الموضوع: سؤال خاص للانسر الشارك الجديدة ( ارجو الافاده من اهل الخبرة )

السلام عليكم اعضاء منتدي ميتسوبتشي الكرام

انا كان لي سؤال هو ليه الانسر الشارك الجديدة مش منتشرة في البلد علي الرغم ان في ناس كتير جداً كان نفسها ان العربية دي تنزل ..... و طيب حتي لو قلنا ان العربية دي غالية طب مهو يوجد قدمها منافس فوي زي المازدا 3 يصل ثمنها الي 150 الف جنيه مصري و دي طبعاً اعلي فئه فيها ......... هل يوجد عيوب في هذه السيارة ( الانسر الشارك ) هل يوجد عيوب فنيه او تقنية ؟؟؟؟؟؟
ولكن الاحظ ان المستهلك لغاية يومنا هذا يفضل الانسر البومة 2008 !!!!!
و ياريت لو في حد يقولنا الفرق بين الخليجي و المصري في الشارك

ارجو من اهل الخبرة في هذا الموضوع افاتدي و افائده كل اعضاء المنتدي الكرام

المشاركة الأصلية كتبت بواسطة مصراوي جدا

ايه يا شباب واحدة واحدة ... قوام عملتوها فاشلة

اولا رجاء ان الحديث يكون موضوعي وبدون حدة والاختلاف في الرأي لا يفسد للود قضية وكل واحد من حقة يقول رأيه .. بس أرجو ملاحظة ان اذا كان اللي بيكتب في المنتدى 100 عضو مثلا ففيه 10000 عضو بيقرا بس .. وكتير منهم بيكون داخل المنتدى علشان عايز يشتري عربية معينه وبيشوف رأي الناس فيها وبيتخذ قراره على هذا الأساس .. أنا مش باقول كل الناس تسقف لميتسوبيشي واوعى حد يقول فيها عيوب .. أنا باقول ان الحديث عن العيوب والمميزات يكون موضوعي وبوضوح وعن تجربة

أولا : الشكل الجديد الشارك بدأ زي ما كل الناس عارفة موديل 2008 يعني تقريبا العربية لها سنة أو أقل حاجه بسيطه في مصر والعالم

- ميتسوبيشي لما نزلتها عملت فيها تعديلات كتير في كل حاجه وتطويرات وبالتالي السعر خرج عن الشريحة الطبيعية للانسر وده اللي خوف الشركة الأم في اليابان من أنها تفقد عملاء اللانسر (شريحة الـ 100 ألف جنيه وما حولها) وعلشان كده فضلت استمرار الشكل القديم البومة الى جانب الجديد الشارك لمدة 3 سنوات وبعدين توقف القديم (لما تشوف رد فعل الأسواق).

- يمكن طوال السنة اللي مرت دي والكميات المنتجة من العربية أقل بكتير من البومة يعني قرار الانتاج نفسه كان انهم في الأول ينتجوا كميات قليلة لغاية لما يبدأ السوق يحتاجها (انا باتكلم عن ميتسوبيشي اليابان والأسواق العالمية كلها).

- انا شخصيا اعتقد العربية ناجحة جدا لأن كل شيء فيها متطور ابتداءا من المحرك 1500 سي سي بتكنولوجيا مايفك بيطلع 109 حصان صافي (اعلى من اللانسر 1600 المصري بتطلع 106 حصان صافي) وسحبه حلو جدا وأرجو من كل الأعضاء اللي عندهم العربية يقولوا رأيهم بصراحة في سحب العربية

- تكييف اوتوماتيك
- كمبيوتر متطور
- كماليات غير مسبوقة في اللانسر زي وحدة السي دي تشنجر MP3 ومتطور كتير عن اللانسر 1600 ، وعازل صوت ، وتشغيل المحرك بدون مفتاح ، وزجاج غامق مانع للآشعة الفوق بنفسجية ، وفي الخليجي حساس مطر وحساس ظلام ، وفانوس أمامي متحرك مع الحركة يمين وشمال وحاجات تانية كتير تفيد ان العربية اتطورت كتير

- موضوع البنزين 95 لا ينطبق عليها لا المصري ولا الخليجي . العربية بتاخد بنزين 92 فقط وانما اللي بتحتاج بنزين 95 هي اللانسر 1600 الخليجي فقط لا غير

- موضوع الفانوس اللي بـ 5000 جنيه فده فانوس الخليجي لأنه زينون متحرك مع حركة العربية يمين وشمال انما العادي (اللي بينزل في المصري) بحوالي 1500 جنيه

- بخصوص الاكصدام والحوادث فبالعكس العربية علشان بينزل منها محرك 2000 سي سي فاللي يبص على المحرك الـ 1500 يلاقيه في نص الكبوت وباقي المكان فاضي حتى الاكصدام يعني المحرك بعيد عن الاكصدام ، وكمان بشكل عام فالعربية معامل الأمان فيها عالي جدا واكتر حاجه بيهتموا بيها هي سلامة الركاب وانا شفت بييجي لنا عربيات حوادث (طبعا كلنا عارفين الحوادث قد ايه في مصر) بتصل الى total loss انما اهم حاجه ان كابينة الركاب محمية تماما والسيفتي عالي جدا

عموما الفترة اللي جاية الكميات المنتجة من العربية زادت وبالتالي هنشوفها اكتر في الشارع رغم ان انا باشوفها كتير جدا بس طبعا مش زي البومة

شاكر ليك جداً يا استاذي علي المعلومات الهامة الي نورت الموضوع ....طب ممكن حضرتك تعطي مميزات و عيبوب السيارة و كمان اسعار قطع الغيار بما ان حضرتك استشاري كبير في متسوبتشي و شكراً