ان شاء الله رايح احجز جراند بونتو كمان 3 ساعات

السلام عليكم

اولا شكرا على الردود على مواضيعى السابقه بخصوص الجراند بونتو
رحت عند الطارق امبارح شوفت البونتو ال بوب منيول العربيه من بره تمام بس ن جوه حاسس انها كلها بلاستيك زى اللوجان و الدريكسيون من بيتعدل و شكل التابلوه القديم عموما كل ده يهون قصاد اصل العربيه و المميزات الى فيها ؛ انا قررت اخد المنيول عشان الاوتو الى موجود ب 123 يعنى فرق 20 الف جنيه و الصراحه كتيرقوى

تنصحونى بايه بقى و انا بستلم و ابص على ايه و حستلم ايه مع العربيه و الحاجات الى انتو عارفيناها دى
و ايه رائيكو اامن دلوقتى و لا لا و لا استنى شويه انا افوق من العلقه دى ؟

ادعو لى بالتيسير يا جماعه عشان انا خايف شويه او مره اشترى عربيه زيزو
خالص تحياتى للجميع

اوعى تطلع بالعربية بره المعرض الا لما تأمن انت شايف وضع البلد عامل ازاي ! وربنا يوفقك في العربية ويكتبلك الخير ومبروك مقدما

الطارق دا انا بكرهه اووووووي معرش فاشل والله والدي كان متفق معاه سنة 2007 علي عربيه ميتسوبيشي كويتي جابهالنا اردني الاقل في الجوده الاردني اكيد و اتخانقنا معاهم و كانت ليله والله ممكن تروح معرض تاني مثلا سمير الريان القرش كده و القرار ليك انا حبيت اقولك تجربتنا مع الطارق و شكرا

هى الطارق فى المجمل مش بطال خصوصا انه دلوقتى عامل خصم على الفيات يعنى ال ب 104 ممكن توصل 102

ان شاء الله ربنا يوفقك وتستلم علي خير
ويكون اختيار موفق ليك بالخير
تحياتي ..

موفق ان شاء الله في الشراء وياريت تأمن علي العربية باسرع وقت اديك شايف البلد عاملة ازاي وربنا يعطيك خيرها ويكفيك شرها

ربنا يكرمك بيها ان شاء الله وسيبها على الله

نظرا لان الموضوع طلع مفاجا و انا مكنت عامل حسابى انى حستلم بكره ان شاء الله فانا حامن ان شاء الله اول ما ابيع عربيتى المهم انا خلصت معاه فى البوب ب 102.5
و ان شاء الله استلم بكره

الحمد لله استلمت و لسه راجع بس كان يوم طويل و صعب