Polo 99

**fast_car** · 16-08-2008 03:59 PM

انا لسة مشترى البولو 99 من 3 شهور بس ، ودة اول عيب يظهر فى العربية لاقيت نفسى امام اختيارين : -
الاختيارالاول انى ادفع 900 جنية واشترى مروحة جديدة بس مش اصلى .
الاختيار الثانى انى ادفع 400 جنية ودة بعد محاولات من 550 واشترى مروحة استيراد بص اصلى .
وطبعا الاختيارالثانى كان الاقرب لان العربية مكيفة والصينى تخاف منة وثانيا لان دة اول عيب يظهر فى العربية وبنكلم فى 1000 جنية وهية اصلا لسة فلوسها مبرديتش
الحمد لله هية البولو ممتازة جدا وبتوفر بنزين وعربية سحبها ممتاز ومميزات بصراحة ملقتهاش فى عربيات تانية من فئتها لكن المشكلة هية انى بعد لما سالت صنايعية كتير ومنهم بتاع البولو اكتشفت ان المشكلة الاساسية هية ان قطع الغيار غالية شويتين واحيانا وهوة دة اللى مزود المشكلة ان قطع الغيار ممكن تكون مش موجودة .
محتاج نصيحة من الاخوة مالكى البولو من زمان عن اخبار قطع الغيار معاهم اية ومنين يقدر الواحد يلاقى قطع الغيار اذا امكن و اية اكتر عيوب الموديل دة . ولكم خالص الشكر.

**Islam_galal** · 17-08-2008 08:40 AM

العربيه بقالها معايا سنه و نص و مفيش مشاكل
قطع الغيار اسعاها معقولة جدا للموديلات اللي فنفس السنين
كان في موضوع قديم عن أسعار قطع غيار ممكن يفيدك
أسعار صيانة بولو 99

**iBiZa** · 17-08-2008 03:57 PM

المشاركة الأصلية كتبت بواسطة fast_car

محتاج نصيحة من الاخوة مالكى البولو من زمان عن اخبار قطع الغيار معاهم اية ومنين يقدر الواحد يلاقى قطع الغيار اذا امكن و اية اكتر عيوب الموديل دة . ولكم خالص الشكر.

قول على مكانك فين و الناس تقولك اقرب حاجة ليك.

انا معايا بقالها سنتين و مفيش حاجة مش لاقيها.

**fast_car** · 17-08-2008 11:07 PM

متشكر جدا يا جماعة على تجاوبكم معايا وانا من الزيتون ، ولو ممكن استشارة فنية ومنها كمان تجربة تنفع الغير .......
من اسبوع كنت ماشى عادى جدا وفجأة شميت ريحة شياط وكمان دخنة من كبوت العربية وبرجلة فى العربية وكمان صوت الموتور بقى قريب من صوت الفولكس البيتلز لما وقفت بصيت على مؤشر الحرارة كلة تمام العادى يعنى 90 وبعدين ما كنتش مشغل التكيف وبعدين لاقيت المروحة بتولع ، تقريبا سلك المروحة لمس مع بعض وعملى قفلة ومنها الى موتور المروحة والدنيا شاطت ، و بعدين روحت غيرت المروحة وكعيت فيها 400 جنية دة غير مصنعية 50 جنية ، وبعدين لسة صوت الموتور زى ماهوة ولما كشفت عليها عند اتنين كلهم اجمعوا على ان التكيهات هية سبب المشكلة بمعنى ان فية عمودين على حسب ما فهمت منهم تقريبا الجلب بتاعهتم شاطت لما المروحة وقفت ....
فهل يا ترى كدة الموتور لازم ينزل علشان نعمل العملية دى ولو كدة تكلفة القصة دى حوالى كام. والخوف بقى ان بعد العملية دى لما تحصل الدنيا ما ترجعش زى ما كانت
وربنا يستر