تخبيط فى العربية من تحت فى المطبات والشوارع المتكسرة

**Mohamed G** · 01-05-2013 02:51 PM

السلام عليكم ورحمة الله
ان شاء الله تكونو كلكم بصحة وفى احسن حال
العربية وانا ماشى بسمع صوت تخبيك حديد فى بعضة الاول كان فى الجمب الشمال من قدام بس وبعدين ابتديت احس بيه تحت رجلى دلوقتى حاسس ان العربية كلها بتخبط فى بعضها ( صوت حديد بيخبط فى بعضه )
الاول بردو كان فى المطبات بس دلوقتى حاسس ان الموضوع بقى فى ااقل مطب او لو الشارع مش كويس
فتتوقعه اية ؟؟ وياريت ياجماعة تقولولى التكلفه هتبقى كام لانى معرفش فى الاسعار ولا فى التكلفة خالص
وبالمره ( فى صوت لما ببقى دايس فرامب والعربية توقف خالص واجى اشيل رجلى بسمع صوت تكتكه واوقات صوت صفارة بصيط )
انا اسف على الاطاله بس اخوكم هنا فى فنلندا معرفش اى حاجه وانا علشان تقول للميكانيكى صباح الخير ممكن تبص على العربية ( مش بعيد يقولك 50 يورو عشان ارد الصباح ) :)

جزاكم الله خيرا

**Karim Ibiza** · 01-05-2013 02:59 PM

اهلا بيك مرة تانية

حضرتك قبل كده كان عندك صوت ورا شمال وقولنا ان غالبا هتكون علبة الشكمان وحضرتك مقولتش عملت ايه فى الموضوع ده

جايز برده يكون الشكمان او علبة النص بتاعت الشكمان وده هيكون بسبب ان العربية خبطت فى حاجة من تحت

ياريت حضرتك ترفعها على بير وتصورلنا المنظر من تحت عشان نقدر نفيدك

بالنسبة لصوت الفرامل, موضوع الصفارة ده بيكون بسبب وجود تراب بين التيل والطنبور والتكتكة مع رفع الرجل بسبب ان الجهاز نش بيرد بسرعة مع رفع الرجل وبيفضل مكلبش شوية فى الطانبور وبيفك مع المشى
دى حاجات مفيش منها مشكلة وكبر دماغك منها

ياريت تصورلنا العربية من تحت

**hossamalsadik** · 01-05-2013 03:04 PM

الصوت ده ممكن يكون علبة الشكمان عوزه تتربط
او
الصوت يكون خاص بسوستة تسمى الضفضعه هتلقيها ورا الفرده الشمال ومتصلة بالفرامل يعنى الصوت ده ممكن يظهر لما ونتا وقف تدوس فرامل
وسببه ان السسته ليها جراب بلاستك او جلد كوتش فلو باظت وكشفت يبقى حديد السوسته هيخبط
والأسعار طبعا الى هنا مش زى الى عنك

**Karim Ibiza** · 01-05-2013 03:39 PM

المشاركة الأصلية كتبت بواسطة mohamed g

اهلا وسهلا استاذ كريم انا فعلااا كتبت الموضوع وقولت ناحية شمال من ورا بس بعد كده لما ابتديت اركذ فى الصوت لقيت شمال ادام :)
ولسة والله معمتلش اى حاجه انا كنت بقول اصبر شوية ويعدين ابقى اروح اشوف الموضوع لكن الموضوع واضح انه بيزيد
فان شاء الله لو فى اى حاجه عملتها اكيد هابغلكم بيها على طول للعلم
ولو موضوع الشكمان او علبة النص بتاعت الشكمان
ده بيتكلف كام ؟؟؟ وهل ده ممكن يعمل تخبيط جامد كده فى العربية خصوصا شمال ادام ؟؟

الف شكر لحضرتك

والله يا أ/محمد لو الصوت من قدام يبقى كده الاحتمالات هتزيد + ان الصوت لازم يتسمع عشان نقدر نشخص المشكلة فين

انا كان عندى صوت فى العجلة الشمال قدام زى صوت شخللة صاجات وطلع فى الاخر بسبب الصاجة اللى خلف الطنبورة كان واقع منها مسمار من اتنين
احتمال كبير قوى يكون عندك نفس المشكلة

ياريت لو تقدر تسجل لينا الصوت وترفعه هنا عشان نقدر نميز