المطبخ عندي ساوناااااااااااااااا , هل من حل ؟

**nona_yaris** · 01-05-2013 03:03 PM

انا عندي مركبة شفاط توشيبا على الشباك وكمان حاطة مروحة حائط فريش في المطبخ وظابطة الارتفاع عشان ما يأثرش علي شعلة البتوجاز
كدة بيبقي الموضوع محتمل
لكن فيه حاجة مهمة
ممكن الشفاط بعد فترة مش بيطرد الهواء كويس نتجة تراكم ابخرة الزيت والدهون علي الريشة
لازم كل فترة يتفك ويتنظف كويس وممكن يحتاج صابون كتير او شوية جاز علشان ينظف من الدهون
ساعتها باشعر بالفرق الرهيب قبل التنظيف وبعده

**د.أحمد السعيد** · 01-05-2013 08:38 PM

المشكلة فى الشبكة الخارجية للشفاط اللى بتحمى من الفئران و الحشرات الكبيرة ...... بعد فترة تقريبا بتبقى مسدودة من الزيوت و الفضلات و كفاءة الشفاط بتقل الى الربع تقريبا

**Y a r i s** · 02-05-2013 03:58 AM

انا شايف المشكلة
في ان الشباك الومنيوم صغير وفوق ماهوا صغير كمان مركب في شفاط. يعني الفتحة الكلية لدخول الهوى للمطبخ صغيرة ... وشكل المطبخ عندك قبلي كمان

فالحل تجيب واد بتاع الوموتال وتقولوا يفصلك شباك اوسع واجمل وتجيب واد نحاااات. وخليه يفتحلك فتحه في الحيطة للشفاط الجديد وممكن كمان يوسعلك فتحت الشباك مفهاش حاجة وممكن يعملك سترة الومنيوم زي مصد رؤيااا كده بحيث الجيران ميشوفوش مين في المطبخ

بابنسبة للشفاط سيبك من فريش وتوشيبا والكلام ده في شفطات في العتبه هتلاقيها بتاعت مطاعم دي جميلة وبعدين دي مبتشتغلش عمال على بطال لأ. وقت الطبيخ بس. او انك تفصل في السبتيه هووود. وتركب متور هوى صغير من ابو ٢٥٠ جنية نظام فندقي كده وتمن الهود العمة ب ٢٥٠ لوحدها والمسورة لو استانليس استيل صافي هيبقى المتر ب ٦٠ جنية بس شغل بقه على ميه بيضة

بس المطبخ بتاعك مش مستاهل اكتر من شفاط مطاعم

تمنو في العتبة امتداد شارع كولت بيه من اول ٢٥٠ جنية وانتا طاااالع هتلاقي هناك شارع متفرع من شارع كولت بيه كلو بتوع شفطات ومعدات ... وزي ما قلتلك افتح فتحه مستقله في الحيطة لوحدها للشفاط واشتري راحت بالك ( العملية بسيطة انشاء الله) وتحياتي

**mr_green** · 02-05-2013 11:03 PM

التكييف ال 20 سم مش هايعمل أى حاجة

الخيارات من وجهة نظرى:

1- تكسر فى الحيطة و تركب شفاط كبير حبة - أرشح أوليمبك - أو لو حابب تجرب الشفاط الصناعى بس أعتقد هايكون دوشة أى - ساعتها ممكن تشغل الشفاط الصغير مروحة و الشفاط الجديد شفط فيعمل طيار هوا جوه المطبخ

2- تكسر فى الحيطة و تركب تكييف شباك و لازم يكون بعيد عن البوتجاز عشان الفلتر مايتسدش من الزيوت و الأبخرة

* بالنسبة للتكيف الصحراوى من تجربتى خسارة فيه الفلوس ذيه ذى المروحة تقريبا