الموضوع: إلحق يا قبطان المركب بتغرق؟؟؟؟؟؟!!!!!!

ربنا يساعد أهالى الضحايا

لا حول ولا قوة إلا بالله ... الله يرحمهم ويرحم موتى المسلمين ويلهم أهلم الصبر والسلوان والله على الظالم .. :roll:

هل يعلم أحد ما الذي إنتهى إليه التحقيق في هذا الحادث ؟؟؟؟
ومن الذي عوقب ؟
أم أنه تم دفنه مع ملفات الفساد الأخرى في قاع مقبرة ملفات الفساد؟

على فكرة يا جماعة لسه الاسبوع الى فات السلطات السعودية منعت باخرة مصرية من الابحار وذلك لانها غير متطابقة لشروط الابحار يعنى الكارثة من السهل انها تتكرر تانى ازاى خرجت الباخرة من الموانى المصرية بدون كشف عليها وتانى حاجة لما العبارة السلام غرقت جابوا اللوم على السلطات السعودية انها سمحت لها بالمغادرة من اراضيها بدون الكشف عليها سبحان الله

لا حول ولا قوة إلا بالله
ربنا يرحم المفقودين و يصبر اهلهم علي المصيبة دي
تخيلوا يا جماعة في ناس كتير كانت علي العبارة دي كانت في الغربة من سنين و راجعه لبلدها و لأهلها و لولادها و كلها امل في المستقبل و شوفوا اللي حصل ايه سبحان الله زي ما بنقول بالبلدي موت و خراب ديار
علي فكرة كان في تقريراخير ازاعة التليفزيون المصري في الصيف الماضي و كان ملخص اللي حصل و كان فيه ناس من اللي نجوا بيحكوا و يوصفوا اللحظات دي و كان فيه واحد كان مدرس بالسعودية و كان هو اللي بيحكي و كان اسلوبة جميل و قال كلام خلاني بكيت بحرقة و كأني معاهم حاجة فظيعة
الراجل دا فضل في الميه حوالي يومين و حكي علي كل اللي شافوا
من ضمن القصص اللي انا مش قادر انساها
1- انه شاف اسرة من اب و ام و طفلين وللأسف كان معاهم 3 لايف جاكت بس و الزوج بيقول الزوجة البسي انت الجاكيت و خلي بالك من الولاد و انا هتصرف و هي بتبكي و تقولوا لا انت خلي بالك من الولاد و انا خلاص مش هقدر اكمل معاكم والأطفال بيبكوا و مرعوبين من البرد و الظلام و اصوات الصراخ ياااااااااااااااااااااااا ه حاجة رهيبة يا جماعة و الله
2-الراجل دا بيحكي انه لقي طفل في اول الصباح التالي للغرق و كان الطفل دا متعلق في جاكيت نجاة و بيبكي بكاء هستيري و لما قرب منه عشان يهديه و يسكته و يطمنه الولد اترمي في حضنه و كان بيبكي وكان الولد بيكلم الراجل علي انه مامته و يقوله احضنيني يا ماما غطيني يا ماما انا بردان يا ماما انا جعان يا ماما الراجل قعد يبكي زيه و اكتر من شدة الموقف الولد مصاب بصدمة عصبية افقدته وعيه لا حول ولا قوة الا بالله
3- الراجل بيقول انهم اثناء الصعود للمركب شاف شاب في اول العشرينات و كان طويل و كان مبسوط جدا و كله سعادة و نشاط وحيوية و مش بطال هزار خالص طول ما هو قاعد عمال يهزر و كان الراجل دا بيضحك علي اسلوب الشاب دا في الهزار و كان متابعة من بعيد
المهم انه بعد ماحصل اللي حصل و العبارة غرقت و طلع النهار بدا يبص حواليه لقي ناس كتيرة ميتة و متعلقة في جواكيت النجاة و ناس لسه عايشة زيه و عايمين علي المياة حواليه و اثناء ما هو بيبص علي الناس لمح الشاب دا من بعيد و هو لابس جاكيت نجاة بس عمال يتأرجح في الميه و مش ثابت ووصفة سعتها بزجاجة الميه لما بتكون فيه شوية ميه ضغيرة و ماشية في الميه تلاقيها عمالة تتهز و مش مستقرة المهم الراجل دا قال اروح ناحيتة اشوفة يمكن يكون تعبان ولا حاجة و لما قرب منه بيهزة كدا عاملوة نايم ولا حاجة لقي نصفة التحتاني مش موجود الراجل اتصدم و الرعب ملاه و عرف ان المية فيها سمك القرش و ساعتها حس انه مش هيعيش لا حول ولا قوة الا بالله

ن بصراحة حاجة تغيظ ازاي الكلام دا يحصل و ماحدش اتحرك نهائيا ازاي ولا انقاذ و المسافة مش كبيرة الطيارات الهيلوكبترو اللانشات السربعة المخصصة للإنقاذ كان ممكن تكون هناك خلال ساعة او اتنين يالكتير يعني كان ممكن ناس كتير تعيش طبعا انا عارف ان دا القضاء ةو القدر و ان دي اعمار ربنا كتبها و قدرها و ما حدش يقدر يعمل حاجة بس انا بتكلم فين دور البلد و البحرية و الجوية و السواحل و الميناء و غيرها ماحدش خالص اتحرك و علي فكرة الناس عندها علم من لحظة غرق العبارة من بالليل و برده ما حدش اتحرك خالص والله يا جماعة انا اعرف ناس في ميناء سفاجا قالوللي انهم عرفوا بان العبارة بتغرق من بالليل حوالي الساعة 12:30 بالليل و ماحدش عمل حاجة لأنهم خايفين يطلعوا بالليل عشان الشعاب المرجانية
المشكلة مش في غرق العبارة نفسها لكن المشكلة في عدم التحرك للأنقاذ لانه كان هيقلل عدد الموتي و طبعا دا ما ينفيش الفساد الموجود في البلد و اللي اصلا سمح لعبارة كانت اتكهنت بعد ما كانت بتنقل بهايم و لا مؤاخذة في اللفظ انها تنقل بني ادميين و غير مجهزة اطلاقا باي وسائل امان و كانها عربية اجرة سرفيس ترامكو وقت ما تحصل مصيبة فيها كل الركاب هينطوا منها و يخرجوا بسرعة و بسلام !!!!!!
اللي يغيظك ان البلد بتعمل حملات تموينية و حملات امن صناعي علي محلات البقالة الصغيرة و بتعمل مخالفات بمئات الجنيهات عشان المحل ما فيهوش طفاية حريق و المرور عمال بيسحب في رخص خلق الله عشان الطفاية غير مطابقة للمواصفات و العبارات الللي ماشية في البحر و بتشييل الفين نفس و هي اصلا حمولتها الف بس تلاقيها لا فيها طفايات و لا زفت و لا حتي سلات زبالة

و الله يا جماعة اللي حصل دا كارثة و ما يحلصش في اي مكان غير مصر
و سلام عليكم احسن انا كده شكلي هتخانق و هكسر الكمبيوتر