-
سلامة اوبل فى المهندسين
كنت عايز اشترى كاسيت الفيكترا السى بتاع الهاى او التوب لاين المهم جبت رقم سلامة اوبل اللى فى المهندسين و كلمت واحد اسمه حسن و قاللى الكاسيت موجود تعالى تمام؟
كلمته قبل ما البس هدومى اكدت عليه الكاسيت و الشاشة بتوع بعض؟ عشان بيبقوا متكودين على بعض قاللى ياباشا انا بفهم و معايا استرا اتش و عارف قولتله تمام.
لما نزلت العربية كلمته مرة ثالثة اكدت عليه و قلتله انا نازل ماتجبنيش من مدينة نصر للمهندسين على الفاضى قاللى يا باشا و الله موجودين و مستنيك. ( انا كلمته كذا مرة عشان يوم اجازة و سايب مراتى و الاولاد فا مكنتش عايز اضيع عليهم الاجازة على الفاضى)
المهم رحت لحد هناك و خدت ساعة فى الطريق وصلت الساعة 4 العصر و فضلت مستنى ساعة عشان قاللى انا شغال فى عربية تانية و بعد كده قاللى يالا بينا قلتله ياللا فين قاللى هنروح نجيبه من المخزن قلتله مش قلتلى عندك؟ قاللى عندى فى المخزن
المهم ركب هو و واحد تانى و طلعنا على الدائرى قلتله هنروح فين قاللى باسوس ( و انا ولا اعرف فين باسوس ديه) المهم بعد ما وصلنا ملقناش الكاسيت قاللى فى المخزن التانى فرحنا المخزن التانى و استنيته بره و بعد كده لقيته خارج بالكاسيت بس قلتله فين الشاشة قاللى فى المحل رحنا رجعنا المحل تانى عن طريق الدائرى تانى تمام؟
بعد مرحنا قاللى استريح و بعد نصف ساعة لاقيته جايبلى الكاسيت و شاشة قاللى اتفضل قلتله مش هتركبهم قاللى انا مش فاضى روح لأحمد عز فى مدينة نصر يولفهم على بعض!!!!!!!!!!
قلتله انا مش همشى غير لما اجربهم شغالين مع بعض راح اتنرفز و قاللى طب معندناش كاسيتات للبيع!!!!
قلتله يعنى بعد ما تضيعلى اليوم تقولى مفيش كاسيت قاللى و انت كمان ضيعتلى وقتى!!!!!!!!!!!!!!!!!!!!!!!!!!!!!!!
بكلم الحاج سلامه ابوه قاللى نفس الكلام...
قلتلهم هو افترى منا ممكن اعرف اجيب حقى ازاى راح الراجل الكبير قاللى ينعل ما.......اى حد.
كانت الساعة وصلت تقريبا 8 بليل رحت مشيت و مش عارف اعمله مشكله ولا اريح دماغى و منه لله.
قلت اشاركم حرقة دمى احسن ما اعمله مشكله فى اكل عيشه.
و لا ايه رايكم؟
اسف للاطالة
-
ربنا يعوض عليك فى الوقت اللى ضاع والمشورة دى
لو تعرف تعمله حاجة اعمله قرصة ودن بسيطة يعنى عشان يعرف ان انت ممكن تضره وبعد كده سيبه
-
واللهى الناس الى فى البلد دى عمره ماهتتغير لانهم مش عارفين قيمة الوقت
-
الحمد لله انها جت علي قد كدة .... انا رايي كبر دماغك وكفاية كلمة حسبي الله ونعم الوكيل فيهم .... وابتسم انت في عصر النهضة والثورة يعني اللي عايز يجيب حقه يجيبوا بدراعوا وللاسف المحترمين هما اللي ضيعين في النص... متجبش لنفسك مصيبة واحمد ربنا وقدر الله وما شاء فعل اكيد اللي حصل ده قضي اخف من قضي تاني كان ممكن يحصل
-
-
يا ريت توصف مكانه عشان الناس
تاخد بالها ومتتعاملش معاه تاني
-
احنا اللى عملناهم كدة كل واحد فاتح قطع غيار استيراد او جديد يحط الاسعار اللى علي مزاجة و يولع الزبون انشاء الله انا ناوي اشتراي عربية استيراد و احطها في مخزن عند و احد صاحبي و افك كل اللى انا عاوزة منها و اعينة و ارمي الباقي علشان ما اعرضش نفسي للأشكال اللى زي دي
-
واللهى صح كنت بفكر فى كدة برضو
-
شكرا لاهتمامكم و ردكم.و الحمد لله على كل حال. و على فكرة ده رابع واحد بعد ما اكلمه و اروحله يطلع فشنك.مش عارف هو الكدب على الناس نصاحة؟
المهم. هو يمين موءمن ميدان لبنان اول ناصية بعده.
و انا بعد ما عدى كام يوم هديت و منه لله بس. ايه الحل مع الناس اللى عندها لا مبالاه ديه؟
-
اهم شيء انه معرفش يضحك عليك وياخد منك اي مصلحة ، وده في حد ذاته خيبة امل قوية وكان لازم يعمل معاك اي حاجة ، وده فكرني زمان ايام ما كانت بورسعيد منطقة حرة مزدهرة ، كنت لما تتفرج على اي بضاعة عند أحد الباعة أو المحلات وما تعجبكش البضاعة وتمشي ، كان لازم البائع يشتمك بأوسخ الالفاظ ، دلوقتي سبحان الله ناقص يبوسوا إيد الزبون عشان يشتري ، خلاصة الامر هو ان المقاطعة سلاح قوي ، وكل الناس لازم تعرف تستخدمه
Content Relevant URLs by
vBSEO 3.6.0 PL2