الموضوع: صيانة 60 الف لفيفي بعد زيادة الاسعار وجنون الدولار

المشاركة الأصلية كتبت بواسطة corsair

اولا انا بعتذر لاخواتي في المنتدي الجميل نايل موتورز عن انقطاعي الفترة الاخيرة وذلك لظروف الجواز والشغل



وطبعا اتلهيت عن الزوجة الاولي مدام فيفي ولحد ما لقيت العداد في وشي كدا



طبعا افتكرت ان الزوجة الثانية شطبت علي اللي ورايا واللي قدامي طب اعملها صيانة منين بس المهم كنت مخبي قرشين علي جمب كدا من ورا الحكومه وقولت مبدهاش ويانا يا الصيانة دي واتصلت بحبيبي هاني ميخائيل وربط معاه معاد علي امبارح 29/4 طبعا علشان الحق عرض الميه الخضرا اهو حتي لو محتجهاش الريداتير اشربها انا الجو حر بردك ومفيش عندنا مراوح تبريد

طبعا انا رايح ومنتظر الصدمه في ارتفاع الاسعار وقطع الغيار اللي هتولع نار

ابتديت بشراء الزيت وطبعا كالمعتاد بجيب فيسكو 3000 بمشي بيه 10000 كيلو وطبعا مصدقتش اني لقيت سعره زي ما هو 120 جنيه فرحت جدا طبعا

وطلعت علي مركز سبيد وقابلت حبيبي هاني باشا وخدت منه لسته بالمشتريات وكانت كالتالي

سير كاتينه أصلي ( 195 جنيه )
بليتين كاتينه أصلي ( 200 جنيه )
سير تكييف ودينيمو وباور أصلي ( 90 جنيه )
فلتر هواء كوري ( 25 جنيه ) الاصلي ب ( 50 )
فلتر زيت أصلي ( 20 جنيه )
فلتر بنزين أصلي ( 35 جنيه )
تيل فرامل أمامي موبيس ( 120 جنيه )
طقم بوجيهات أصلي ( 65 جنيه )

الاجمالي 895 جنيه

وطلعت علي حبيبي هاني وفيفي خدت البنج وريحت وابتدي الشغل من الساعه 7 مساء الي 9.30 مساء والحمد لله كل شئ كان تمام وخلصت الحمد لله علي خير

تم تركيب كل المذكور أعلاه مع بعض الاضافات

اولا تغير مياه الريداتير بمياه خضراء بدل الصداء اللي كان هاريه والبشمهندس هاني ربنا يباركله فضل ورا الريداتير لحد ما صفي كل الصداء اللي جواه وجوا الماتور والمياه كانت نازلة صافيه زي الفل

ثانيا الكشف بالكمبيوتر علي فيفي والحمد لله كل شئ كان تمام

ثالثا غسل الماتور بالكامل ورش wd40 علي المكونات الداخليه للحوض وتنظيف البوابات

الشهاده لله العربية ما شاء الله كنت حاسس انها هترميني براها وتطلع تجري مني حسيت ان العربية رجعت 5 سنين لورا وبقيت زيرو

الفرامل اللي كنت بشتكي منها أدائها أتحسن جدا وحاسس ان فرامل العربية بقيت حاجه تانيه
طبعا المركز مفيش بعد كدا في الامكانيات والله ما حاسس بأي فرق بينه وبين الوكيل في أي حاجه عدا الضمير تحس ان اللي كنت بروحلهم في التوكيل كانوا بيقلعوا ضميرهم مع هدومهم ويلبسوا العفريته بتاعت الشغل
خدت ضمان 5000 كيلو او 3 شهور علي الشغل اللي تم في العربية
المصنعيه الصراحه الناس تستاهل اكتر من كدا علي الشغل اللي اتعمل فيها 150جنيه

يعني العبد لله اتفحت اليوم ده في 1045 جنيه :01964e~163:


وبعتذر لاخواتي لان الموبيل فصل شحن ومعرفتش أصور العربية وهيه بتتعمل بس انا شرحت علي قد ما قدرت ويارب اكون افادتكم

واحب اقول لهاني حبيبي كل سنة وانتا طيب يا غالي

ايه ده انا قولتلك نزل صوره محمد عبد العزيز دي انا قولتلك نزل صوره ناظله يا ريس ههههههههه
معلشي سماح و مرحب بالعوده بعد الانقطاع الرهيب عني و عن المنتدي بجد مقتقد تواجدك معنا بروحك المرحه و اديك و اخلاقك شكرا لتشريفك و تشريف اي عضو فاضل دايما اعضاء نايل موتورز منورين و بجد دايما عند حسن الظن بجميع احبابي و زملائي المحترمين

ممكن العنوان بتاع مركز م/ هانى

الف ميروووك للصيانه وربناا يحفظهالك
بس كنت عاايز اسئلك
العداد داا جيبو منيـــن وسعروه كاام عشان اناا نازل قريب اجيب عداد للفيرنا !! :)