الموضوع: التليين

عشان تكون مأمن خليك لغاية 1000كيلو وتغير الزيت والفلتر بعدها
وفى خلال الفتره دى بص اطلع بيها السلم او امشى على السقف
اعمل اى حاجه فى الحياه براحتك بس الار بى ام ميرفعش عن 3/3.5

بالنسبة للطقم الشنبر انت حامل خراطة
ولا طقم شنبر بس

بالنسبة للرعشة غالبا من قواعد الموتور

المشاركة الأصلية كتبت بواسطة mhf_77

عشان تكون مأمن خليك لغاية 1000كيلو وتغير الزيت والفلتر بعدها
وفى خلال الفتره دى بص اطلع بيها السلم او امشى على السقف
اعمل اى حاجه فى الحياه براحتك بس الار بى ام ميرفعش عن 3/3.5

افهم قصد كلامك ان التليين ما هو غير rpm تحت 3.5 ؟ يعني لو احط ٨٠ ٩٠ و هو 2.5 يبقي تمام ؟
مع العلم العربية اتوماتيك تفرق في حاجة ؟

المشاركة الأصلية كتبت بواسطة ahmed nasser

بالنسبة للطقم الشنبر انت حامل خراطة
ولا طقم شنبر بس

بالنسبة للرعشة غالبا من قواعد الموتور

هو وش السلندر بس اللي اتعمله روديه

المشاركة الأصلية كتبت بواسطة forzamilan

افهم قصد كلامك ان التليين ما هو غير rpm تحت 3.5 ؟ يعني لو احط ٨٠ ٩٠ و هو 2.5 يبقي تمام ؟
مع العلم العربية اتوماتيك تفرق في حاجة ؟

مش هتفرق مانيوال او اوتو
اهم حاجه متحرقش على الغيار لو مانيوال او تعمل كيك داون لو اوتو
وف كل الاحوال عينك على الار بى ام ميزدش عن 3 وللضروره القصوى 3.5 فى حالة لو الموتور (1600) اما لو سى سى اصغر من كده 1300 مثلا فهيكون الرقم برضه اصغر على 2.5 او 3 الا ربع بالكتير
طول ما الموتور مش متحمل عليه فوق الارقام دى اعمل اللى انت عايزه من تكييف لطلوع كوبرى لأى حاجه طالما مش هيزود عدد اللفات

المشاركة الأصلية كتبت بواسطة Forzamilan

هو وش السلندر بس اللي اتعمله روديه

وطبعا الشنبر ركب زى ما القديم طلع الخراط ماادخلش فية
لو كدة فا كانت تجريبتى بعد تقفيل العربية كانت شنبر بس وكان استندر بدون اى خراطة
قفلت العربية من هنا وكنت بامرك وباشد بيها من هنا

انا مش باقولك كدة عشان تعمل زى
بس بيكون واضح معاك المكنة عايز تلين اد اية لو ليك خبرة فى المكانيكة

بس على العموم خليك زى ما الاستاذ mhf_77 قالك ماتخليش الار بى ام يعدى 3
لمدة 1000 كيلو وبعد كدة غير زيت وابقى احرق على الغيارات براحتك
اعمل كدة عشان تكون مطمن
وربنا يباركلك فيها

المشاركة الأصلية كتبت بواسطة Ahmed Nasser

وطبعا الشنبر ركب زى ما القديم طلع الخراط ماادخلش فية
لو كدة فا كانت تجريبتى بعد تقفيل العربية كانت شنبر بس وكان استندر بدون اى خراطة
قفلت العربية من هنا وكنت بامرك وباشد بيها من هنا

انا مش باقولك كدة عشان تعمل زى
بس بيكون واضح معاك المكنة عايز تلين اد اية لو ليك خبرة فى المكانيكة

بس على العموم خليك زى ما الاستاذ mhf_77 قالك ماتخليش الار بى ام يعدى 3
لمدة 1000 كيلو وبعد كدة غير زيت وابقى احرق على الغيارات براحتك
اعمل كدة عشان تكون مطمن
وربنا يباركلك فيها

طب معلش من ناحية الشنبر ذات نفسه بقي المفروض احس بيه في ان الزيت مش بينقص و البوجيهات مش بتعرق زيت و مفيش دخانة بس ؟ ولا المفروض في دوسة البنزين مثلاً او كدة ؟ عشان هو ال rpm عندي حاسه بيعلي بسرعة شوية ولا ده شغل كهربة مثلاً ؟ ( انا حاطت بطارية ٧٠ امبير بدل ال٥٠ .. الموضوع ده شكيت فيه يكون ليه علاقة بس علي معلوماتي المفروض ملهوش دعوة صح ؟

اعمل كبس للموتور وانت هتعرف الشمبر كام فى %
اما سرعة دوران الار بى ام غالبا رشاشات وهو الاستهلاك عندك عامل اية