ابوالفتوح ضحك علينا في الانفي

**M I D O** · 02-05-2013 01:25 PM

المشاركة الأصلية كتبت بواسطة hugan

يادكتور حازم
انا ما بتكلمش في تفاصيل المحركات
لكن زي ماقولت كتير جدا من الناس وهي بتشري عربيه
معاك يهمهم الموتور
لكن مش بطريقه
vvt او dvt او توصيف
الموتور اقتصادي او غير اقتصادي
انما عصبي او بيطلع اقصي عزم ليه علي كام ار بي ام
او اقصي عزم للفات الموتور
مش بيهتم بيها الا فئه قليله
بخلاف ماسبق
لكنه مش بالتفصيل الدقيق زي ما تفضل ميدو وبيقارن بين موتور الجيلي واسبرانزا

اتفق معاك برضو مش كل الناس بتقارن بالطريقة الي انا قارنت بيها المحركين وقليل اوي الي بيعمل كدة

**M I D O** · 02-05-2013 01:27 PM

المشاركة الأصلية كتبت بواسطة abdulhafeez

على العموم لو بتفكر تشتري الانفي النسخ اللي موجوده دلوقتي كلها متقفلة في الصين وتقفيلها نضيف لان خط انتاجها لسة مااشتغلش .. ولما يشتغل 516 هيتوقف انتاجها زي ما التيجو الشكل القديم قف انتاجها .... المعلومات دي من معرض ابوالفتوح كورنيش المعادي يوم الثلاثاء 30 / 4 / 2013

الانفي بصراحة تحس انها عربية عالية بالذات الفئة الهاي لاين اللي ب 84 الف ... بس اضيق شوية من 516

ازاي اضيق من ال 516 معا انها بالارقام اكبر منها ؟؟ و ال 516 مستحيل يوقفوها لان ابوالفتوح عاوز يكون لية اكبر عدد ممكن من العربيات في السوق عشان حصتة في البيع تكتر و ال 516 تعتبر الورقة الرابحة لية في كل الموديلات السابقة

**M I D O** · 02-05-2013 09:29 PM

المشاركة الأصلية كتبت بواسطة hemaa_82

خد بالك ان الارقام بتقول ان الام 11 اكبر من ال516 ... و مع ذلك الصالون من جوه اضيق من ال516....

لان عندك تابلوه كبير جدا و حوض اكبر ... و بيبان اتخن ...كل ده علي حساب الصالون .....

و بالنسبة لايقافه موديلات .... انا كنت اعرف من اول ما نزل ان اخره "في الاتفاق مع شيري يعني" تجميع 7 موديلات في مصانع ابو الفتوح

فعندك
1 تيجو
2 113
3 انفي
4 620
5ام 11&12
6 516

لو حسبنا الام 11 و 12 بموديلين يبقي هوه جاب اخر و ساب ال213 اللي فشلت معاه علشان كده"علشان الانفي"
لو ال2 = موديل واحد يبقي لسه فاضله موديل زيادة

هوة بالارقام الام 11 اعرض من ال 516 لاكن مش اطول منها وبالنسبة لايقاف اي موديل فمعنديش اي معلومات عنة

**said.d.y** · 03-05-2013 08:07 AM

المشاركة الأصلية كتبت بواسطة M I D O

السلام عليكم ورحمة الله وبركاته

بدون مقدمات ونخش في الموضوع علي طول .. زي ما العنوان بيقول ابو الفتوح ضحك علينا في الانفي و بالاخص في المحرك الخاص بيها ودي المواصفات الي ابوالفتوح كتبها في الكتالوج الخاص بالعربية
محرك 1500 سي سي
4 سلندر 16 صباب
1 كامة
109 حصان
بخاصية dvvt
العزم الاقصي 140 نيوتن علي 4500 ار بي ام

الحقيقة بقي ومن موقع شركة acteco engine
محرك 1500 سي سي
4 سلندر 16 صباب
1 كامة
108.8 حصان
بدون dvvt او حتي vvt او اي تكنولوجيا
العزم الاقصي 140 نيوتن علي 3000 ار بي ام فقط
ودة لينك الشركة عشان التاكيدProducts
ودة معناة ان العربية هتحقق انطلاق كويس علي السرعات البطيئة ولاكن علي السرعات العالية هتكون ضعيفة و كمان التوب سبيد بتاع العربية هيكون قليل والله اعلم هياثر علي اية كمان انا هسيب حضرتكم تشرحو الباقي لان حضراتكم اكتر خبرة

يا باشا لية الدخلة الجامدة أوى دى، حضرتك بتقرأ من موقع شركة شيرى وبتحدد المواصفات على اساس كدة، ودى موش صح، لان ابو الفتوح بينزل عربيات مختلفة فى تجهيزاتها عن الموجودة فى موقع الشركة، يعنى هو موش كداب، حضرتك لو دخلت على موقع الشركة وشفت التيجو الجديدة، هتلاقى محركها التقليدى بتاع التيجو القديمةacteco engine، لاكن ابو الفتوح منزلها، دى لو روحت المعرض وشفتها بنفسك بمحرك dvvt، علشان يدى عزم اكبر 128حصان مع صغر المحرك ال1600 على حجم العربية، زى ما الاسبورتاج والهيونداىix35 نزلت بموتور gdiعلشان يعلى العزم بتاعها 140-135حصان ويعمل توازن مع المحرك 1600 وحجم السيارة.
وكمان هتلاقى تكييف النيو تيجو على موقع الشركة عادى(بكر)، وابو الفتوح منزلة الكترونى بشاشة عرض بيانات. يعنى با باشا العبرة بالموصفات المنزلها الوكيل وكل بلد الموصفات البتنزل فيها مختلفة عن التانية.
ولو مشينا ورا كلام حضرتك يبقى كل الوكلاء فى مصر والعالم بيضحكوا على الزباين، دى لو افتراضنا ان كل المواصفات الموجودة فى الكتالوج البينزل مع العربية المفرض بتكون فى العربية ال بنشتريها. موش كدة ولا اة؟؟؟؟؟؟؟؟؟؟؟؟؟

**M I D O** · 03-05-2013 02:41 PM

المشاركة الأصلية كتبت بواسطة طارق المحلاوى

الأخ ميدو
اولا :- انا لم أقصد اطلاقا التقليل من شأن اى حد ..انا كنت فقط بقوم بتحليل كلامك ..وأنا شخصيا بدأت بـ ملكه السيارات فيات 128 ...
ثانيا :- لو سمحت لى.. بيقولوا الكتاب بيبان من عنوانه.. ..وعنوان موضوع حضرتك كان بيستفز جميع الأسبيرانزاوية - ليس حبا فى ابو الفتوح ولكن حبا فى سيارتهم واختياراتهم ..
وربنا يرزقك بالسيارة اللى تعجبك وتحبها ..

يا باشا حصل خير وبعدين اعتذر ان كان اسم الموضوع يخلي اي حد يشوفة يفتكر انة تقليل من الاسبرانزا لاني انا شخصيا بحبها وعاوز اشتريها بس لما شفت مواصفات غير المواصفات اتصدمت لاني كنت معلق امال كبيرة علي الانفي وعموما حصل خير يا باشا

**M I D O** · 03-05-2013 02:44 PM

المشاركة الأصلية كتبت بواسطة tiggosaid

يا باشا لية الدخلة الجامدة أوى دى، حضرتك بتقرأ من موقع شركة شيرى وبتحدد المواصفات على اساس كدة، ودى موش صح، لان ابو الفتوح بينزل عربيات مختلفة فى تجهيزاتها عن الموجودة فى موقع الشركة، يعنى هو موش كداب، حضرتك لو دخلت على موقع الشركة وشفت التيجو الجديدة، هتلاقى محركها التقليدى بتاع التيجو القديمةacteco engine، لاكن ابو الفتوح منزلها، دى لو روحت المعرض وشفتها بنفسك بمحرك dvvt، علشان يدى عزم اكبر 128حصان مع صغر المحرك ال1600 على حجم العربية، زى ما الاسبورتاج والهيونداىix35 نزلت بموتور gdiعلشان يعلى العزم بتاعها 140-135حصان ويعمل توازن مع المحرك 1600 وحجم السيارة.
وكمان هتلاقى تكييف النيو تيجو على موقع الشركة عادى(بكر)، وابو الفتوح منزلة الكترونى بشاشة عرض بيانات. يعنى با باشا العبرة بالموصفات المنزلها الوكيل وكل بلد الموصفات البتنزل فيها مختلفة عن التانية.
ولو مشينا ورا كلام حضرتك يبقى كل الوكلاء فى مصر والعالم بيضحكوا على الزباين، دى لو افتراضنا ان كل المواصفات الموجودة فى الكتالوج البينزل مع العربية المفرض بتكون فى العربية ال بنشتريها. موش كدة ولا اة؟؟؟؟؟؟؟؟؟؟؟؟؟

اولا مشكور علي المرور و الرد ثانيا انا بحثت في موقع شركة اكتيكو الي بتصنع محركات اسبرانزا والشركة مصنعتش غير محرك واحد بس 1500 سي سي الي هوة راكب علي الانفي و المواصفات بتاعتة غير المواصفات الي شفناها في مواقع السيارات ودة كان سبب اني عملت الموضوع لاني حسيت اننا بينضحك علينا كمشترين ومشكور مرة اخري علي المرور الكريم

**M I D O** · 03-05-2013 04:44 PM

المشاركة الأصلية كتبت بواسطة i_Am_Legend

من الاميجراند ..للاينفي..عربيات صينى سيئة..وبتدفعوا فيها فلوس !!!!!
مش عارف صيني ايه اللي بتركبوه دة..وبتقارنوا مابينهم..خلاص الشركات المحترمة خلصت ..وبندور عاي الصيني !!

صيني يعني مش عربية وبعدين صيني يعني وحشة اي عربية مهما كانت ممكن نقارنها حتي لو هنقارن صيني بالماني دي عربية ودي عربية و الفارق بينهم مش دولة الصناعة لا جودة الخامات و الاعتمادية ووسائل الامان و العمر الافتراضي للعربية وبعدين مين قال علي غبور او ابوالفتوح شركات مش محترمة ؟؟!! دول شركات كبيرة جدا وليهم عملاء كتير وشوف انتشار العربيات في الشارع وانت تعرف هما نجحو ولا لا و اثبتو كفائة ولا لا وبعدين الصين قادمة بقوة ودي نفس بداية الكوري زمان وشوف الكوري دلوقتي عامل اية و دليل علي كدة البرليانس شوف دلوقتي ال v5 تمنها وصل ل 160 الف تقريبا وصيني دي لو عربية وحشة كان حد جابها بالسعر دة وقدامة في نفس الفئة السعرية الكوري و الياباني و الالماني ؟؟!! ارجو من حضرتك الحيادية و مشكور علي المرور

-

-

-

الموضوع: ابوالفتوح ضحك علينا في الانفي

LinkBack

أدوات الموضوع

عرض

-

-

-

-

-

-

المواضيع المتشابهه

مقارنة بين محرك الانفي و الامجراند

اللهم هون علينا سكرات الموت و نور علينا قبورنا‏...منقول

موقع سيارات ابوالفتوح

الكلمات الدلالية لهذا الموضوع

المفضلات

المفضلات

ضوابط المشاركة