تقرير عن تغير بلى العجل الخلفى و تغير زيت لكوى مولى ,,,,,,يعنى 2*1
السلام عليكم و رحمه الله وبركاته
صقور نيسان الكرام اتمنى ان تكونوا جميعا بخير و صحه
زى ماهو واضح فى العنوان انا جاى النهارده اعمل تقرير عن
أولا تجربتى مع زيت لكوى مولى
ثانيا تجربه تغير بلى العجل الخلفى
خلينا نبدء الموضوع من اوله وأول الحكايه بعد الصلاه على الحبيب المصطفى ( صلى الله عليه و سلم ) بدءت بقرار مفاجئ بالسفر الى القاهره ( انتوا عارفين انى من أسيوط) وذلك لظروف مرض احد أقاربى و كان لابد ان اكون مرافقا له فى رحله العلاج بالقاهره
يوم الاربعاء السابق جهزت العربيه للسفر فولت بنزين و كشقت على ضغط الهواء فى العجل و الانوار و المياه كله الحمد لله تمام
تحركت يوم الاربعاء الساعه 11 صباحا اخذت طريق الجيش الجديد الجو كان حار جدا شغلت التكيف و فى تمام الساعه
1:30 ظهرا كنت فى الكريمات وهناااااااااااااااااااااا ا,,,,,,,,,,,,,,,,,,,,,,,,, ظهرت اول المشاكل :crying2:
1- البنزين قارب على الانتهاء الشرطه الاخيره تقريبا و مافيش بنزين 90 او 92 فى اى بنزينه على الطريق :crying2:
2- وجدت صوت العربيه عالى مره واحده بدون اى مقدمات الصوت عباره عن ونه عاليه بتزيد مع السرعه :mad2:
انا انشغلت بموضوع البنزين الساعه 2 ظهرا كنت فى أول حلوان طبعا طفيت التكيف و هديت السرعه ولم اجد بنزين الا فى بنزينه الوطنيه بعد زهراء المعادى قبل الدائرى
• العربيه اخذت 37 لتر المسافه كانت 390 كيلو يعنى بمعدل استهلاك 210 كيلو فى الصفيحه علما بأن السرعه كانت 140 كيلو مع التكيف 80% من الوقت احفظوا الفقره دى كويس علشان هارجعلها تانى :3mla:
وانا راجع من 6 اكتوبر الى الهرم وجدت الصوت بيزيد توقعت انه من الموتور و خاصه ان العربيه تجميعها ضعف
و RPM بيقى عالى فى اللحظه دى لم اجد الا الاتصال باخى الفاضل الاستاذ أحمد مصطفى ( العــــــــــــمده ) :Bravo:
وكان رأيه ان اغير زيت الاول لو لم يتحسن المشكله لازم التوكيل و كانت توقعاتنا ان ممكن تكون ضفيره
هتا نبتدى التقرير الاول لتغير زيت لكوى مولى :- ,,,,( اسف طولت عليكم فى المقدمه )
كان معايا رقم الاستاذ طارق المختص بتوزيع زيوت لكوى مولى مصر الجديده كلمته و ارشدنى على وكيل 6 اكتوبر
الاستاذ محمد بحى البشاير روحت و تعرفت على الاستاذ احمد ابنه راجل غايه فى الزوق نصحنى بالتالى
اولا ملاحظاتى على السياره بعد تغير الزيت :-
1- صوت الموتور هادئ الى حد كبير ولكن مازال مسموعا :w6266d
2- الصوت الصادر من السياره مازال موجود ويزداد مع السرعه :mad2:
3- المفاجئة اللى انا مش مصدقها لغايه دلوتى ماشاء الله ماشاء الله >>>>>>>>> العربيه عملت
305 كيلو فى الصفيحه
:Ta_clap[1]:
وانا راجع على اسيوط صباح يوم السبت لانى قررت العوده وتصليح السياره فى أسيوط
المسافه 395 كيلو على طريق الفيوم الغربى السرعه 120 كيلو التكيف 100% من الوقت
عدد اللترات المستهلكه 26 لتر فقط :Ta_clap[1]:
ثانيا تقرير تغير بلى العجل الخلفى :
http://nileup.com/up/uploads/nilemotors_13672614352.jpg
http://nileup.com/up/uploads/nilemotors_13672614351.jpg
توجهت للميكانيكى ثانى يوم من عودتى و لما كشف على العربيه قالى بلى العجل الخلفى فى كلتا العجلتين
بايظ واحمد ربنا ان العربيه ماقفشتش منك و انت راجع والا كانت اتقلبت على السرعه
ايضا ذكر ان ارتفاع RPM سببه البلى و كان ممكن يؤثر على الموتور سلبا لوجود المقاومه فى العجل
عايز اقولكم ان بلى العجل لاثنان مغيرهم من اقل من سنه بس كنت مركب التايوانى وكان سعر الواحد
450 جنيه علشان كده قررت ان المرة دى لازم اجيب الاصلى وفعلا روحت لوكيل الصعيد ناشيونال موتورز
ولقيتهم الواحده بسعر 550 جنيه بالضريبه فرق 200 جنيه عن التيوانى علشان كده فعلا بنصح كل واحد
ان يجيب قطع الغيار الاصليه لان الفرق مش كتير وسلامتنا على الطريق تستحق
أجمالى التكلفه 1100 جنيه عدد 2 بلى عجل خلفى + 50 جنيه ميكانيكى ( 1150 جنيه)
المهم غيرناهم وبمجرد خروجى من عند الميكانيكى لاحطت التالي
1- سحب العربيه فرق جدا :_Alshmokh22[1]:
2- صوت الموتور لم يعد مسموعا تقريبا :_Alshmokh22[1]:
3- RPM رجع لطبيعته
اخيرا لا انسى شكرى الخاص لاخى الاستاذ احمد مصطفى اللى كلمنى بعد عودتى للاطئنان على رغم مشاغله فى عمله ربنا يكرمه :flower4u:
