حلقة يوم 26-4-2013 من Top Gear وسيارة Kia Ceed الجديدة - حلقة مميزه

**2CODE** · 29-04-2013 05:52 PM

السلام عليكم ورحمة الله

لسه شايف الاعادة وتقرير رائع جداً عن الوحش الكوري السلوفاكي الصنع KIA Ceed

شاهد الفيديو (معلش يا جماعة مقدرتش اسجله من MBC Action وهو مترجم)
الفيديو ده من غير ترجمه لكن هحاول ادور لكم على الفيديو المترجم بس الكلام باين جداً الحمد لله الصوت نقي

PutLocker - Kia Ceed 2013 - Top Gear - NileMotors.net

تفاصيل الفيديو بالاعلى :
يتحدث عن جائزه "نورذرن كار أوف ذا يو" المعروفة للسيارات التي فازت بها KIA Ceed ويتحدث عن نظام التعليق الخلفي الجديد كلياً الذي قام بتجربته في هذا الفيديو في المنعطفات السريعة واستعرض احدث التقنيات والتكنولوجيا في السيارة عن طريق الركن الذكي ..... الخ

بالنهاية اشار الي صنع السيارة في مصنع كيا بسلوفاكيا الجديد وتحدث ايضاً على الخامات وقام بتجربة نظام الصوت الذي يمكنك توصيل جيتار الكتروني بدون حدوث اي تلف فيه
في النهاية تحدث عن السعر وعن التطور الهائل في سيارات كيا في الفتره الاخيره

ده ملخص للي هيتقال بالانجليزي في الفيديو فوق وهحاول اجيبه مترجم بأذن الله

الحلقة تفاصيلها على هذا الرابط
MBC.net - الحلقة 2: هاملتون يتفوق على فيتل.. ومباراة "رجبي" مثيرة بسيارات KIA

طبعاً كيا سيد مواصفاتها غنية عن التعريف وموجوده على موقع الشركة
Kia cee'd sportswagon Exterior | Kia Motors Global Official Site
جميلة جداً من ابداعات الفنان بيتر شراير كالعادة في كل تصاميمه

يا جماعة هو احنا ربنا خلقنا من طين وهم من عيش يعني ولا ايه ؟ فين الكلام ده في مصر

بدل هاتولي راجل - هاتولي عربية بمواصفات نضيفة

ههههههههههههههههههههههههه

**Karim Ibiza** · 29-04-2013 07:38 PM

انا شوفت الحلقة دى من اسبوع وعجبتنى قوى بس انا كنت فاكر ان الـ Cee'd هى الـ Rio لأنهم شبه بعض من قدام

اللى لفت نظرى اكتر هو كمية التكنولوجى اللى نازلة فيها وماتش الراكبى ده قصة تانية خالص

عموما كون ان Jermy Clarekson يعجب بيها ده فى حد ذاته انجاز كبير لأنه مبيعجبوش العجب ومفيش عربية بتطلع من تحت ايده الا لما يطلع فيها القطط الفاطسة