ارجو المساعده فى اجراء مقارنه بين البولو والفليشيا وايهما افضل للطرق المصريه:confused4:
عرض للطباعة
ارجو المساعده فى اجراء مقارنه بين البولو والفليشيا وايهما افضل للطرق المصريه:confused4:
الاثنين حلوين
الفليشيا اوسع
تابلوة الفليشيا افضل
قطع غيار الفليشيا ارخص
البلو المانى اصلى
سيارة كويسة بس ال1300 سىسى
لازم تجرب قيادة الاثنين بنفسك وبعدين تختار
في فرق كبير بين الاتنين.خليك في البولو
انا ركبت مرة البلو مع احد الاصدقاء ولكن لم تعجبنى اطلاقا
الاتنين تقريبا زي بعد بنسبة كبيرة الفرق ان البولو قطع غيارها أغلي و ممكن تكون بتعمر أكتر بس السكودا صاجها أنشف و قطع غيارها ارخص و بتعيش اوي بردة
و زي الاخ محمد قال ان السكودا اوسع و منظر التابلوة والعدادات أشيك
يعني من الاخر لو ميزانيتك عالية و كويسة جيب البولو عشان تقدر علي قطع الغيار
الميزانية في المعقول خليك في الفلشيا بنت حلال أوي
طيب هيه الفليشيا الانجكشن افضل وش اوكتافيا بعد سنه 98 ------------------------ والا العادى ( كربرتير ) 95-96-97 من حيث توافر قطع غيار الموتور
القطع الغيار الاثنين متوفرين
الانجيكشن وش اوكتافيا شكلها الخارجى افضل وبتوفر فى البنزين عن الكاربرتيير
بس الرشاشات لو اتسدت وهتغيرها تتكلف اكتر وانسى انك تفكر تحط بنزبن 80 خالص
الشكل القديم هوا هوا بالظبط مثل وش الاوكتافيا مع الاختلافات الاتية
- سعرها اقل بحوالى 3 الى 4 الاف جنية (نفس الحالة والكماليات)
- الكاربرتير سهل اى ميكانيكى يظبطة وممكن تستخدم معاة بنزين 80
- وش الاوكتافيا اختلاف الكابوت والشبكة الامامية
- الاكصطدام والمرايا لوش الاوكتافيا بنفس لون العربية والشكل القديم بيكونوا لونهم اسود
- على ما اعتقد وش الاوكتافيا ممكن تلاقى منها سير الكاتينة كاوتش وليس جنزير
- الكونسول فى الاثنين مختلف (امام عصاية الفتيس) فى وش الوكتافيت يوجد مكان لوضع الكانز او الكباية وفى الشكل القديم بيكوم مكان تضع فيه الموبيل او الشرائط
عن نفسى معايا الشكل القديم بس شكل وش الاوكتافيا طبعا احسن بس اغلى سنه واجدد طبعا
شكرا ليك جدا يا MOHAMED ABD EL SHAFY
وده ايميلى لو حبيت تضفنى عندك
engahmedrady@hotmail.com
وعلى فكره انا بحب قوى قوى الاسكودا عموما
وقدامى عربيه فيليشيا شفتها فى الوسيط ورحت شفتها هيه عامله 41 الف كيلو على العداد
وحالتها كويسه فبريقه
وش اوكتافيا لونها زيتى موتور انجيكشن
صاحبها طالب فيها 40000 جنيه نهائى
فيها عيبيبن انا شيفهم
1- الاكصدام الامامى مكسور
2- فى حديده كده على الموتور تقريبا هيه بتاعه التكيهات ليها صمولتين واحده منهم مش موجوده
عموما باقى كده هيه بحاله جيده
وانا مش متخصص
تنصحنى اشترى والا ايه
ولو حبيت افحصها تعرف حد يفحصهالى ويقيمهالى
وايه رايك هيه والا الهيونداى والانوس و البولو
مع العلم انى مبحبش الهيونداى ولا الدايو
افيدونى
معلش معنديش ماسنجر
العربية عاملة 41 الف كيلو ( هيا موديل كام ) انا حاسس ان العداد قليل شوية يبقى العربية دة ممكن تكون موديل 2000 او 1999 (خلى بالك العداد مش مقياس فى معظم الحالات عشان فى ناس بتلعب فيه) المهم هو حالة العربية مجملا
لو العربية اساياتها كويسة ومفيهاش مشاكل كبيرة فى العفشة والميكانيكا تبقى كويسة
المهم شوف الاتى:
1- العربية لازم يكون فيها التكييف الاصلى عشان ال40000 الف دول كتير شويتين
2- حاول تفاصل انك تنزل السعر ل 38 او 39
3- الاكصدام المكسور مش عيب اساسى فى العربية ممكن تغيرة خالص بحدود 200 جنية او تصلحة مش هوا دا الفيصل
4- لازم ولابد وحتما تاخد معاك ميكانيكى كويس جدا وشاطر يكشفلك على العربية كميكانيكا اولا وخصوصا الصامولة اللى انت بتقول انها ناقصة دى (الصامولة دى لو فى غطاء التاكيهات اللى هوا العلبة المستطيلة المرسوم عليها علامة اسكودا يبقى فعلا مش مشكلة كبيرة انما لو راس مسمار من رؤؤس مساميير المتور يبقى مشكلة لانه بكدا معناه ان الموتور اتفك وانكسر المسمار اثناء الربط والميكانيكى هوا اللى يشوف الموضوع دا ) وبعد حطوة الميكانيكى حاول ترفع العربية وتشوف الشاسية والعفشة وتشوف الشنطة من ورا فيها بارومة ولا لا وتراجع على العربية كويس)
5 - شوف ميكانيكى كويس تبعك تعرفة او من طرف احد جيرانك او اصدقائك او من طرف احد اقربائك يكون معاك عشان يطمنك على السيارة واديلة فى الاخر فى حدود 100 لو لم تشترى الى 200 لو اشتريت
6- مقارنة الاسكودا مع الهونداى والكورى ترجع لكل سيارة بها ميزة وعيب وحسب المزاج الشخصى والركوب اللى بتحبة فمثلا فى واحد يحب العربية ناعمة اوى وميهموش مشاكل
العفشة الضعيفة والصاج الضعيف لانه مثلا بيمشى فى طرق نظيفة ومشاوير قصيرة فيحب يجيب الدايو كمثال وواحد اخر بيحب العفشة قوية والصاج قوى والثبات على السرعات العالية والسفر ممتاز لانة بيمشى فى مطبات كتيير وبيسافر كتيير وبيبقى على حساب نعومة السيارة فبيجيب سكودا وهكذا لكل سيارة ميزة وعيب وترجع لاحتياج الشخص من السيارة
الف الف شكر يا Mohamed Abd El Shafy
على الاهتمام
بس رايك انها كويسه وبتستحمل سفر يومى حوالى 140 كيلو والا حاجه تانيه هتكون افضل
على فكره هيه موديل 2000
وفيا التكييف الاصلى
والحاله العامه كويسه
وهشوف ميكانيكى وربنا يسهل
على فكره فعلا هيه صاموله فى الحته اللى مكتوب عليها سكودا فعلا تقريبا مجرد صاموله مش موجوده
وكمان فى غطا فى الحته دى كده ..... هوه لافف عليه كيس مع الغطا علشان يحك قفل الغطاء
وعموما هوه على رايك لازم ميكانيكى هوه اللى يشوف الكلام ده
بس معلشى انا طولت عليك
لو تعرف ميكانيكى كويس ادينى عنوانه وانا ارحله او ادين تليفونه وانا اكلمه
ويجى يبص على العربيه معايه
وده هوه تليفونى
0101617012
وشكرا ليك جدا
انا بمشى كل يوم حوالى 100 كيلو لمدة 6 شهور تقريبا 6 ايام فى الاسبوع (50 رايح و 50 راجع) وبجد عربية جامدة وبتستحمل وثباتها فى السرعات العلية والملفات تحفة بجد ملوش حل.
قطع غيارها بتعيش كتيير المسمار اللى بتشترية بتنساة خالص (الاصلى طبعا).
على فكرة حاول تتاكدمن الاتى:
1-تاكد ان صوت الموتور ناعم وان سير الكاتينة (لو جنزير) مش طالع عشان متضرش تغيرة قريب
2- حاول تجرب الفتيس انه ناعم وكويس فى النقلات
3- شوف الكبالن واتاكد انها مبتطقطقش
4- تاكد ان الموتور مش خفيف (لاياكل زيت ) ودا بيبان من خرطوم فايز اموتور (بواسطة الميكانيكى)
5- تاكد انه لايوجد زيت بيسرب على جسم الموتور او الفتيس
6- راجع قفل الابواب والشنطة والكابوت انهم بيقفلوا بسهولة ويسر
7- حالة الكاوتش والبطارية والمارش
8- راجع كل الانوار والزراير تاكد انها كلها تعمل
9- راجع حالة الكراسى
كل دا الميكانيكى بيشوفه وفية موضوع مفصل فى الورشة على الموقع عن كيفية شراء سيارة مستعملة حاول تقرأة
معلش موضوع الميكانيكى دا انا بصراحة ما اضمنش حد فيه ومعرفش احكم على تصرفات اى ميكانيكى
انت ممكن تشوف اى جار ليك عندة عربية وتسالة عن ميكانيكى يعرفه هيدلك علية على الاقل عشان يكون جمبك فى السكن ويعرف انك هتتعامل معاة بعد كدا فيراعى ضميرة انما لو ميكانيكى بعيد عن سكنك ممكن يخدعك ويقولك كويسة عشان ياخد منك القلوس وانت مش هتشوفه تانى
حاول تشوف الميكانيكى يكون راجل كبير مش شاب صغيير عشان دول بيبقوا عندهم ضمير (على حسب تجربتى)
الكلام ده كله ينطبق على الوش اكتافيا بموتور انجيكشن
يعنى مخفشى من حكايه الانجكشن دى فى توافر قطع الغيار ؟؟؟
قطع الغيار متوفرة بس موجودة عند ناس بتبيع قطع غيار الاسكودا فقط (يعنى مش زى ال 128 تلاقيها فى كل شارع محل بيبيع قطع غيارها)
مراجعة السيارة قبل الشراء مهمة جدا عشان تتاكد من سلامتها وانها ليس بها مشكلة فلابد من مراجعتها
1- ميكانيكا
2- عفشة
3- شاسية وابواب (تاكدانها مكانتش عاملة حادثة)
4- كهرباء
والكلام دا لاى عربية حتى لو هتشترى بى ام او مرسيدس
وش الاوكتافيا نازل من سنه 1998 و كانت كاربيراتير
انما الانجكشن كان موديل سنه 2000.
..........
بالنسبالي لو جيت اختار حختار البولو
اقوي و افضل في كل شئ
ياناس انا والله تعبت واحترت كل مختار عربيه بحبها الناس تقلى بلاش ابع
امال الناس اللى ركبين العربيات دى عملين ايه يعنى
هوه الواحد لازم يركب عربيه مجبر عليها علشان قطع الغيار واعاده البيع
وبعدين انا شايف ان الشعب المصرى بيختار اسواء عربيات ويقول عليها احسن عربيات زى الهيونداى والدايو
بعد مكنا بنركب الفيات وانا شايف ان الفيات كانت والله احسن فى كل شىء
ودخلين بعد كده على الصينى
وبعد كده هنعيش ونشوف مقارنات بين الاسبرانزا ومبين ال بى ام دبليو
علشان الشعب المصري يرتاح
ويقلك قطع غيار واعاده البيع
متعذبش نفسك
لولا اختلاف الازواق لبارت السلع
جرب بنفسك واركب دى واركب دى وشوف اللى ترتاحلة
مسالة الراحة النفسية للشئ اهم من اراء الاخرين
فيه ناس بتشترى نوكيا عشان بيتباع وانت واقف وسعرة اغلى
وناس بتحب موتورولا مثلا عشان مرتاحالة ولامكانياتة
شوف انت عاوز ايه من العربية وبعدين اختار الماركة ودور جواها ومتسمعش لحد
ممكن بعد شوية تلاقى نفسك مثلا ميال للشاهين فمعنى كدا ان الشاهين وحشة!!!