ضروري جداً بسرعة للخبراء تكلفة فك التابلوه للكشف على التكييف و الإكسبانشن

يا ريت بسرعة مصنعية فك تابلوه النوبيرا و الكشف على دورة التكييف و التلاجة الداخلية
أنا رحت النهاردة لمحمد رجب عبقرينو بتاع التكييف في سيدي بشر و كشف على الدورة الأمامية و ملقاش فيها حاجة و قلت له يبص على الإكسبانشن عند المروحة اللي تحت التابلوه و بص و لقى زيت عليها و قال لي دي محتاجة التابلوه يتفك
و قال لي إن فك التابلوه هياخد عليه 400 جنيه و ضغط عليه قال لي خليها 350 جنيه زائد 200 شحن فريون يعني كله 550 جنيه
مش عارف كدة كتير و لا إيه و هل لازم يفك التابلوه؟؟؟؟
أنا عن نفسي عايز يتفك التابلوه و يتكشف على الباقي لأني اتعقدت من التكييف و الفريون و كل شوية يتسرب و يكشفوا و يقولوا لي مفيهوش حاجة و مفيش تسريب

أصلاً أنا اللي قلت له على الإكسبانشن لأني كنت بسمع صوت هسهسة على طول و التكييف شغال من ساعة ما شحنته أخر مرتين يعني مش بسبب ضعف ضغط الفريون

بص حضرتك من خبرتي مع تكييف النوبيرا
انا ركبت 3 نوبيرا وتوصلت للاتي

1- اسوأ تكييف في العربيات هو بتاع النوبيرا
وده لعده اسباب اهمها الكمبرسور زباله وثانيا سير التكييف
والدينمو والبور وطلمبه الميه كلها علي سير واحد
2- ليه تفك التابلوه كله هما بيخلعو الدرج اليمين ويشتغلوا

3- بيبقي الكمبرسور مفوت وعايز يتغير وهما يخدونا قياسه
--سكس بلف يتغير واشحن يا مواطن
--اولسيهات واعاده شحن با باشا
-- التلاجه ودعت ونجيبلك تلاجه استيراد اوسخ من اللي كانت في العربيه
علشان منغرمكش ونشحن تاني باعم الحاج
-- وبعد دا كله ياسطي التكيف مش شغال يقول لك روح اغسل السربانتينا وتعالي نشحن تاني
شوف حضرتك
النتيجه النهائيه
++ الكمبرسور يتغير
++ 80% سخونه النوبيرا هي السبب بتخلي السكس بلف يضرب والفريوت يتسرب
فا لو العربيه انت شايف انها بتسخن عالج موضوع السخونه الاول

..

..

انا عن نفسى فكيت تابلوة عربيتى الانوس وصالون السيارة بالكامل بأيدى بدون صنايعية (خليتها على الصاج)
عشان كنت بعزلها من الصدر والارضية
هى مش مستحيلة
ممكن تكون صعبة شوية لكن تتعمل
دة لو حضرتك ليك فى الفك والتركيب ومعاك عدة
لكن لو ملكش فى الفك والتركيب يبقى خلى صنايعى يعملهالك احسن
ودة الموضوع اللى انا فكيت فية التابلوة بالصور والشرح لو هيفيدك

http://www.nilemotors.net/Nile/347720-a.html

هو مش محتاج يفك التابلوة كامل عشان يغير الاكسبانشن هو بس بيفك درج التابلوة و يتعامل و على فكرة تكييف النوبيرا مفهوش كل المشاكل دية و ادائه كويس جدا لو مظبوط

انا عملت الحوار ده قبل كده ودفعت 100 جنيه مش 400 طبعا لان بصراحه 400 او 350 كتيير قوي

وبعدين انا حاسس انه مش المفروض يفك التابوله

ده انا بعد مافكيت اصلا عشان اطلع التلاجه اكتشتف ان في صناعيه شاطرين بيفكوها من غير مايفكو التابلوه

وف يالأخر طلع العيب عندي من الكمبروسير وغيرته وكله تمام واشتغل شهر واحد وبعد كده الفريون هرب تاني ههههههه

اقتباس:

---

المشاركة الأصلية كتبت بواسطة shaddadfalcon1

وف يالأخر طلع العيب عندي من الكمبروسير وغيرته وكله تمام واشتغل شهر واحد وبعد كده الفريون هرب تاني ههههههه

---

الكمبريسور اللي انت غيرته جبته جديد ولا مستعمل ؟
متقوليش استيراد كله مستعمل وساعات مفكوك من عربيات من مصر

..

..

اقتباس:

---

المشاركة الأصلية كتبت بواسطة kagawa

بص حضرتك من خبرتي مع تكييف النوبيرا
انا ركبت 3 نوبيرا وتوصلت للاتي

1- اسوأ تكييف في العربيات هو بتاع النوبيرا
وده لعده اسباب اهمها الكمبرسور زباله وثانيا سير التكييف
والدينمو والبور وطلمبه الميه كلها علي سير واحد
2- ليه تفك التابلوه كله هما بيخلعو الدرج اليمين ويشتغلوا

3- بيبقي الكمبرسور مفوت وعايز يتغير وهما يخدونا قياسه
--سكس بلف يتغير واشحن يا مواطن
--اولسيهات واعاده شحن با باشا
-- التلاجه ودعت ونجيبلك تلاجه استيراد اوسخ من اللي كانت في العربيه
علشان منغرمكش ونشحن تاني باعم الحاج
-- وبعد دا كله ياسطي التكيف مش شغال يقول لك روح اغسل السربانتينا وتعالي نشحن تاني
شوف حضرتك
النتيجه النهائيه
++ الكمبرسور يتغير
++ 80% سخونه النوبيرا هي السبب بتخلي السكس بلف يضرب والفريوت يتسرب
فا لو العربيه انت شايف انها بتسخن عالج موضوع السخونه الاول

..

..

---

احلا ما فى النوبيرا تكييفها
مافهاش المشاكل دى خالص

اقتباس:

---

المشاركة الأصلية كتبت بواسطة kagawa

الكمبريسور اللي انت غيرته جبته جديد ولا مستعمل ؟
متقوليش استيراد كله مستعمل وساعات مفكوك من عربيات من مصر

..

..

---

انا جبنه من عند واحد بتاع استيراد وكنبسه وكان شغال كويس وفجاه بعد شهر التكييف مبقاش يسقع تاني

انا اتمني انه يكون العيب من الكمبروسير عشان معنديش استعداد اخل في المهزله دي تاني لاني شفت الويل منه

كنت شاريه ب 300 تقريبا

انا برضو اشتريت الكمبوسر من فتره وكان ب 200 بس التسقيع مش عاجبني. اه في سقعه بس مع الشمس ولا ليها اي لزمة والي قاعد ورا ولا حاسس ب حاجه. بتاع التكيف قالي الكمبروسر ضغطه مش قد كده.

على فكرة يا شباب للاسف ساعات بيكون المشكله فى نوع الفريون الى اتشحن لان للاسف فيه انواع كتير مضروبه ... لو تعرف حد ثقه اشحن عندة لو مكانش انزل جبلك من كلود بيه علبه او اتنين ماركة مصرى اسمها اولاد رزق rs دية محترمة و الحمدلله معروف انها مش مضروبه لحد دلوقتى

الفريون اللي حط منه الراجل كان أولاد رزق و أتمنى يبقى كويس و ميهربش أو يبوظ المرة دي