بالصدفة بقلب ف العربيات المستعملة على النت
لقيت سايت عليه إعلانات من كل الدول
دخلت اشوف اسعار العربيات المستعملة ف السعودية
أقسم بالله انا هتشل يا جدعان
الأفيو ب 6000 ريال :-D
و السوناتا ب 40 ألف ريال :-D
و الأوبترا ب 10000 ريال
و كل دي موديلات حديثة
مع العلم إن الريال سعره دلوقتي من 160 إلى 170 قرش
يعني انا ب تمن عربيتي الفيرنا ف مصر ممكن هناك اجيب بي إم :-D
و دا لينك الإعلانات
إتفرجو و ربنا يستر عليكم من ارتفاع الضغط
.
.
سيارات مستعملة للبيع في الرياض - السعودية
للاسف نظام الجمارك عندنا فى مصر غبى وغير مرن وقال ايه انه معمول لحماية المنتج المصرى من منافسة المنتج الاجنبى
"بس هو فين المنتج المصرى" :B4_611::B4_611:
اللى يغيظك بقى انه عندهم شركات فى السعودية دلوقتى بتستورد العربيات من امريكا
عربيات زى الشيفروليه شيلبى و الكورفيت وما شابه :new:
بيجبوها مستعمله من امريكا وطبعا بتبقى واقفة عليهم ببلاش
مين شيفرولية شلبى دى؟
الاوبترا من 7000 لحد 12 الف حسب النضافة
الافيو من 5000 لحد 10 الاف حسب النضافة
مرسيدس 92 من اول 5000 لحد 8000
بي ام الدبانة ب6000 موديل 92
اوكتافيا 2001 ب8000
النترا جديد فل كامل مواصفات اعلى من المصري طبعا وموتور 2000 سي سي ب62 الف ريال
بروتون جين 2 2010 ب9 الاف ريال
متشوبيشي جالنت 2002 ب10 الاف
هامر اتش تو ب40 الف
هامر اتش 3 ب50 الف
مرسيدس 2006 ب35 الف
باسات 2005 ب12 الف
دودج تشارجر 2006 ب30 الف
بيتلز ب15 الف
بي ام طويل موديل 98 بحالة الوكالة ب19 الف وتعتبر غالية كمان
الريال قرب على 2 جنيه ........ 1.93 حاليااقتباس:
المشاركة الأصلية كتبت بواسطة dr-a.7.m.a.d
لله الأمر من قبل ومن بعد .
صاحبي جايب فولفو s60 هناك ب 8000 ريال وكان مستغليها كمان !
يوم الخميس الي فات نزلت السوق ،، كنت هتجنن شوية عربيات وبتراب الفلوس الكلام ده في الدوحة - قطر ،، عيني علينا يا مصرين بتمن 128 في مصر تركب bmw في الخليج
مش ممكن اطلب حاجه وتجيلى دليفرى
حسبنا الله و نعم الوكيل
حوار الجمارك دا من ايام حسني
واوعى تفكر ان ايام مرسي ممكن يعمل حاجة
الجمارك من الاخر كلها لصالح اصحاب توكيلات السيارات لان اي عبء جمركي بيشيله المشتري (وكله على قفة الزبون)
والله ربنا يكون فى عوننا
ربنا يرحمنا برحمتة
عمى فى قطر كان معاه عيون وباعها بـ 17500 ريال قطرى
ههههههههههههههههههههههههه هههه لنا الله
يا جدعان احنا مش عايشين والله
أنا عشت فترة ف الرياض
كان أي حاجة بتقدم عندهم ف البيت شوية بيرموها جنب صناديق الزبالة :-d
تلاجات و بوتاجازات و صالونات و شفت موبايل قبل كدا أه والله موبايل بس قديم شوية :-d
واحد مصري هناك كان صاحب والدي، قال ل والدي الله يرحمه إنه فرش شقته من الزبالة :-d
عادي خالص بيغيرو العربيات زي الشرابات، وهي دي عيشة؟؟ إنك تركب عربية محترمة وتمشي في شوارع نظيفة وتشرب مياه معقمة؟؟؟؟ لا لا لا، الحكومة الرشيدة عارفة مصلحتنا برضه إنك تشتري عربية متكملش 10000دولار وتدفع قدهم جمرك. أكيد هما عارفين مصلحتنا بس إحنا نحط في بطننا بطيخة شتوي
بس برضه الحكومة خايفة علينا عشان زهو الدنيا مايخدناش ربنا ياخد الظالم والمفتري، ونفضل راكبين عربيات طالع عينها ونمشي في شوارع طالع عينها ونحط بنزين هيشيلو عنه الدعم وتطلع عيننا عشان طول ماحنا ماشين في الطرق ومسافرين نحسبن ونستغفر وربنا يرحمنا برحمته، وبرضه الحكومة مهتمة إننا نفضل على الذكر والاستغفار في كل المراحل عشان الحسنات تزيد فاللي بيفكر ميركبش عربيته يسافر بالقطر يركب درجة تالتة يحس بنفس إحساس المجاهدين، واللي يركب الدرجة الأولى المكيفة والتكيف عطلان ويحس بالنار يفتكر عذاب الآخرة، شوفتو بقى ؟؟؟؟ وفي الآخر تظلموا الحكومة؟؟؟؟ يا قلبكو الإسود.
ههههههههههه الشعب لابد ان يكون مطحونا .. فالمطحونون يدخلو الجنة...
دبانه ب 6000 ريال دا النص هنا في مصر ب 8000
دا موقع بيع سيارات في السعودية تقدرو تعرفو الاسعار منه موقع حراج عشان تعرفو ان الجمارك . سرقة مقننة
دى اسعار المستعمل أمال الجديد عامل كام ؟؟؟؟ ربنا يسهل و ننهض بقى هههههههه
ربنا يبشركم بالخير انا كلها اسبوع ومسافر هبق احلكمك من هناك :p
السنة اللي فاتت بعنا صني ٢٠٠٥ ب ١٣ الف ريال
احنا زيرو ومستعمل اسعارهم شئ خيالي !
سيدى الفاضل
السعوديه تنتج 9 مليون برميل نفط في اليوم الواحد
البرميل الواحد يكلف 2 دولار من الحقل الى الباخرة
قيمة البرميل عند البيع 120 دولار تقريبا
9,000,000 * 120 = 1080000000 (مليار و 800 مليون دولار يوميا )
السعودية ايضا تصدر مئات الملايين كيوبك فوت من الغاز يوميا, ما يجعل العائد المادي اضعاف العدد المذكور. و ايضا يوميا
اذا السعوديه وحدها يدخل لها يوميا و اذا احتسبنا النسبه الاقل 2 مليار دولار
اذا السعوديه يدخل لها شهريا 60 مليار دولار اى سنويا 720 مليار دولار
فاذا اخذنا بعين الاعتبار ان الامه العربيه الاسلاميه كالجسد الواحد و هذا ما حدث فعلا فى عام الرماده
عام 17 هجريا حيث كان المسلمين فى جزيرة العرب يأكلون الحصى و الحطب من شدة الجوع و مات منهم الكثير فطلب عمر بن الخطاب النجده من اهل مصر فبعث له عمرو بن العاص برساله قال فيها
بعثت لك بقافلة طعام و زاد اولها عندك و اخرها لم يخرج من عندى فى مصر بعد
و حينما تعلم ان مصر فى 2011 لم تقف بجانبها اى دوله خليجيه و لم تبعث لنا اى دوله منهم دينار او درهم واحد
و حينما تعلم ان المصرى حينما يذهب الى ارضهم يعامل معامله حقيره عنصريه
و حين تعلم ان مواطنى الجزيره العربيه اخر حرب دخلوها هى غزوة احد و حين تعلم ان مصر هى قاهرة الحملات الصليبيه و التتار و الصهاينه (حيث كانت هذه القوى الكبرى تهدد الامه العربيه الاسلاميه كلها )
تعلم جيدا حينها قدر مصر و قدر غيرها
شكرا و اسف على الاطاله
عاش يا باشااقتباس:
المشاركة الأصلية كتبت بواسطة su35flanker
كلام زي الفل
عايز اقولكم حاجة ان اسعار المواقع اعلى من الحقيقي كمان لان اسعار المواقع دي بيبقي ناس مش عارفة تجيب سعر كويس وتضطر تكتب عالمواقع عشان المضطر يدفع زيادة شوية ويشتري.. يعني مثلا لانسر 2008 ب8 الاف ريال وارخص كمان واخرها توصل ل10 الاف لو كانت نضيفة تماما اما عالنت هتلاقي صاحبها بيطلب 14 و15 واكتر ومتعشم ان ناس هتنبهر بيها وتدفع فيها اللي هيطلبه.. بي ام دبليو 94 شاسيه طويل بتاعت صحبي عرضها عليا ب6 الاف وكان فيها تلفزيون وتليفون وفرش جلد طبيعي ودواسة بنزين في الدركسيون .. ومرة لقيتها عالنت وصحبي عارضها وطالب فيها 12 الف .. السيارة هنا اساسيات مش كماليات عشان كده بتلاقي من اول 2000 ريال لحد 5 مليون و10 مليون لو تحب
من سنه كان عندى جاكوار اكس تايب 2002 ب12 الف ريال ...الله يرحم ايام العز
ليا راى مختلف معاكو يا جماعة بخصوص موضوع الجمارك المشكله كمان عندنا فى مصر ان احنا مبنرميش حاجة يعنى العربية اللى موتورها يفوت تتعمر مرة و اتنين و تلاته و بعدين نرمى موتورها و نشترى موتور استعمال و نمشيها بردة فى دول الخليج محدش بيعمل الكلام دة دة غير ان الفحص هناك فى المرور بيبقى سنوى و بيفحص العربية صح لو فيها باغة فنوس مكسورة مبيرضاش يجدد الترخيص مش زى عندنا ممكن ترخص كل 3 سنين و الفحص بيعدى باللوسايط فتصور بقى لو مفيش جمارك يعنى كل اسرة ممكن يبقى عندها بدل العربية 3 او 4 و طبعآ العربية القديمة مش حتتكهن حتمشى بردة ابقى ساعتها بقى قابلنى لو عرفت تمشى فى الشوراع من كتر زحمه العربيات
مين قالك ان مفيش هنا سيارات قديمة ؟؟ . ومين قالك ان الفحص سنوي الفحص والتجديد ممكن يكون كل سنتين وتلاتة انت اللي تحدد
ومين قالك ان كل دول الخليج وشعوبها عايشة في رفاهية مطلقة في هنا سعوديين وانا شوفت اماراتيين وبحرينيين ومستواهم تعباااااااااان وراكبين سيارات كابرس موديل 89 ومتهالكة وماشي بيها من غير تجديد اصلا ولا فحص.. كل مكان فيه المرتاح والتعبان هو فعلا الغالبية العظمى هنا عايشة مرتاحة وميسورة لكن مفيش تعميم
ولو عايز تقول الفرق بينا وبينهم فهو ان هنا الشوارع نضيفة والبلد واسعة ومتخططة صح والطرق الداخلية 3 حارات و4 حارات فبيسمحو للناس تشتري سيارات براحتها.. لو في مصر مع التخطيط الغلط والشوارع الضيقة والبايظة والبلد صغيرة والبنزين مش متوفر هيحصل ايه لما كل فرد في الشعب المصري يركب سيارة؟ 90 مليون سيارة
يعنى بنص تمن عربيتى اركب هناك عربية bmw او مرسيدس حسبى الله ونعم الوكيل