مش عارف ابتدي من اين بالظبط لأن المشاركة ديه بكتبها و انا حزين علي اللي حصل من الاعضاء في حق اعضاء و منسقي قسم نيسان الايام اللي فاتت
علي العموم كل اللي عايز اقوله ان ده قسم خدمي و ليس قسم يوجد به مساحة لأي مخاصمات او كلام خارج ... يعني قسم محايد من الدرجة الاولي و كل اللي يهمه اننا كعملاء نكون راضيين رضاء تام عن المنتج او الخدمة اللي بتتقدم لينا
ولذلك اذا كنا بنطلب اننا نعرف الحقائق كاملة فده لسبب اننا عايزين نحظي بأفضل خدمة من التوكيلات مثلا اوتوايجيبت - السبع - الخ ...... و ده طبعا بالمواضيع اللي بنقدمها في القسم ليس للتشهير بالتوكيل و لكن بمعرفة القصور اللي بيقدمها لينا كعملاء و احنا المتضريين في النهاية و لذلك العضو محمد محمد ناجي ... كان تعاملي هنا بالموضوع لمعرفة حقائق كاملة حتي لو العضو مش محتاج خدمة من القسم لكن المفروض انه يعرفنا التفاصيل عشان التوكيل يعرف نقاط الضعف و يقوم بإصلاحها كانت فنيا ً او اداريا ً لكن اللي علينا اننا نوضح له ايه القصور عشان يعالجها و في الاخر احنا المستفدين
لكن للأسف كعادة هذه النوع من المواضيع نلاقي أعضاء مش بيظهروا غير في المواضيع اللي من النوع ديه بالذات .. اللي هما اعضاء مش متابعين اصلا لقسم نيسان و يتهكموا علينا بشطارتهم بطرق لا تضره قواعد المنتدي في نفس الوقت و دليلي المادي في الموضوع ده ... هو ان العضو محمد ناجي بعد فعلا ما تعرف جيدا علي اعضاء و منسقي القسم المحترمين بمقابلة خاصة .. قام بعمل موضوع شكر وواجب .. طبعا تشكر عليه استاذ محمد وفي نفس الوقت لم يتفوه اي عضو من الاعضاء الشاطرين دول بأي كلمة داخله و ده اللي كنت متوقعه و طبعا بدون ذكر اي اسم .. كل واحد عارف نفسه كويس
http://www.nilemotors.net/Nile/353836-a.html
فهل هذا هو العدل في نظر هؤلاء الاعضاء .. هل رمي الناس بالباطل و الكلام الخارج .. هل هذا يرضيكم و يرضي داخلكم ..
للاسف لن تتغير مصر الا لو قمنا جميعا بتنظيف ما بداخلنا قبل ان نقوم بثورات
أتمني ان العضو محمد محمد ناجي التواصل مع التوكيل في حل المشكلة و انا شخصيا وصل لي وجهة نظرك و طبعا تحترم و لكن انت عارف جيدا ً ان كل مؤسسة لن تبوح بما ستفعله ضد اي شخص بداخلها كان ادراريا ً او فنيا ً و لكن اللي اعرفه ان اي مؤسسة تريد النجاح في عملها .. اكيد ستبذل قصاري جهدها لارضاء عملاؤها
و انت كمان يا استاذ محمد ياريت تتريس عند انشاء اي موضوع بالمنتدي او قسم نيسان لأن عدم التريس بتضيع حقوق كثيرة .. بالهدوء ممكن يرجع اضعاف الحقوق ديه
اتمني للجميع ان يكون الدرس كلنا فهمناه صح مش علي مستوي قسم نيسان فقط و لكن علي مستوي حياتنا العملية ..
شكرا ً