:7_6_5v[1]:
اتثبت يا كبير !!! , ولا أمل في الفكاك ...
بعد التابلوه الأخير ده أبشرك إن النترا HD غليت يجي 100 الف ومحدش راضي يبيع :ma:
تحياتي
مككن اقول حاجه !!
الكرولا 2013 اتو حطت علي النترا الشكل الجديد مانول بس الصراحه انا مش فاهم ايه ال hd و ال md دي بس
والكرولا كانت لسا بتلين في اول 1000
مع ان الارقام بتقول ان الالنترا هي اللي تحط علي التيوتا
والله يا جماعه مالهاش معيار محدد
وبتفرق من حاله عربيه لأختها ومن امكانيات وقلب سواق للتاني
بس انا شخصيا بعربيتي الـ hd مانيوال .. بحط جدا علي العربيات المنتشره في مدينتي زي البومه والصني والكورولا وعائـــــــــــــــــــــ ـــلات الشيفورليه من لانوس وافيو واوبترا وكروز
مجربتش اشد مع تيدا ولا سيفيك جديد
جربت مع الـ 316 العاديه وفعلا بطه
جربت مع الـ 318 وكنت مدوخها في الطلعه بعد المطبات عالزراعي ... بس لما الطريق فتح حصل الأتي
نزلنا من عالمطب سوا وقرصنا سوا انا فرقت عنه كويس لحد الغيار الرابع وسرعه 140
وبرغم ان عدادي لسا بيزيد بمعدل حلو انما الـ 318 اتحولت من بعد الـ 120 وعداني زي السكينه في الحلاوه
فالخلاصه يعني ان الارقام الرسميه حلوه مفيش كلام ... لان غير كدا بيبقي كله حاله عربيه وطريق وقلب سواااااااااااااااااق
تحياتي
لا كدة يا جماعة الموضوع أخد مسار تاني
ودخل في الجد وبقي في ترتيبات
بس انا حابب أقول ان كدة مش fair
ليه خرجتوا الاوربي من المقارنة؟
ثم ان انتم بتقارنوا بfactor واحد بس وهو الacceleration
فين استهلاك الوقود fuel consumption فين انبعاثات الكربون co. Emission فين اعتمادية فين مواد خام فين وزن فين تكنولوجيا توقيت فتح وغلق صمامات
والحاجة التانية أنكوا بردوا رجعتوا بتقارنوا عربيات وليس محركات
طب طالما فيها عربيات ليه خرجتوا فولكس وسيات وأودي وبيجو ورينو وبي ام وووو
عشان التربو؟
طب ماهو الاتجاه دلوقتي كله لتقليل وزن وسعة محرك ورفع اداء بتربو تشارجر وفتيس سريع الاستجابة وذكي
تقوم النتيجة تبقي استهلاك اقل انبعاثات اقل تسارع افضل ، سرعة قصوي اكثر
اعتقد هي دي المقارنة
انت نزلت عربية في ٢٠١٣ وانا نزلت عربية في 2013
انت فئة compact وانا في نفس الفئة
انت اخترت محرك N/A وانا اخترت محرك بسعة اقل ورفعت الhp والعزم بturbo charger
انت حاطط فتيس أوتو ٥ غيار انا حاطط فتيس dual clutch ٧ غيار
Etc
وفي النهاية بتبقي المقارنة بالعربية as total بالمحرك وناقل الحركة ووزن عربية وديناميكية هوائية
دة مجرد راي
بس عشان ماتعملوش list بأحسن محرك يتبني عليها احسن عربية
يبقي الموضوع ابتدأ بأحسن محرك N/A في الصفحة الاولي وينتهي بقائمة بأحسن عربية في الصفحة الاخيرة
وبناء عليه نستبعد من القائمة الاوروبي وتطلع في النهاية النتيجة بعربية آسيوي
لو عايزين المقارنة تبقي fair يبقي الكلام اما بكود المحرك او باسمه الشائع ليه
ولا انا بتكلم غلط
تحياتي.
حضرتك تقصد ال F30 و لا ال E 90 ?
انا اختلفت معاك قبل كدة لما حضرتك اصريت على معلومة مش موجودة ف الموقع الرسمى ل jeep و اسلوبك ف الحوار ما كانش كويس
اتمنى اننا نتناقش و نختلف باسلوب افضل من المرة السابقة
farewell
الالنترا ال hd مانيوال هى اعلى 1600 0-100 8,3 sec و كمان اسرع من البرافو t-jet ال 120 حصان و اللى يقدر يجرى معاها 0-100 هما الجولف ال 140 حصان 8,4و البرافو 150 حصان 8,5 فقط
لكن yet الالنترا ال md ماتعرفش تعمل الكلام دا ,,,,, ياريت حضرتك تقولنا ليه بصفتك Hyundai fan؟
يا بشمهندس احنا مش بنقول انهى افضل عربية لان كلنا عارفين مين الافضل و مين الاسوء , يعنى احنا كدة مطلعين ال safety برة الموضوع و دا غلط طبعا
الكلام كله ع ال acceleration فقط according لطلب صاحب ال topic اللى بيسأل عن انهى اسرع عربية NA ف ال 1600 without other considerations
,
فعلا زى ما حضرتك قولت المقارنة مش بين مواتير المقارنة بين عربيات as a package (engine - transmission - WT - aero - power to WT ratio و consequently هنوصل لانهى اسرع عربية و كون ان الالنترا المانيوال طلعت هى الاسرع فا yet الكلام دا مايعنيش انها اقوى موتور
farewell
انت بلدياتى من اسيوط :hello: فا انا لازم ارد عليك
النترا hd الى هى من 2007 - 2011 اما ال md فادى الشكل الجديد
انا جربت الكورولا ال mmt , ماشاء الله سحبها جامد اوى بس متهيألى ال 2013 دى اوتو عادى مش mmt و دى مجربتهاش فا مقدرش احكم عليها , و برضه مجربتش ال md المانيوال ياريت لو حضرتك جربتها تنقلنا الصورة لان نادر فعلا انى الاقى حد معاه md مانيوال
بصفتي مالك للالنترا md و شديت بيها بالفعل مع ألنترا hd علي طريق الاسكندرية الصحراوي بالليل و طلعت منه طبعا
في البداية الالنترا hd ممكن تطلع (لو مانيوال) و لكن مش بالسهولة اللي أنتوا بتقولوها دي لكن بعد كده لو طريق مفتوح و عدينا حاجز ال 120 كم/س يبقي باي باي hd