لو في حد يقدر يفدني في الموضوع دة يا ريت يوجهني وأنا هنطلق

**eng_ahmedshafe** · 30-04-2013 03:58 AM

السلام عليكم ...
أخواني أعضاء المنتدى الكرام, أنا السماعة الي في الباب قدام تعيشو إنتو بقت بتدبدب وأكيد هيا باظت وأنا عاوز أعرف أنظف حاجة أجبها من فين, ونوعها إية لو حد مر بالتجربة دي ؟؟؟

ثانياً أنا حاولت أفك الكونسولة بتاعت الباب ومعرفتش مع إني فكيت كل المسامير والكلبسات بس الجزء الخاص بالمقبض بتاع الباب من جوة مش عارف أفكة وفضلت أحاول أجيبو يمين وشمال بس خفت أتغابه علية لأزعل أنا في الأخر :] ... فلو حد فك قبل كدة الباب من جوة يا ريت يقولي عمل إية :]

ثالثاً: أنا غيرت الفاونيس الأصلية بتاعت العربية بفوانيس ليدات وكنت عارض الفوانيس القديمة لو حد عايزها, :] هيا حالتها نظيفة ومفهاش كسور ولا من برة ولا من جوة.

شكراً ليكم وأسف للإطالة :]

**el diesel** · 30-04-2013 04:23 AM

اعتقد استاذ zarif هو اكتر واحد يفيدك فى القصة دى علشان هو فور العربية كلها

**haissam24h** · 30-04-2013 07:02 AM

سماعات الابواب انا غيرتها
بماركتين
واحده سونى مرة ف العربيه القديمه وكانت ممتازة
والمرده جايب نوع اسمه رودستار ب65 ال2 وشغالين تمام

ولو انته من هواة السيستم ساونداك عشان تجيب نفس المقاس
يبقى هات الكوندو هتعمل فى حدود 300 بتاعت الابواب بس خد القديمه مع

**Ahmed Nasser** · 30-04-2013 01:42 PM

روح لكهربائى خلية هو اللى يفكهوملك
بدل ما انت تكسر حاجة

**مصطفى-حسن** · 01-05-2013 05:35 PM

بص يا باشا
انا مشتغلتش فى نوبيرا قبل كدة خالص
لكن هشرح لك على عربيتى الانوس وانت حاول تطبق على عربيتك
الموضوع سهل جدا
الاول هتفك ال 3 مسامير اللى تحت

وبعدين تفك المسمار دة

وبعد كدة طلع الفبرة السوداء اللى على دراع المراية الصغير(راكبة كبس)
وبعدين هتمسك الفبر بتاع الباب كلة وترفعة لفوق بالعقل ومتشدوش لان ضفيرة الزراير واصلة لسة
ريح الفبرة بالراحة على ايدك هتشوف الضفيرة بتاعة الزراير
اضغط على الكلبس اللى فى الفيشة واسحبها لبرة بالعقل
كدة خلاص
هتلاقى السماعة قدامك
وتغييرها اسهل من شرب كباية شاى

يلا يا معلم
انطلق وبلغنا بالنتيجة