الجين 2 ولا أوكتافيا a4 من حيث الأعتمادية والأمكانيات
عرض للطباعة
الجين 2 ولا أوكتافيا a4 من حيث الأعتمادية والأمكانيات
اوكتافيا A4 طبعاً
الاوكتافيا مش المانى انما تشيكى
طيب ماهى سيات زى سكودا من مجموعه فولكس فاجن ليه مبنقلش ان سيات المانى وبنقول عليها اسبانى وكذلك الفوكس مكونات المانى وتجميع اسبانى ومبنقلش عليها انها المانى وحتى التوكيل كاتب عليها اوروبى وبعدين الاوكتافيا فيها حاجات كتير جدا صناعه تشيكى مثل الصاج والتابلوه والدواخل كلها والفوانيس وحتى مفتاح الكونتاكت وحتى فى اوروبا مش بيقولوا عليها انها المانى .يا جماعه شركه سكودا شركه تشيكى فى ناس بتحسسنى ان سكودا اصلا المانى وفتحتلها مصنع فى تشيك وبقت تجميع تشيكى زى ما فولكس عملت فى مصنع البرازيل والمكسيك وتويوتا فى مصنع جنوب افريقيا
وتستمر المسيرة :biggrin24:
gen 2 ولا ياريس
gen 2 ولا كوردبا
gen 2 ولا مازدا 3
gen 2 ولا ليون
gen 2 ولا ميجان
gen 2 ولا اوكتافيا
هانت يا جماعة قربنا عل m3 خلاص فاضل عل حلو تكه
من نصر إلى نصر يا gen 2 :7bteen:
أسكودا يا جماعة تشيـــــــــــــــــكي و ليس ألماني
الشركة مملوكة لفولكس فاجن ........... و الحاجة الوحيدة فيها اللي الماني ......... هي الموتور
أما بقية الحاجات .......... صنع التشيك
---------------------------------------------
المهم نيجي بقى للسؤال
جين 2 أو أسكودا A4
تعالوا نقارن مقارنة موضوعية من غير ما ندخل أسم اسكودا و أسم بروتون كعامل أساسي
**جودة التقفيل في العربيتين
الأسكودا تكسب
** جودة الخامات الداخلية للصالون و الأبواب
الأسكودا تكسب
** الثبات و الإتزان
الاثنين ............ واحد
** الراحة
الأسكودا تكسب
** التسارع و السرعة
الجين تكسب و عن تجربة للأثنين
** توفير البنزين
الجين 2 تكسب و برضه عن تجربة للأثنين
** قوة الصاج
الأثنين جامدين
** عوامل الأمان
مش متأكد من الأسكودا بس أعتقد أنها فيها وسائد هوائية و فرامل مانعة للإنغلاق و الإنزلاق و التوزيع الإلكتروني لقوة الفرملة المعروف ب EBD , ABS
الجين 2 ...... فيها 2 وسادة هوائية و فرامل ABS EBD
** الكماليات
أعتقد ( غير متأكد ) الجين 2 تكسب
** القيمة مقابل السعر
الجين 2
** قطع الغيار
الأسكودا قطع غيارها غالية و توافرها مش كتير قوي خارج التوكيل
الجين 2 بتنتشر كتير و أصبح هناك تجار قطع غيار بيشتغلوا في قطع غيارها
** التوكيل
عز العرب توكيل عادي ومش أكتر من كدا
أرتوك أوتو ........ معرفش عنه حاجة
** الشكل والمظهر العام
الجين 2 تكتسح
في النهاية لو بأختار من الأثنين دول
هاختار الجين 2
و مش علشان واحدة أحسن من التانية أو علشان الجين 2 أحسن من الأسكودا
الجين 2 ....... سعر مناسب جدا ...... كماليات كتيرة .... جودة معقولة جدا ....... موتور و أساسيات و لا أروع و لم يشتكي منها أحد ....... أنتشارها كويس و معقول و مش منتشرة أنتشار مخيف أو منعدمة الوجود
و ده رأي شخصي بحت و فلسفة خاصة بي
و سيأتي من يختلف معي و أعلم ذلك
و لكن ده رأيي الشخصي البحت
على فكره الأسكودا تشيكي ايوه
ولكن اللي بتنزل مصر نازله من بلد تانيه
بس بصراحه مش فاكر اسمها دلوقتي
ولكن احنا كنا ذكرنا الموضوع ده من قبل هنا في المنتدى
المقارنه فيها ظلم للجبن تو
ليه :confused4:
استاذ / توت الاوكتافيا امكانيتها اكتر احنا كان عندنا الاوكتافيا
عندك زارار مالتي فانكشن بيديك معلومات كتيير جداً على كل حاجة في العربية
بداية الرحلة نهايتها و بنزين اد اية وكمان فاضل اد اية على البنزين اني باب في العربية مفتوح
عيبها الواحيد كان فيها سماعتين قدام بس والكنبة ضيقة جداً وارا
بس مش معنى كده ان الجين وحشة دي جميلة جداً وانا لسه راجع حالاً من برة كنت بلف على المعارض بسأل عليها
أيوه مهياش تشيكي
لأن لي قريب صاحب معرض وقالي اكتشفنا لما شوفنا ورقها مش من التشيك بس مش فاكر البلد اسمها ايه للأسف
اما السائل عن رايي فإن كان من الأتنين دول بس فرأي ان الموضوع يرجعلك يعني الاتنين كويسين ولكن يعيب كل منهما الأتي
الأوكتافيا عربيه ثقيلة وليست عربية تسارع
الأوكتافيا قطع غيار نار وصيانة ليست سهلة وتوكيل مش اد كده برضه
الاوكتافيا شكل قديم وسيتم تغييره خالص هو والموديل الجديد في 2009
الجين تو
جودة التقفيل قليلة فيها بصراحه وخامات مش اد كده
القاعده فيها من الخلف مش كويسه يعني مش مريحه
بعض قطع الغيار بحس ان مبالغ فيها
وده راي شخصي لي
أنا أعتقد إن أي مقارنة بين أي حاجتين فالعالم شقق عربيات أجهزة أي أي حاجة لازم نكون بنقارن حاجتين سعرهم واحد يعني ماشي نقرن بالياريس لكن بالليون والمازدا 3 والاوكتافيا والميجان احنا كدة بنخترع لما نجيب فرق 30 ألف حتى السيتات الكبيرة لما بتقارن بتختار حاجات ف نفس السعر و فئه
تقسيم العربيات حسب السعر حاجة
إنما المقارنات ممكن تتم بين أي عربيتين من نفس الفئة أو فئة متقاربة
يعني الجين 2 و الليون مثلا ......... تقريبا في نفس الفئة
و فيه فرق سعر في مصر ........... يزيد عن 50 ألف جنيه مصري
يبقى السعر يدخل كعامل من عوامل المقارنة
المازدا 3 ......... مثلا ........ نفس فئة الجين 2 أو فئة أكبر قليلا بسبب الشنطة
إنما برده تتقارن بيها
يبقى عوامل المقارنة مختلفة عن تقسيم السيارات حسب الأسعار
موتور واحد ( قوة واحدة أقصد )
حجم واحد أو متقارب
و على فكرة أغلب العربيات دي بنفس السعر خارج مصر
و أنا مش بقول كدا علشان أثبت ان الجين2 أحسن عربية في العالم أو أحسن عربية في المقارنات المختلفة
عوامل المقارنة
السعر
التقفيل
الخامات الداخلية
قطع الغيار
التوكيل
الشكل
البنزين
حجم العربية
حجم الشنطة
معدل التسارع
السرعة القصوى
الحفاظ على السرعة
الراحة
الكماليات
التصميم و علاقته بالتوازن و الثبات
و فيه عميل بيوازن أحتياجاته مع كل ميزة بيلاقيها في العربية موضع المقارنة و في الأخر بيختار المناسب ليه و لجيبه و اللي يقضي حاجته بدون مشاكل
و مش معنى كدا إن فيه عربية أحسن من عربية
اللي زيد يشوفه حلو
عبيد بيشوفوه وحش
بس
مفيش أحكام مطلقة و خصوصا لما بنتكلم على حاجات متقاربة في الأحجام و القوة
على فكرة و ملحوظة صغيرة
أسعار العربيات برة مصر ............. متقاربة و غير مصر تماما
اللي التوكيلات بتبالغ في الأسعار و خصوصا اللي عليه طلب
كلامك جميل ومنطقي جداً بس أنا رايي إن العامل الأول والأساسي في أي مقارنة بين عربيات هو السعر في بلدي ده لو أنا هشتري فعلاً يعني إنت يا توت لما حد بيجي يقولك أنا عايز اشتري عربية بتسأله الأول إنت عايزها هاتش ولا سيدان ولا بتسأل عايزها بكام ؟ اه هتسألو عايزها سيدان ولا هاتش وعايزها كام cc والكلام ده بس أول الكلام لازم نعرف السعر و نثبته فالمقارنة
ياباشا ما هو السعر عامل من عوامل المقارنة
يعني لو فيه عربية ب 200 جنيه
و عربية تانية ب 100 جنيه
و الأثنين هايدوك نفس الأداء و نفس التجهيزات و القوة
يبقى السعر رجح كفة أم 100 جنيه
إنما واحد نازل يشتري عربية و معاه 100 جنيه بس
يبقى معندوش أختيارات تانية غير في فئة ال 100 جنيه
يبقى كدا المقارنة و لا ليها أي لزمة لأن هو أساسا مش معاه 200 جنيه علشان يقارن الأثنين
إنما واحد تاني معاه 200 جنيه
ده بيبدأ يبص على البدائل المختلفة في السوق لشراء سلعة معينة أو سيارة بأفضل سعر و أفضل أداء و أفضل ربحية له من وجهة نظره هو و مش معنى أنه أختار حاجة معينة مثلا ......... تبقى خلاص أحسن حاجة في الدنيا
كل واحد عنده أحتياجات مختلفة و عنده وجهة نظر مختلفة و أولويات مختلفة
إنما مقارنة اداء سيارتين ببعض ............ السعر بيبقى مجرد عامل من العوامل لما تتوافر الفلوس
و المقارنة لتوضيح مميزات و عيوب كل سيارة
و شكرا على الحوار الجميل يا أستاذ رامي
انا مع الأستاذ توت فى وجهة نظره من أهم العوامل عند شراء السيارة ما سوف تأخذه من السيارة مقابل الثمن المدفوع فيها بمعنى ان يكون ثمنها مناسب لأمكانياتها دون مبالغة ومن هنا تأتى أهمية المقارنة بين السيارات للوقوف عاى أفضل سيارة وأحسن ثمن وعند المقارنة بين الجين والأوكتافيا a4 تظهر الصعوبة لأن الجين تعطيك كل ماتتمناه من ثبات وسرعة وشكل جميل وموتور عفى واستهلاك جيد للبنزين وثمنها يقل عن الأوكتافيا بحوالى 42 الف جنيه اىحصلت على كل المزايا مقابل افضل ثمن لكن الحلو مابيكملش لأنك تجد الأوكتافيا اساسها الصناعة الألمانية وهى صناعة مشهود لها بالكفاءة وانها معمرة وسعر اعادة البيع جيد فهنا تأتى المقارنة اذا كنت تملك ثمن شراء السيارتين على رأى الأستاذ توت ولك الخيار هل تشترى المضمون تاريخيا وهى الأوكتافيا ام تشترى الجين وانت غير متأكد كيف ستكون حالتها بعد مضى السنين اوسعر اعادة البيع بمعنى كيف يكون افضل استثمار لأموالك شراء الأوكتافيا أم الجين 2
كلام حلو ومظبوط ومئدرش أقول إنو غلط بس أحب أقول رائي فالمقارنة إلي بين ال-gen2 والعربيات الأغلى عامةً وده سبب إعتراضي فالرسالة الأولى منها وناخد مثل الاوكتافيا a4......
لو أنا هشتري فعلاً المقارنة تتقال ازاي gen 2 ولا اوكتافيا ؟ لأ غلط عشان كدة و أنا مغمض هاخد الoctavia - لو الاتنين ب نفس ال سعر
لكن لو جيت وقلت اوكتافيا ولا gen2 و في جيبك 40 ألف موفرهم فرق تمن العربيتين كدة فيه كلام تاني بس بردو أنهي أحسن وأخد أنهي عربية
لو معاك فلوس الاوكتافيا والحاله ميسوره معاك والعملية مش متأزمة روح عل اوكتافيا ودلع نفسك وحتى لو قلت ال-gen 2 عل ورق هي هي الاوكتافيا وجايز أحسن من ناحية التسارع من 0-100 و-top speed و-options هقولك لأ فيه فروقات بين العربيات بس حاجات متتقلش عل ورق وتفاصيل كتير جداً تعلي سعر عربية عن التانية ولو إنت بتقارن عل الورقة والقلم والكلام من ناحية تسارع و-top speed وعدد أحصنة هتلاقي كل العربيات بتتساوى تقريباً من أول الالنتر لحد ال-bmw عشان ببساطة كلهم 1.6ف مش هتلاقي شطحات بنهم
نرجع تاني لو الفلوس المعاك تعبان فيها أو حتى مش تعبان فيها بس معندكش غيرها كتير خليك فال-gen 2 ووفر 40 ألف احنا ف زمان صعب وكل حاجة بتغلا وأنا لو مكانك فالحالة دي مش هفكر أعمل مقارنة أصلاً بالاوكتافيا من الأول وهخلني فال-gen 2 مدام فلوسي عزيزة ودي النقطة التكلم فيها معاك فلوس وربنا كرمك خلاص متسألش وتقارن عادةً العربية الأغلى هيا الأفضل ولو فلوسك عزيزة وجايز توجه مصاريف خليك فالعربيات المش هتأذمك ف فلش ومتكرنش بالحاجات الأغلى
وشكراً عل نقاش الحلو د وانا مستمتع به جداً
أهلا بيك يا أستاذ رامي ...... و شكرا على الحوار الجميل
بس أنا لي رأي مختلف
ليه هاشتري الأوكتافيا و أنا مغمض ؟؟؟
أيه السبب ؟؟؟؟
لازم يكون فيه أسباب
و لو أني معاك إني فيه فرق تقفيل و جودة لصالح الأوكتافيا
بس برضه الشكل ليه عامل
و العربية الأوكتافيا دي مش نازلالي من زور من ناحية الشكل
بالنسبة لفروق الأسعار
دي بتكون لأسباب كتيرة
زي
أيدي عاملة ارخص في بلد عن التاني
ضرائب أقل في بلد عن التاني
فرق عملة عن عملة بيأثر على السعر النهائي للمنتج
الشحن و بعد المسافات
الجمارك على المنتج في البلد المستعمل للسيارة
و عموما برضه العربية الغالية بيبقى ليها برستيج تاني
بس تكون تستاهل التمن اللي هايتحط فيها
مش أشتري أي حاجة غالية و خلاص
لأن فيه عربيات كتيرة في السوق المصري مبالغ في سعرها بطريقة رهيبة و بدون ذكر أسماء
و عموما برضه نرجع لموضوع المقارنات
الناس اللي بتقارن عايزة تأخد آراء الناس في عيوب و مميزات كل سيارة بالمقابل المادي اللي هايندفع فيها
يعني برضه مفيش مشكلة من مقارنة أي عربيتين ببعض
و هكذا .............
ياسيدى فى اعتقادى انه مش معنى ان الواحد ميسور ماديا انه يشترى السيارة الأغلى ثمنا لأن غلو الثمن يفيد جودة السيارة لأننى كماقلت سابقا المفروض البحث عن افضل سيارة مقابل أفضل سعر يؤيد ذلك اننى منذ دقائق قرأت بالمنتدى عن حادثة للa4 على الطريق السريع انقلبت فيها السيارة اكثر من مرة وطار بعض ركابها من داخل السيارة ورد أخر بأن له صديق تعرض لحادثة مماثلة وصديق اخر احترقت سيارته هذا ليس معناه ان السيارة سيئة لأن الحوادث تحدث لكل السيارات ولكن المقصود ان شراء السيارة يخضع لعوامل كثيرة وليس غلو الثمن هو الفيصل او العامل الوحيد المؤثر
Skoda A4 is better
gen2 طبعا ........
اداء - سعر معقول - رفاهية معقولة مقابل السعر - شكل افضل ( ازواق )
احنا داخلين علي عصر جدبد في سوق السيارات ....... ناس كتير و انا منهم مقتنعين ان اي عربية اخرها 3 سنين 4 بالكتير و بعد كده مع السلامة ....
اسال نفسك انا ليه اشتريت جديد اصلا و انت هتعرف ليه هتبيع العربية بعد 3 سنين
العربية الجديدة بتريح دماغك ... لا اعطال ولا ميكانيكية ... هي الصيانة وفل كده
يبقي السؤال مش الاستفادة اللي هاخدها من ال gen2 هي اللي هخدها من A4 خلال ال 3 سنين دول .... جميل
هجيب A4 ب127 الف وبعد تلات سنين هبيعها ب 107 الف يعني اجرتها 3 سنين ب 20 الف
هجيب gen2 ب 90 الف و بعد تلات سنين هبيعها ب75 الف يعني احرتها 3 سنين ب 15 الف
سعر اعادة البيع متقارب ( طبعا مفيش gen2 موديل 2005 ففرضت 75000 )
ننسي بقي قصة عربية العمر ... وتعيش معاك و الكلام ده .....
أنا مش بقول لو معايا فلوس الاوكتافيا هشتريها أنا بقول لو قدامي gen 2 واوكتافيا بنفس السعر هاخد الاوكتافيا ونا مغمض ونا مش شايف حاجة غريبة ف كدة خالص يا رجل أنا بقول بنفس السعر
نيجي الاوكتافيا ليه عربية محترمة ....مش حقول الماني والتانية ماليزي والكلام ده هو بيفرق طبعاً بس أنا متفرئش معايا بلد المنشأ على أد العربية كويسة ولا لأ يعني لو جبتلي عربية حلوة مكتوب عليها made by toot وحلوة حاخدها:biggrin24: ومش هتفرق معايا عقدة الخواجة والكلام ده ...بس الاوكتافيا عربية جميلة فعلا ً ثابتة صالون متقفل حلو بخامات تحسسك انك عايز تفضل فيه وقت كتير ثابتة ومريحة جداً والعزل فيها عالي أوي هتيجي وتقولي ما ال-gen 2 فيها الحاجات دي هقولك اه ممكن العربيتين فيهم المميزات دي بس جايز واحدة معدية فالمميزات بتعتها اه الاتنين ناعمين ومريحين لكن الاوكتافيا راحة أعلى و عزل جامد جداً هتقلي والفرق فالراحة والعزل والخامات يسوى 40 ألف ؟ حقول دي حاجة نسبيه من واحد لواحد عشان كده حكاية value for money دي حاجة متتأسش واحد يقول ياه على عزل وراحت الاوكتافيا دي تستاهل كل مليم مدفوع فيها واحد يقول لا الفرق مش كبير فالراحة وحتى لو فرق محسوس ميستهلش 40 ألف فدي حاجة نسبيه
نقطة الشكل دي أذواق ونا شايفها حلوة وبرستيج وتمشي شبابي اه مش راكبة على شب 100% بس تمشي لكن ال-gen2 متمشيش على راجل كبير خالص (ود مش عيب ال-gen 2 ومش عايز أرغي ف مواضيع إجتماعية مش موضعنا )
نيجي لفروق الأسعار الغير مستحقة بين العربيات أنا معرفش حوار الضرايب الأقل من بلد للتانية والجمارك والشحن وفرق العملة فمش هافتي فيهم وهاتكلم في موضوع الايد العاملة
حوار الايد العاملة الرخيصة ده مش بسيط وسه لحسابه مش شرط إن عربيتين ب 100 ألف مثلاً و واحدة ماليزي والتانية ألماني نقول الماليزي هتبقى متكلفة أكتر عشان الايد العاملة رخيصة مش زي في ألمانية ....دلوقتي فيه كذا سبب يخلي النظرية دي غلط أول حاجة هي إن ممكن ان الايد العاملة أرخص بس مش بالكفاءة بتاعة الألماني فمثلاً تقفيل التبلوه لو 3 ماليزيين هيعملوه ممكن واحد ألماني يقفله لواحده مش إحتمال وارد بردو ولا ايه ؟! ناخدها من ناحية تانية ممكن الكفاءة القليلة للعمالة الماليزيين تخليهم يستخدمو الخامات ويعملو غلطات ويبقى فيه إهلاك للحاجة أو تبديد للخامات وفالأخر تلاقي إن المصنع الماليزي اتكلف فلوس أكتر من الألماني مع إن الايد العاملة الماليزيه أرخص من الألمانيا طبعاً الكلام ده كلو افتراضات أنا بدي أمثلة وممكن تكون انت صح وهي نظرية بردو بس الأنا عايز أقوله إن مش شرط النظريه دي تبقى صح والناس تقول العربية الفلانية سعرها فيها عشان الايد العاملة رخيصة
أخيراً طبعاً كل واحد حقه يسأل عن مميزات وعيوب العربيات بالمقابل بتاع سعرهم بس ف حدود range معين يعني قول ياريس قول كوردبا لكن ليون وتوصل الفرق ل-50 ألف وحاجات ذي كدة صعب وبتظلم ال-gen 2
انا بنكلم عن العربيتين اوتوماتيك .....
و في الاخر .... بس احب اوضح حاجة في المقارنات ... ان كل واحد بيفاضل بين عربيتين ... مش لازم تكون نقاط المقارنة موضوعية 100% ... يعني احيانا احتياجاتة بتطغى زي واحد بيختار عربية مثلا عشان مركز الصيانة جنب بيته .... او عشان سعر الاوتوماتيك في متناول ايده ... جايز هو مش بيوضح ده او حتى مبيكونش هو عارف ايه سبب اعجابه بالعربية .
انا بس احب اوضح ان انا معنديش gen2 بس هي فعلا عربية ممتازة .... ( يعني عشان محدش يقول عليا متحيز او حاجة ) و اختياري ليها مبني علي اسباب منطقية بحتة .
انا لو جاتلي فرصة ها اشتري الاوكتافيا
عربية هايلة و هيا عاجباني
و ده راي الشخصي