pulp fiction هيجننى ومحتاج حد يفهمهولى

**sab3aawy** · 01-07-2007 02:32 PM

استفسار بعيد تماما عن السيارات ، بس انا قلت ممكن ألاقى منكم من يساعدنى لأن المنتدى ده بيرتاده الكثير من المثقفين

إمبارح انا اتفرجت على فليم pulp fiction، انا شفت منه حتت قبل كدة لكن أول مرة أكمله للآخر، لكن امبارح لما كملته للآخر فوجئت انى مفهمتش منه اى حاجة

احداث مالهاش علاقة ببعض والعديد من الشخصيات التى لا يربطها اى خيط درامى سوى ان بعضهم يقابل البعض فى لحظة ليساعده او يعظه او يقتله فى اول لحظة يراه فيها

تعبت نفسيا من الفيلم دة وحاولت اوصل لمغزاه وموصلتش، ومضطر افترض ان له فكرة ما لأن واضح من الأسماء اللامعة اللى طالعين فيه (جون ترافولتا-صمويل جاكسون-بروس ويليس-أوما ثيرمان ...وغيرهم) انه فيلم مصروف عليه جامد ، يقى اكيد له فكرة ما لم اتوصل لها

حد فيكم شاف الفيلم ده وفهمه؟ يا ريت يساعدنى

"رجاء حار: اتوقع ردودا فقط ممن لهم نفس الإهتمامات وليس ممن لهم انتقادات على هذة النوعية من الإهتمامات من فضلككم"

**ahmed ismail** · 01-07-2007 02:55 PM

واحشنا كتيييييييير يا عم سبعاوى

انا ساعات كتير بتقابلنى افلام من النوعية ديه اصلى اخوك دماغة تقيلة شوية فى فهم الافلام
احسن حاجه تعملها انك تشوفه مرة تانية او ساعات تلاقى كا حاجه اتحلت فى اخر دقيقتين او قالو حل اللغز ده كله فى الدقايق الاخيرة وانت مختش بالك منها
ما علينا بص بقى يا عم سبعاوى

اتفرجت على فيلم اوشنز الفين

واوشنز تويلف

خد المدام والعيال وروح اتفرج على اوشنز ثيرتين حيعجبك جدا احب انا الافلام ديه

يالا سلام

**memo_hefnawy** · 01-07-2007 03:01 PM

صراحة أنا شوفت منه حتت لكن مش شوفته كله يا خالد إنت عارف إن دماغى فى الأفلام الجامده بس للأسف مش شوفته ممكن كريم لأنه غاوى برده :)

بس تعالى هنا إنت مختفى عشان مشغول و ترجعلنا و إنت بتتفرج على أفلام :twisted: ماشى يا عم

مفتقدينك والله يا أبو السباع و أتمنى إنك تكون أنجزت الزحمة إللى كانت عندك فى الشغل

**khalidic** · 02-07-2007 03:55 PM

و الله ليك وحشة يا سبعاوي
بمناسبة الفيلم ده الصراحة انا برضه مفهمتش منه اي حاجة خالص
و من اكتر الافلام اللي ندمت اني اتفرجت عليها في حياتي

و اللي جنني اكتر انه متصنف خامس احسن فيلم في التاريخ علي سايت imdb
http://www.imdb.com/title/tt0110912/

و الاغرب من كده انه كسبان اوسكار و كان مرشح ل 6 اوسكار كمان دا غير 43 جائزة عالمية

**Karim_Monir** · 02-07-2007 04:07 PM

ولا شوفتة
ياعم هو انا فايق لافلام
كفاية عليا الفيلم اللي بتعملهولي كنزي يوميا لما بنسي اجيبلها شيكولاتة
بس اشفهولك مخصوص يا خالد بس حساب النسكافية عندك :mrgreen:

**Mohsens** · 02-07-2007 04:35 PM

و علي فكرة الفيلم مش مصروف عليه كتير....الفيلم كله علي بعضه متكلف 8 مليون دولار و ده يعتبر مبلغ زهيد جداً في السينما الأمريكية.

علي سبيل المثال Forrest Gump بتاع Tom Hanks اتعمل في نفس السنة (1994) و اتكلف 55 مليون دولار.

**Karim_Monir** · 02-07-2007 05:09 PM

فورست جامب ده واحد من اجمل الافلام اللي ممكن الواحد يشوفها في حياتة
قصة وتمثيل
ابداع تو هانكس وتقمصة للدور
خرافي
كفاية مشهد الريشة ومدلولها في اول الفيلم

**PAYOO** · 02-07-2007 08:08 PM

أتكشفت يا سبعاوي بتتفرج على أفلام وسايبنا لوحدنا ؟ ماشي ماشي

لكن على أي حال أنا ماشوفتش الفيلم ده ومش عاوز أشوفه هو أنا ناقص جنان على أي حال كل سنه وأنت طيب ويا ريت عيد الميلاد إللي أنا عملتوهولك يكون عجبك أضغط هنا لتهنئة سبعاوي على عيد الميلاد
وأضغط هنا لحضور العيد الميلاد إللي أنا عامله على حسابي