افضل اختيار للمستعمل فى حدود 70-75 الف بتاريخ مايو 2013

السلام عليكم يا رجال و خبرات المنتدى
الحقيقة انا عندى هيونداى أتوس اللى هى اول شكل نزل مانيوال تقريبا موديل 96
عايز اغير بعربية اكبر و اوسع و تكون اقتصادية فى البنزين و فى قطع الغيار و مشاكلها قليلة و مش مهم الشكل
مش عارف ايه المناسب فى رينج من 70 الى 75 الف أو اقل طبعا لو فى مناسب
يعنى الواحد قدامه كتير منه على سبيل المثال:
رينو ميجان 2006
نيو اكسنت
بروتون جين او بيرسونا
ميتسوبيشى لانسر
تويوتا ياريس
شيفروليه افيو معروض عليا واحده على 70 الف موديل 2010 اوتوماتيك
ارجو تساعدونى بخبراتكم و تقولولى افضل اختيار (مستعمل ) فى الرينج دا
وللا اصلا اصرف نظر عن المستعمل و اقسط جديد
و يبقا قسط على سنة ولا حاجة

في ما تفضلت بعرضه

اللانسر

اللانسر 1300 ولا 1600 و عادة ولا اوتوماتيك فى السعر دا
شكرا يا باشا على ردك

ياريس افضل فرأي
البومة كويسة لكن مش بفضل ال 1300 فيها
مجرد رأي فقط ..

اللانسر طبعا

صوتين للانسر و صوت للياريس
انا سمعت ان الياريس مش ثابته على الطريق و صاجها ضعيف

لانسر او النترا او سيراتو

الصاج واحد والثبات لصالح اللانسر والموتور لصالح الياريس والشكل لصالح اللانسر و والوسع لصالح اللانسر والبنزين فى ال 1300 واحد

ماتفكر في النترا 2005 او 2006
عربيه شديده بجد وواسعه وقطع غيار متوفره في التوكيل وبره وسعر حلو لقطع الغيار وسعر اعادة البيع جميل
وشكلها روش واعتماديه

لانسر
وبعدين ياريس
وبعدها الجين تو

حاول تدور على لانسر 1600 او النترا -2009 2007

شكرا جزيلا للاعضاء الافاضل على النصائح الغالية
انا الصراحة حابب الجين تو من كل قلبى
و عايز اجيب اللانسر علشان عملية و اعتمادية و مشاكلها قليلة .. ربنا يسهل

ابعد عن الأفيو الأوتوماتيك مش حلوة خالص في سحبها
الجين تو عربية جميلة جدا ومحترمة جدا بس مشكلتها في ندرة قطع غيارها والتوكيل مش قد كده

لو عاوز عربية اعتمادية وسهلة في بيعها وقطع غيارها سهلة ورخيصة عليك وعلى اللانسر بس الأفضل انك تجيبها اوتوماتيك 1600 بلاش ال 1300 .. كانت مع واحد صاحبي ومكانتش مريحاه

ممكن تجيب أكسينت الشكل اللي قبل ال Rb في الحدود دي برضه ولو اتوماتيك هتبقى كويسة لأن موتورها 1600

الالنترا ال 2006 عربية حلوة قوي بس واطية وقريبة من الأرض ممكن لو بتمشي في طرق فيها مطبات كتير زي عندنا في المنوفية هتتعبك وهتحك منك كتير

لو بتفكر في الزيرو في الجيلي الامجراند نازلة جديد ب 80 ألف وشكلها بجد روعة والناس بتشكر فيها قوي .. هي نازلة مانيوال موتور 1500

ربنا يوفقك وتشتري عربية نضيفة تفرحك

ياريس