رائع
عرض للطباعة
رائع
طبعا كويس إنك بتشتغل في عربيتك بنفسك و ده شئ جميل و ممتع و له نشوه خاصه
لكن فيه حاجات بلاش إنته اللي تعملها لازم يبقي فيه دوبلير اللي هو الفني أو الصنايعي
السوست دي لما بتفلت بتبقي غبيه بتموت و بتكسر أي حاجه تقابلها حتي و لو كانت دماغ بني أدم
كفاية إني أقولك إن السوسته لما بتفلت بتطلع لتالت دور و يمكن أكتر لو السوسته بحالتها
بلاش شغل التقيل
متنزلش تحت العربيه و هي مرفوعه .. متشتغلش في حاجات خطره و سوايل العربيه خليك حريص و يا ريت تكون بتشتغل بسيفتي .. شغل عفشه لأ ..شغل في موتور سخن لأ .. مفتاح في المونتاكت و شغل في الموتور لأ و هكذا ..\
و ربنا يسترها علينا و عليك و علي الجميع
بالمناسبه الزرجينه اللي إنت عملتها دي ممكن تفلت منها السوسته تقولي أزاي أقولك زي ما بتفلت في الزرجينه الأصليه الألماني ممكن يحصل في دي
والله أنا بعلن أسفى يا جماعة عن الموضوع دا كلامك صح يا استاذ حسام كلامك 100 100
الزرجينة المفتكسة اللى أنا عملتها طلعت فاشلة جدا جدا وزبالة قوى ....لا غنى عن الزرجينة الألمانى الأصلية ... بس للأسف أنا اضطررت أعمل دى عشان مش بتتباع عندنا هنا
بس بجد شفت يومين عذاااااااااااااااب بسبب ال زرجينة دى ..... لما ربطتها المسمار انحنى من ضغط السوستة وهرش ومبقتش قادرة تضم السوستة
رحت اتفزلكت وعملت 2 تانى وجبت بقى مسامير صلب وعملت فيها منجلاوى وربطت وحصل نفس الكلام المسمار زى ما تقولوا لزق فى الفتحة بتاع حتة الحديد دى
فاشلة جدا وممكن تعورك
فى الآخر نجحت أنى أفك السوستة بس كنت واخد حذرى كويس لان السوستة لم تنضغط بالقدر الكافى
واللى حصل أنى نيمتها على جنبه وبقيت بفك بحذر .... مع آخر لفة للصامولة ....بوووووووووووووووووم ......البطاحة طارت 2 متر وخبطت فى الحيط ووقعت والسوستة مطارتش من مكانها
الحمد لله .... لفيت على كل الصنايعية فى عندنا فى مركز مطاى .... صنايعية تعبانين جدا لفيت عليهم واحد واحد معرفوش يضغطوا السوستة ولحد ما جيت لآخر واحد .... صنايعى الله يسامحه قلت له عندك زرجينة ألمانى قال لى عندى أنجليزى يا بيه طيب اربطلى السوستة دى ... ربط السوستة ... ملمتش معاه برضه ..... أتارى الزرجينة بتاعته كبيرة قوى عن اللزوم لأ وقال لى إيه هاخد 70 جنيه ..... كنت عايز أقول له كلمة وحشة..... بس قلتله لأ طبعا .... قال لى مش هنختلف ... وفى الآخر قال لى تسيبها لبكرة.... قلت له لاااااااااااا .... فك الزرجينة بتاعتك .... ومشيت ... بس الحر كان عذاب وأنا من صنايعى لصنايعى مركز بحاله مفيهوش عفشجى نضيف !!!
لحد ما ربنا هدانى لميكانيكى .... قال لى روح للريس ممدوح فى سمالوط عنده كل مقاسات ال زرجينة
رحت للريس ممدوح لقيت الزرجينة اللى أنا عايزها طبعا الشنكل بتاع الزرجينة الألمانى عريض وبيمسك حيز كبير من السوستة مش زى الحديدة المعفنة اللى من كتر الربطت اتشرخت !!!! والمسمار بتاعها تخين وطويل وحاجة أمان جدا ... ومع ذلك عم ممدوح قال لى ان ساعات بتفلت منه !! وورانى مكان الكسر اللى عملته سوستة فى السقف ... بس مكنش منه كان من أحد صبيانه ... ولكن الحمد لله محصلش ليه أى مكروه
ربط الزرجينة فى ثوانى ركب المساعد وقفلته وخد 10 جنيه بالعافية والله فيه ناس لسة بتفهم وعندهم ضمير !
وسألته ... قال لى الزرجينة الألمانى دى بتعمل 100 جنيه .... والله يا بلاش ولا البهدلة اللى بهدلتها لنفسى والمصاريف اللى صرفتها على الفاضى ووجع القلب والشمس السخنة
بس أنا بجد لو كان عندى بتتباع مكنتش أتأخرت لحظة فى شرائها ..... لكن الصعيد دا مدفون دفنة سودا
والله زعلتنى معلينا حصل خير
طب انت سوسته المساعد كانت مدوخاك
انا بقى كنت بفك السوست بتاعت الصبابات فى وش السلندر ودى بقى بيبقى ليها زرجينه مخصوصه علشان تضغط على السوسته وبعديت تطلع حاجه اسمها تيله ودى اللى بتبقى مثبته السوسته فى ساق الصباب
المهم طبعا مفيش زرجينه فبنضغط على السوسته انا وواحد صاحبى بمفتاحين بلدى بحيث نعرف نفك التيله
اول ما ابتدينا نضغط ايدينا فلتت من على السوسته بعد ما شيلنا التيله والسوسته ما صدقت وراحت طالعا لفوووووووووق هوب نزلت وقامت طالعه تانى لفوق واحنا بقى اجرى يلا ....حوش يلا.... بقينا عاملين زى لاعبى البيسبول
هههههههههههههههههههههه ومستنين السوسته تقف علشان نتفاهم معاها ههههههههههههههههههههههههه ههههههههههههههههههههههههه هههههههههههه
معلش محدش بيتعلم ببلاش
الحمد لله تم تركيب العفشة مرة أخرى بنجاح ...تعبت جامد ... لكن اتعلمت برضه .... دلوقتى كل أجزاء عفشة العربية فهمتها حتة حتة الحمد لله بما فيها الكوبلن الداخلى والخارجى لأنى لقيتهم فى سكتى فكيتهم هههههههه