استفسار بخصوص فتيس البورا 2001 ارجو الافاده

السلام عليكم ورحمه الله وبركاته
انا معايا عربيه بورا 2001

في السفر الطويل بحصل تعليق في الفتيس بيسقط لوحده للنقله التالته وبيستمر عليها وبكون علي سرعه عاليه وطبعا ساعتها ال rbm بيزيد جدا بطر اقف بالعربيه واطلع بيها من الاول احيانا بتطلع مظبوط واحيانا بتطلع عل التالت برضه
بتروح المشكله لما بنقل بالفتيس 1 2 3 D واحيانا بطر اعمل كدا اكتر من مره لحد ما يظبط النقل معايا تاني
توقعت تكون المشكله زيت الفتيس وفعلا غيرت الزيت والفلتر ولكن تكررت المشكله ولكن بصوره اقل بمعني اني لو نقلتها برجلي بتنقل ولكن بتحرق علي النقله اكتر من الطبيعي
كشفت عليها كومبيوتر الفتيس مش مسجل اي ايرور

ارجو سرعه الافاده اكون شاكر افضالكم

حضرتك بتحط مياه من الحنفية ؟؟؟ ....

فعلا اخر مره عملت شغل في المكنه الميكانيكي حط مياه حنفيه لان ميه العربيه نزلت كلها

هل المياه اللي قبل كده كانت الاصلية ولا مياه برده من الحنفية ؟؟؟؟....لو كانت من الحنفية برده فده ممكن يكون السبب ..انا كان عندي نفس المشكلة زيك وكانت الربية متنقلش وصوت الفتيس يعلى واروح احطها على الكمبيوتر مفيش حاجة لغاية لما ماسورة البور فلتت ووقعت على الارض ونزلت تحت العربية وخرمت الكولر بتاع الفتيس

لما الكولر اتفك لقيت مواسير المياه مسدوده بحاجة عاملة زي الطينة كانت بتعدي مياه بس مش بالقوة المطلوبة

لو كنت بتستخدم مياه من الحنفية لمده طويلة فده مرجح يكون السبب ....لو لل حط العربية على الكمبيوتر وشوف الاخطاء اللي الموتور مسجلها لان احيانا العربية ممكن تخش في ال limp mode (وض الحماية ان الفتيس يجيب التالت ومينقلش لا فوق ولا تحت ) لاعطال في الموتور نفسه

انا شاري العربيه مستعمله بس الاغلب ان كانت فيها مياه حنفيه
انا حطيت العربيه كومبيوتر مافيش اي اعطال مسجله سواء من المكنه او الفتيس
اللي فهمته من كلام حضرتك من المشكله اللي قابلتك ان انضف الكولر واغير المياه بمايه حمرا بعد عمل دوره تنضيف

اتمني تكون المشكله اللي حصلت معاك عدت علي خير والتلفيات كانت في المعقول
اشكرك علي الرد والاهتمام

الحمد لله عدت على خير والحكاية كلها اتكلفت 1600 بالمصنعية وتغيير ماسورة مياه كانت انتهت من الصدا و انشاء الله تكون بس مجرد حاجة سادة الكولر وتتنضف والعربية تبقى تمام

ان شاء الله يكون الموضوع كده بكره بامر الله هعمل الموضوع ده ونجرب

شكرا علي الافاده
انا فعلا رحت انضف الكولر لاقيته بايظ وجايب زيت علي المياه وغيرته وعملت دوره تنضيف للمياه ويارب العيب بتاع الفتيس ير وح بقي

ياريت تطمنا

العفو على ايه ..وانشاء الله تتظبط معاك وتستمتع بالعربية وانا في خدمة حضرتك في اي وقت