملوا البدع و كأن التقدم كان واقف علي فلوس الدعم بتاعي

مش شايف حد من الاخوان بيرد ولا الموضوع مش علي هواهم

المشاركة الأصلية كتبت بواسطة m.ayman

اللي انا اعرفه ان المحروقات دي من انتاجنا احنا يعني مش بنشتريها يا جماعه من بره بمعني اصح ان تكلفة كل بلد مختلفه و مش معقول يعني هعلقها بالدولار ، يعني انهادره البنزين ب ١٦ بكره الدولار يعلي الاقي البنزين ب ٢٠ خلاص يعني بقينا كده !!!!!

لا يا أفندم .. البنزين بيتم أستيراده و لايتم انتاجه محليا

و الحاجة التانية المهمة كمان ..
صحيح أحنا بننتج بترول و لكن لايكفي أحتياجاتنا فبنضطر أننا نشتري حصة الشريك الاجنبي في البترول المصري بالسعر العالمي و هذا الكلام ينطبق علي كل المنتجات البترولية بالطبع