السلام عليكم
النهاردة كنت مشغل المكيف على 4 وزي الفل والتبريد تحفة وبعدين لاحظت الاتي بمنتهى الدقة:

ان العربية وانا مشغل التكييف البارد ف الزحام كل ما ادي الاول واطلع اسمع صوت تنعير ولا مؤاخذة
والصوت يظهر ايضا عند الفرامل للتهدئة..ولما اطفي المكيف واعمله مروحة يختفي الصوت تماما...
علما بان الصوت لا يظهر ابدا على سرعات التاني والتالت والرابع والخامس ولا الفرامل ف السرعة..
وعلما بان ايضا لا توجد رعشة كهرباء المعروفة بتقل العربية ولا عزم الموتور متاثر ولا الار بي ام بيرقص
والتبريد الله اكبــــــــــــــــــــــ ـــــــــر...

المشكلة التانية عداد السرعة الكيلومتر ساعات يهبط فجاة وانا سايق للصفر ويعلق تحت وساعتها تنور لمبة المحرك الصفراء... ولما يعلي العداد لوحده تختفي لمبة المحرك... والاداء عموما زي الفل

الصوت مضايقني جدا خصوصا ان العربية جديدة وتمت شهرها الاول معايا...


وارجو الرد والافادة عشان الصفحة دي نايمة شوية...
يا ريت نشد حيلنا كده ونفيد بعض..
والف شكر ليكم جميعا مقدما...