تزييت حول غطاء وش التكيهات

**captin** · 30-04-2013 05:59 PM

السلام عليكم.....العربية سخنت منى وعشان ما اطولش عليكو....غيرت جوان وش السلندر...وبعدها بفترة لاحظت وجود تزييت حول غطاء وش التاكيهات..فلت اغسل الموتور كويس وبعدين اشوف...بعدها لاحظت ان التزييت رجع تانى....أظن انى محتاج أغير جوان وش التاكيهات ... ولا ايه رأيكم..هل فيه احنمال تانى؟؟

**محمد طايع** · 30-04-2013 06:59 PM

غير الجوان لأن الأحتمال الأكبر هو ان جوان وش التاكيهات انتهى

**د.أبونضال** · 30-04-2013 07:24 PM

أنا حصل لي نفس اللي حصل ليك وغيرت جوان وش السلندر وجوان وش التاكيهات وفيه تزييت تحتيه بردك.

**mero100** · 01-05-2013 09:19 AM

يبقي غير غطاء وش التاكيهات .

**mahmoud85** · 01-05-2013 10:51 AM

ربط عليه كويس بس ما تحرقش اوي وشوف هيعمل ايه

**Ahmed Nasser** · 01-05-2013 02:12 PM

غالبا هيكون غطا التكهات مفقع
خلى المكانيكى يكشفلك علية قبل ما تقفل الجوان الجديد

**هيثم الشرقاوى** · 01-05-2013 02:17 PM

جيب جوان اصلى واكرر اصلى وخلى الميكانيكى ينضف كويس اوى مكان الجوان القديم وخلية يبص على الغطا ويشوفة لو السخونية اسرت علية وخلته يقفع حات غطا وامرك لله لو الغطا كويس يبقى ركب الجوان الاصلى وان شاء الله مشككلتك تتحل

**captin** · 03-05-2013 05:44 AM

ألف شكر لاهتمامكم...أنا جربت انى أحرق فى الربط لكن التزييت استمر...عموماً أنا فعلا اشتريت جوان بـ 25 جنيه وكان فيه جوانات بـ10 جنيه.....لكن أنا قلت أجيب الأفضل وكان على الكيس بتاعه علامة gm وان شاء الله هاروح بكرة للميكانيكى ... وكويس انكم نبهتونى على موضوع ان الغطاء ممكن يكون مفقع لان ده ما كنش على بالى....طيب حد يعرف سعر الغطا كام؟

**agelil184** · 05-05-2013 01:55 PM

المشاركة الأصلية كتبت بواسطة captin

السلام عليكم.....العربية سخنت منى وعشان ما اطولش عليكم....غيرت جوان وش السلندر...وبعدها بفترة لاحظت وجود تزييت حول غطاء وش التاكيهات..فلت اغسل الموتور كويس وبعدين اشوف...بعدها لاحظت ان التزييت رجع تانى....أظن انى محتاج أغير جوان وش التاكيهات ... ولا ايه رأيكم..هل فيه احنمال تانى؟؟

السلام عليكم غير جوان غطاء وش التاكيهات وهات الاصل Gm ويتم تركيبة و الموتور بارد وعند تغيير زيت الموتور يتم وضع 3.75 لتر زيت فقط مع تيير فلتر الزيت

**ahmad_salama** · 05-05-2013 05:11 PM

المشاركة الأصلية كتبت بواسطة captin

ألف شكر لاهتمامكم...أنا جربت انى أحرق فى الربط لكن التزييت استمر...عموماً أنا فعلا اشتريت جوان بـ 25 جنيه وكان فيه جوانات بـ10 جنيه.....لكن أنا قلت أجيب الأفضل وكان على الكيس بتاعه علامة gm وان شاء الله هاروح بكرة للميكانيكى ... وكويس انكم نبهتونى على موضوع ان الغطاء ممكن يكون مفقع لان ده ما كنش على بالى....طيب حد يعرف سعر الغطا كام؟

ابو 25 ده مش الاصلي